مطب كسر لي القير مدري وش سوا فيه ياليت رأيكم لاهنتم

[gmc93]

السلام عليكم ورحمة الله وبركاته

يااخوان حصلت لي مشكلة امس

كنت في احد احياء الرياض ال 6 ستار مدري وش عندي هناك ، ورقيت مطب وبنص المطب ضرب موتر من تحت قال طرااااااااااخ ومشيت وبعدها بساعه الموتر مايدق ريوس واليوم العصر مايعشق الا 2 / 4 / 6 يعني التعشيقات الاماميه مايدخل فيها ابداً ...

رفعت الموتر وشفت هالمنظر

الغطاء اختفى وباقي منه شوي !!!!

http://im84.gulfup.com/j5x4Z5.jpg



http://im84.gulfup.com/pBeaW5.jpg

عندي سؤالين لاهنتم

س1 / وش تتوقعون صار بالقير ؟ هل القير خلاص ودع او وش يحتاج <<< القير عندي مستعمل حول 20 الف ؟


س 2 / لو ارجع على المطب واوقف الموتر بنفس الضربة وادق على الامانه 940 او المرور هل تتوقعون يعوضوني او لا ؟وكيف النظام ؟ لانه لو قير فضربة جامده 20 الف ومن قوة المطب رقيته اليوم بسيارة ياريس وهي مرتفعه وحك فيها فمابالك بموتر رياضي يعني الغلط على الامانه مو علي

[ALJARPOA]

حبيبي اولاً لازم تنزل القير عشان تغيير الجرم حقه
ثاني اذا نزل القير خل الميكانيكي يفكه ويشيك عليه من داخل
وراح يبين معاه الي الي انكسر فيه واحتمال حساسات القير من الداخل
وربي بعيننا على هالشوارع الخايسه الي ماندري نلحق كفرات ولا هيئه اماميه
وتاليه خوازيق وصلت للمحركات
الله المستعان وربي يعينك ياصديقي

[يكفيني نظرة]

جرب ارجع للمطب وخل القطعه المكسورة معك ودق على نجم وخلهم يجون ويحطون تقرير وارفعه للامانه والمرور ..
اذكر واحد يقول انكسر الجنط عنده وانشق الكفر بسبب حفره وعوضوه..

[مطر وسم]

جرب ارجع للمطب وخل القطعه المكسورة معك ودق على نجم وخلهم يجون ويحطون تقرير وارفعه للامانه والمرور ..
اذكر واحد يقول انكسر الجنط عنده وانشق الكفر بسبب حفره وعوضوه..


هذا الكلام الصحيح ^^^^^ طالب بحقك

[هويدي]

سبق وطحت بحفريه اتصلت على المرور ونشبت ولله الحمد اخذت حقي

انصحك ترجع للمطب وتتصل على المرور او وزارة الاتصالات تبلغ او تشتكي

الله يخلف عليك وتذكر ما ظاع حق وراه مطالب

موفق

[ابوراكان تبوك]

االجرم يتلحم في المخرطة والدزق مضروب يحتاج تغيير وممكن يكون في مشاكل داخلية تبين بعد تنزيل القير

الاهم انشب بحلوق الامانة حتى تأخذ حقك مثل ما اشاروا الاخوان

[جني صغير]

وإذا خذيت حقك خبرني لان عندهم معاملة سقوط بحفره
طبعا تاريخ المعاملة ٥/١٥ والى يومك لا خبر ولا شي

[اسدهم]

حبيبي رح للمطب وصور موتر وهو فوق المطب ودق علا نجم وخلة يسويلك تقرير همن رح للمرور او الجها المعنية قلهم دبرولي اصلاح للموتر وتكليفة غالي انا عاجز عن تصليحة وكتبلك معروض يشق الجبها قلهم ياتعوضوني او برفع عليكم فضية في المحكمة بتعويضي في التلافيات الي سببها المطب الصناعي الي موافق علية المرور والبلدية اجمع راسين عند المحكمة لا تضيع الفرصة ترا الفرصة مرة وحدة في العمر ولا ترحمهم هم مرحمونا في تجديد الاستمارة ولا رحمونا في الشوارع

[أبوسعد111]

صدقوا الشباب
لا تهمل الموضوع

طالب بالتعويض

موفق

[ماء نوفا]

لاتخلي حقك ابد انت لو كاسر ماصوره او شجره مايفكوك ابد

[مسير عليكم]

الله يعوض عليك
رجع للمطب ووقف فوقه ودق علي نجم وخلهم يجون ولا تعلمهم انه خبط الا عقب ما تسحبه وتقدره