اخوي بدوي جنوبي والاخوان الاعضاء ابغى مشورتكم .

[البرنس الليبي]

السلام عليكم ورحمة الله وبركاته ..

انا اشتريت لاندكروزر جي اكس ار 2001 وفحصته وكان كل شي كويس وبعدين حبيت اسوي له صيانه المهم غيرت قطع الغيار الاستهلاكية بريكات وربلات ومساعدات وماشابهها حتى وصلت لزيت القير وفلتر القير ..وجدت زيت القير متسخ بشكل غير طبيعي وممشى السياره 184000 الف المهم غيرت الفلتر والزيت وبعدها طلعت لي مشكلة في التغيير عند نمره ثلاثة تحس يفضي ويطول حتى يعشق الرابع بعدها الامور تصير طبيعية ...المشكلة فقط في نمرة ثلاثه والباقي زين ....فيه ناس قالوا اصبر خمس ايام إلى اسبوع بيضبط .

السؤال :

هل واجهتكم نفس المشكلة وعسى ماهي مؤشر تخبيط ؟

[اابو مياس]

اخوي االزيت والفلتر للقير يتغيرو كل 40000 الف الحد الطبيعي للتغيير واذا زاد عن كذا تصير مخاوف من تخبيط القير والمفروض مغير الزيت على دفعات لان المسافه اللي ذكرت كبيره

[ابو عبيد55]

ان شاء بيضبط
انتظر من ثلاث ايام الى اسبوع وان شاء الله بيرجع كل شئ تمام

لان الحركه هذي صارت مع واحد من العيال معاه كامري 2005 تماتيك
وغير زيت وفلتر وطلع تشحط بزياده بعدين تغير ولما رجع للورشة قالوت له انتظر ثلاث ايام وبتتغير لان الزيت الجديد مع الفلتر يبي له وقت عشان يتكيف مع القير
وفعلا بعد ثلاث ايام رجع كل شئ طبيعي

[بدوي جنوبي]

خلك مع رأى الشباب
انتظر وان شاء الله يتحسن
مشكلة تاخير غيار الزيت ما تنتهى

[ابوراكان تبوك]

احتمال الزيت ناقص او زائد
قيس عيار الزيت بعد مشوار بسيط وقفه وخليه شغال دقيقتين واسحب العيار
عندك اشارتين في العيار اللي تحت والموتر شغال
واللي فوق اذا الموتر طافي

اذا الزيت مضبوط ع العيار اصبر عليه اسبوع اسبوعين مثل ما افادوك الشباب
ان ما انتهت المشكله الله يعينك تغير زيت وفلتر بعد احتمال الاوساخ نزلت وتراكمت بعد الزيت الجديد واحرص على وجود قطع المغناطيس في الكرتير
لو نويت تغير زيت مره اخرى خذ لك قطع مغناطيس ووزعها على كرتير القير من تحت قبل تغيير الزيت بيومين حتى يمسك الرايش

[مسير عليكم]

اصبر هالفتره الين يتعدل بس انتبه انتبه تدعس له عامله كنك تمرن موتر جديد هذي نصيحه مكانيكي في وكاله نيسان فلبيني كلمته عن موتر ماشي 200 الف باثفندر قالي اذا غيرته خلك مهدي عليه ولا تدعس وكانه موتر جديد تمرنه وان شاء الله يسلك