عندي مشكلة في توزيع هواء المكيف بالباترول 2007

[البر عشقي]

بسم الله الرحمن الرحيم

السلام عليكم ورحمة الله وبركاتة

أخواني الاعزاء انا واجهتني مشكله من بداية تشغيلي للمكيف بهذا الموسم يعني خبري بها قبل يجي الشتاء وهو شغال تمام مافيه أي مشكله وتبريده عال العال .

المشكلة بتوزيع الهواء في المكيف الامامي لما أشغل المكيف اسمع الكمبرسر يشتغل سليم ويفصل بشكل طبيعي لكن الهواء لايخرج مع الفتحات الاماميه رغم ان زر توزيع الهواء شغال على الفتحات الاماميه ويخرج هواء بسيط مع الفتحات العلويه فوق الطبلون ومن تحت افر موزع الهواء يكون الهواء ثابت فوق تحت فقط امام الاماميه لايخرج منها شي نهائي .

وديتها مهندس متخصص بالمكيفات قالي بسيطه افصل الكهرباء عن الموزع الداخلي اللي يجي خلف المسجل والمكيف من داخل الديكور واثبته لك فقط على الجهة الاماميه قلت زينها فك الموزع وحاول يسويها ماضبط معه قالي الموزع الداخلي عندك مضبوط مافيه مشكله اكيد المشكله من الهواء الجاي من الثلاجه وكذا لازم نفك الديكور كامل مع الطبلون قلت لا خله لاتفك شي والحين جالس على المكيف الخلفي والهواء فوق وتحت لكن بوقت الظهيره ماتسوي شي .

ياليت تدلوني على حل للمشكله ومهندس ممتاز يعرف يصلحها بدون فك الديكور يفضل بالقصيم وشكراً .

الموتر باترول فتك 2007

[م/عضوى شورى]

الله يعينك

[شحرور الدهنا]

الثلاجه يمكن واحتمال تكون متسدده حاول تفك غطاها بنفسك بسيطه مكانها فوق اقدام الراكب تحصلها زي الصندوق اسود بلاستيك وشيك عالحروحه هلى طريقك شفها تحت الدرج باليمين والثلاجه يسار

[البر عشقي]

مشكور اخوي م/عضوى الشورى والله يعين الجميع


اخوي شحرور الدهنا يعطيك العافيه ومشكور على معلوماتك وبشيك عليها مثل ماقلت لأني شاك ان الدعوى فيها سدد لانه ماجات المشكله غير بعد فصل الشتاء والشتاء هذا طلعت بران واجد ولاكنت اهتم بالنظافه الداخليه ممكن داخلها غبار او قراطيس صغيره شكراً لك عزيزي

[أصيل حجآ زي]

. وعليكُم السلام

اخي ؛
مفروض فيه صفاية ( كابن فلتر cabin filter )
لمُكيف الغمآرّة تحت دُرج الغمآرّة .

اول شيء غيّر الصفاية ؛
مشروحة في دروسي رابطها
مُثبت بمُقدمة الخيمة .
المكتوب به كيف تصبح مُهندس سيارة .
ارُد عليك من الجوال / وإلا كان أعطيتك رابط الدروس .

ثُمَّ فتش حول مروحة المُكيف الداخلية
تجد أوراق شجرة جاركُم اللي توقف تحتها
متجمعة حول ريش المروحة وفي مجرى الهواء قبل المروحة .

[البر عشقي]

مشكور اخوي حجازي أصيل والله ماقصرت مواضيعك كلها وافيه وانا متابعه من البدايه بس قلت لو فيه سدد كان ماطلع هواء خير شر لكن مالي غير كذا لاهنت والله يعافيك على التوضيح

[ابوهايلكس]

الله يعينك على الصيف

[ابوسند9]

وعليكم السلام
المشكله ليست من الثلاجه او المروحه
المشكله من الفرار نفسه واعتقد لازم تسبدل الفرارات الثلاثه جميعا لانها تجي وصله كامله مع بعض ,او انك تشوف فني الكترونيات يصلحها , او انك تشوف حد معه نفس سيارتك وتجرب وتفك قاعدة الفرارات وتجرب
لكن انت الحين مش حالك بحيث تدخل يدك من خلف الفرار من عند دعسة البنزين راح تشوف عدد 2 سيخ صغير طالعه لا اعلى حرك واحد منها لا اعلى او سفل حتى تضبط الوضع على الفتحات الاماميه ويفضل انك تستخدم كاشف من شان تشوفها
اما الورش فا عندك ورشتين في بريده وكلها جنب بعض ورشة محمد العثيم وورشه الحسون بصناعية الرواف

[روقي نجد...]

شيك على ثلاجة المكيف والفتحات اللي تجي خلف الدرج ، ممكن تلقى شيء ساد عليها ، بعد سنتين من المعاناة مع المكيف وخروج الهواء بدفع ضعيف اكتشفت كيس بقالة بين الدرج والثلاجة وبعد ما شلته ضبط معي المكيف والأمور تمام من فضل الله.

[مستعد للتضحية]

المشكله احصلة معي وصلحتها واظن اهي اللي صايره معك حاليا والله اعلم
ان المروحه الداخليه فيها ثقل واحرقت المكثف حق المكيف تلقاه اقريب المروحه الداخليه
الحل
اولا تبديل المروحه الداخليه علشان لا تحرق المكثف مره ثانيه
ثانيا تصليح المكثف عند كهربائي شاطر
السعر 30 دك
وشكرا

[حبو 1]

السلام عليكم اخوي المشكله شائعه في النيسان الباترول من 98 وفوق
لا تلغي الهوايه يجيك يوم تحتاجها وتتحسف
فك منظم المكيف وتأكد ان كل شي واصل وحاول فني المسجلات يصلحه لك
ان مازبط عليك بالتغيير لو انك في الرياض دليتك