يالربع الهايلكس تاقف على 140وش الحل وهل هذا عادي ..؟؟

[متولع بالقنص]

بسم الله الرحمن الرحيم

السلام عليكم ورحمة الله وبركاته

اللهم صل على محمد ..

اخواني عندي هايلكس موديل 2009 سافرت عليها وعطيتها لين وقفت على 140 واعطيها ماتعطي تاقف على 140 ابغاها تزود مارضت تزود بس بالنزلات وترد لـ140 واغلب ممشاي عليها هل يضرها ..

والحل مع الممشى مدري فصله او مربوطه او معروف بالهايلكس ..

أفيدونا بارك الله فيكم ..

[احب الحيا]

اذا كانت كفرات كبار ٢٢٥ -٧٥ وخاصه جنط مرسدس او دوج والموترعليه كعكات والهوا مناطحك ممكن

[متولع بالقنص]

كفرات +جنوط عراض قصيمي

والهوا ناطح ولا ماهو ناطح نفس السرعه

[مفضخ الشري]

ليت كل المواتر ماتتعدى 140 كان مافقدنا ناس غالين

على فكرة تشوف كومه الحديد هذي ؟

http://s.riy.cc/2010/10/03/img/336620724394.jpg

كانت هايلوكس في يوماً ما .. رحم الله من توفى فيه

[x.ok]

الله يحفظ الجميع
يقول أحد الأقارب جربت قيادة فاخرة فقررت بأن السيارات الأخرى يجب ألا تتعدى سرعتها 80 وما بعدها مغامرة

[sgl2002]

شكل احد الدبات مسدودة

[عبون الجواء]

ليت كل المواتر ماتتعدى 140 كان مافقدنا ناس غالين



على فكرة تشوف كومه الحديد هذي ؟


http://s.riy.cc/2010/10/03/img/336620724394.jpg


كانت هايلوكس في يوماً ما .. رحم الله من توفى فيه





بيض الله وجهك على الصور فعلا اتفق معك وجزاء الله الف خير

[وجعين]

السرعة مابعده الا الندم خلك على ها الوزنه

[ابوراكان تبوك]

اسلاك البواجي او الصفاية او فلتر الهواء

[ابو عبيد55]

احتمال تكون المشكله من صفاية البنزين
غيرها
واذا ماتغير شئ
سو تنظيف بخاخات وان شاء الله بتضبط الامور

[متولع بالقنص]

الله يجزاكم خير

بيض الله وجيهكم

وجزاكم الله خير

إخواني ممشاي 140 بس اللي مسكني أكثر العالم ممشاهم 140 ووقت التجاوز يحشروني

[عابد عبود]

صارت عندي معي هايلوكس ٢٠١٢
سويت غسيل بخاخات وغيرت صفاية البنزين وفلتر الهواء والبواجي وضبطت الامور تكلفك ممكن ١٥٠٠

[تساهيل1]

صارت عندي معي هايلوكس ٢٠١٢
سويت غسيل بخاخات وغيرت صفاية البنزين وفلتر الهواء والبواجي وضبطت الامور تكلفك ممكن ١٥٠٠


والله غريبه 2012
وغسيل بخاخات وخرابيط

والثاني 2009 ولا تمشي

وش سالفة سيارات هاليومين

عاد الهايلكس معروفه بالسرعه وقلة الخلل


شف اخوي تأكد من الفرشه لا تكون رفيعه ترد الابنص

تو اذا انت شاريها مستخدمه يمكن مرفوع المسمار اللي ورا الابنص اذا فيها

وبالتوفيق

[dhoomi]

أول حاجه ممكن تأثر بالعزم هي البواجي... شيك عليها..وان كانت تحتاج تغيير فلا تبخل عليها بالأصلي
ثاني حاجه صفاي البنزين و فلتر الهواء

[abarre3an]

والله غريبه 2012
وغسيل بخاخات وخرابيط

والثاني 2009 ولا تمشي

وش سالفة سيارات هاليومين

عاد الهايلكس معروفه بالسرعه وقلة الخلل


شف اخوي تأكد من الفرشه لا تكون رفيعه ترد الابنص

تو اذا انت شاريها مستخدمه يمكن مرفوع المسمار اللي ورا الابنص اذا فيها

وبالتوفيق

صدقت فعلا" غريبة...؟؟!!
مااتوقع لا صفاية ولا بواجي. خل البخاخات اخر شي. لأنه معي مديل 2004 ولا عمري نظفتهن. متاااابع...دمتم بود.

[200]

بسم الله الرحمن الرحيم

السلام عليكم ورحمة الله وبركاته

اللهم صل على محمد ..

اخواني عندي هايلكس موديل 2009 سافرت عليها وعطيتها لين وقفت على 140 واعطيها ماتعطي تاقف على 140 ابغاها تزود مارضت تزود بس بالنزلات وترد لـ140 واغلب ممشاي عليها هل يضرها ..

والحل مع الممشى مدري فصله او مربوطه او معروف بالهايلكس ..

أفيدونا بارك الله فيكم ..
شف اخوي أذا الموتر شاريه مستعمل أتوقع ان القير مهب حقه وانت تأكد والدفرنس إذا حق سياره ثانيه تسوي كذا واتوقع انه من القير مهب لموترك لانها صارت معنا وطلع من القير مهب له وان شاء الله تهون ولايطلع من القير ولا الدفرنس

[مطر وسم]

اول شي يا اخوي السرعه مهب زينه ممكن احد يحل لك مشكلة السرعه بسيارتك وتسرع يا ينفقع كفر او يطلع عليك احد بوسط الخط او بعارين سائبه ولا تقدر تتصرف وينتج عنه اصابات وخسائر ماديه لا سمح الله الله يحفظنا جميعا ً


فأقبل بسرعة سيارتك الحاليه واحمد الله على العافيه ولا تخسر نفسك ربما فيها خيراً لك يا اخي العزيز


سيارتي فور تشنر 2012 موقف طبلونها على سرعة 160 من الوكاله لم افكر في يوم اني افتح القفل واخليها تاصل 200 لأني اعرف نتائج السرعه ونسمع وفايات بالعشرات كل يوم بسبب السرعه


على فكره اخوي ممشاي في الخطوط لا يتعدى 120 ابداً ونقول يالله السلامه




تقبل كلامي بسعة صدر فهو مجرد نصيحه اخويه

حمانا الله وياكم من كل شر ومكروه


تحياتي للجميع

[عاشق نجد]

لازم تسوي تصفية مكينة .

إذا أنت ما سبق غيرت البواجي واسلاكها وصفاية البنزين ، فغيرها الآن وراح تشوف الفرق .

أكيد بعض البواجي ما يوصل كهرب ومحترق ومتآكل .

ومثل ما قالوا الاخوان أنتبه من السرعة ، وما راح يفرق معك دقايق مقابل عمرك . والله يسلم الجميع .

[اسدهم]

غير الفلاتر حق المكينة
غير البواجي
فلتر البنزين

ركز في الي اقولة
فك القربة حق الفلتر المكينة لتجربة فقط اذاقوا عزمة اعرف انة من فلتر المكينة وبعدين رجعه

[عابد عبود]

يابوي انا حصلت معي لاني من الساحل وديرتي مشهوره بالغبار معظم السنه والبنزين من جهة اخرى
يعني قول على كل مره تفتح التانكي وتعبي بنزين تدخل ذرة غبار واحده طيب احسب كم مره تعبي بنزين عدد ولا حرج هذا من غير التراب اللي موجود في البنزين اصلا
عموما انا اعطيت الرجال تجربتي والحل اللي سويته ظبطت معاه السياره ولله الحمد

[متولع بالقنص]

الله يجزاكم خير كفيتو ووفيتوا


والله غريبه 2012
وغسيل بخاخات وخرابيط

والثاني 2009 ولا تمشي

وش سالفة سيارات هاليومين

عاد الهايلكس معروفه بالسرعه وقلة الخلل


شف اخوي تأكد من الفرشه لا تكون رفيعه ترد الابنص

تو اذا انت شاريها مستخدمه يمكن مرفوع المسمار اللي ورا الابنص اذا فيها

وبالتوفيق


وانا اخوكم البانزين معاد مثل أول السيارة جديده وتلقى الكربون يجيها ..

والمسافر يعبي من كل شكل والله يفكنا من النصابين ..