فشق النص شوزن وش مشكلته

[ابوسعد 2001]

سلام عليكم
بنشد عن فشق نص الشوزن ليش صعب تلقاه وخاصه في الرياض هل هو غير مرغوب او ليس عليه طلب و افضل رقم للضبان هل هو رقم 6 او اقل وافضل نوع هل هو رمنقتون او فيوشي او فوب او ايلي او اي نوع
مالقيته في الرياض غريبه وش مشكلته×
موفقين خير

[ابوسعد 2001]

تعودنا مشاهدات وتطنيش

[محمد بن ناصر الثبيتي]

عليكم السلام



ماعندي خبر بس حبيت ارد السلام
علشان ماتعدني مطنش مع المطنشين ههه

لعل يفيدونك الشباب اهل الخبره..

[تربة الشمال]

وعليكم السلام سبب قله في المملكه عدم رغبت الناس له

[ابوسعد 2001]

مشكورين ابوناصر وتربة الشمال على المرور

[ابوسعد 2001]

نبي افاده اكثر من الاخوان

[عساها تساهيل]

مساك الله بالخير يابو سعد .

اللي اسمعه من الناس يمدحون الرمنقتون وانا ماعندي والله علمم ..

[أبوروقي]

زباينه قليل

يعني الصندوق يطيح عندك يالله تصرفه

[ابوسعد 2001]

مشكور اخوي عساها تساهيل على المرور والافاده

اشكر مرورك اخوي ابوروقي والافاده

لقيت في القصيم الصندوق ب الفين وثلاث فوشي وايلي رقم سته

في الرياض وين القاه

[Obu-Nasser]

زباينه قليل

يعني الصندوق يطيح عندك يالله تصرفه

اغلب اللي يجينا هو الكامل عيار 12 بسبب كثرة زباينه واغلب الشوازل اللي بالسوق 12
الطلب على النصف قليل جدا مقارنة بالكامل، وهذا يخلي الناس ماتقني شوزل النصف عشان مايتعبون في زهابه.

[ابوسعد 2001]

وين نلقى نص صندوق

[ابوسعد 2001]

للرفع ......

[ابوسعد 2001]

نبي اراء باقي الاعضاء

[ابوسرى]

وعليكم السلام ورحمة الله وبركاته

اخوي يمكن اغلب اللي يستخدمون الشوزن يستعملون الكامل وليس النص وسلامتك

[ابوسعد 2001]

هذي المشكله النص استعمالها قليل

[مخاوي العريس]

معروف أحسن فشق للنص رمنقتون .. بس بارود الضبان هي الخرازة مع فشق متفجر 100%
بس لا تصيد إلا اللي يكفيك .... والله يوفقنا و إياك

[يزيد ألبلوي]

والله عندنا بالشمال (تبوك , العلا . الوجه ) والديار اللي حولها متوفر وبشده وله زبأين كثير وبعض الاحيان ماتحصل من كثر الزباين . اذا تبي اشوف لك تعال خأص .

[ذيب كوول]

وعليكم السلام ورحمة الله وبركاته
شوف ي ابو سعد صرفها وانا اخوك والرزق عند الله سبحانه .. يعني بعها .. واستعمل الشوزن الي رصاصها كامل .. الكامل الله سبحانه

اما بخصوص الضب احسن شي لك طال عمرك اخذ لك برنو واستخدم رصاص متفجر وافقع وجه سعاده الضب فقع .. ﻷنك لو ترميه في غير الراس بيجحر وبتاخذ ذنبه وحاول انك تقتصد ب الذبح يعني ﻻتسرف .. والشوزن خلها لﻷجوال .. عساها فالي وفالك . ارجو اني افدتك

رحم الله والدي ووالديك وكل مسلم

[qariah]

السلام عليكم
وش اخبارك اخوي ابوسعد
فعلا النص شوزن فشقه قليل وغالي شوي مقارنه بالشوزن
وانا جربت كذا نوع من الفشق رمنقتون و الفوشي و غزال وانواع ما اذكرها
واللي ناسبني الفوشي رقم 6\36 للقميري والصفار لانه يسوق
وبالنسبه للسمان اذا كان مجتمع فوشي رقم 9

[ابوسعد 2001]

اشكركم على مروركم المميز

خابر ان الضب يبيله خرازه ومتفجر وكلها كانت عندي من سنين وبعتها والان اسعارها فلكيه وبنتعبر با النص لين الله يفرجها