دفرنس شاص

[الذبياني]

السلام عليكم عندي تهريب زيت في وجه الكورونه للدفرنس الامامي السياره شاص ورحت الصناعيه وطلب شغل يد 700ريال واحد قال لاتفكها ماراح يضيط الوجه يقول خذ للك بنزين واغسل التهريب بعدين حط جملكه الماني على منطقه التهريب وداير مادار على وجه الدفرنس من الخارج مدري الوضع كذا سليم والا اتوكل على الله واصلح عند الرجال وافك الدفرنس طلبنا مشورتكم ولاتبخلون علينا وسلامت الجميع

[بدوي جنوبي]

عليكم السلام
عندك الكرونا لها غطاء خلفى
او تطلع بالكامل برا

والمبلغ مبالغ لدرجة انى ما أستوعبت :eek::eek::eek:

[San Francisco]

الشغله ما تستاهل خمسين ريال وإذا اكرمته ميه
خذ من الشركة وجه غطا وإذا ما لقيت خذلك سيلكون أصلي تويوتا ولا متسوبيشي وزيت دفرنس ٩٠ اذا فيه صوت ونه خذلك ١٤٠ وابعد عن الفوكس تعبان
اي مكنيكي عنده حفره يسويها بس اهم شي ينظف الغراء القديم زين وإذا نزل الزيت خله يصبه بعلبه نضيفه اذا مهوب محروق رجعه أزين

[الذبياني]

اشكر الجميع على تفاعلهم وخاصة مشرفنا الغالي باالنسبه للسعر ماني مستوعب الفكره الى الحين اما الدفرنس فهو لشاص 2011امامي والشاص فيه دفللك لانستغني عن النصيحه بيض الله وجهك

[الذبياني]

اشكر الاخ سان فرانسسكوعلى النصيحه وبيض الله وجهك

[حسن الشمالي]

دفرنس الشاص يخرج كامل
ماله غطاء

اخوي موترك جديد وش سبب التهريب؟؟

تأكد لايكون من لي التنسيم حق الدفرنس وتظنه من الوجه