أين يباع ( قدر ) الطبخ الفخاري ..

[أبو ستري]

:confused: إذا كان لك الحظ وتابعت الطبخات المغربية تجدها دائماً على الفحم والقدر فخاري تحته الفحم .
السؤال اللي يطرح نفسه أين تباع مثل تلك القدر في مملكتنا الحبيبة . :cool:

[ابوطعيمه]

السلام عليكم اخ ابو ستري
تراني شاري واحد من الرياض قبل 6 سنوات والحين عندي كثير منها
والله اني دائم نستعملها وجودتها عاليه والطبخ بها ممتاز
انا شاريها من الرياض من اسواق طيبه اللي خلف الشيراتون وانت متجه شمال
والحين انا في جده ولكن جودتها عاليه وباقيه والحمد لله
انصحك تجربها ولن تشتهي الأكل بغيرها واسعارها حوالي حول 40 - 50 ريال حسب الحجم
واللي عندي تكفي 3 - الى 6 اشخاص
والله يوفقكم

[فل اوبشن]

والله يخوي انا شاري حول خمسه مقاسات مختلفه قدور على كيفك من جد بس يبيلها
اهتمام بنقلها من قدر يكفي لنفر صغير وش حليله ويدرج قدر سعة 12 لتر
وبرضو شريت قدر حجر منحوت .. مالك بالطويله شريتها من صبيا كنت بالجنوب
رايح اتمشي واللقا اللي باسطين على مدخل صبيا وشريت منهم واسعارها حلوه والطبخ فيها له طعم جنان ..

[ولد عبدالله]

اذا انت بالرياض رح للشفا تلقاه بــ 10 ريال

[شعيب فياض]

أنا شايف في الرياض عدد من المحلات تبيع هذه القدور
إذا تعرف الحلة حلة الأحرار خلف محلات الكبده
اشكال والوان

[أبو ستري]

مشكورين يالربع ..
إذا رحت لرياض أن شاء الله راح أشتري .. :)

[عرق رملان]

الاخ / ابو طعيمة
الله لا يهينك وشلون تصلح الطبخة في القدر المغربي .. وعلى ما إظن اسمه طاجن القدر ( طاجن سمك _ طاجن لحم _ طاجن دجاج )
عندي القدر الفخار موجود من 5 سنوات والله العظيم بقراطيسة جايبة من المغرب والى الان ما استخدم ولا اعرف وشلون يصلح
وشكراً

[أبو ستري]

ما جبت أثنين يا أول مشاركة وتبيعني واحد :) ؟؟

[كشته 111]

ابو ستري مساك الله با الخير ومشاركة مني في الموضوع اقدم لك صور منوعة للطاجن المغربي وعنوان شركة تبيع الطاجن الفخار شد حيلك وخذ وكالتهم ,,,

http://www.w31w.com/uploads/e7760d068a.jpg (http://www.w31w.com/)

http://www.w31w.com/uploads/da6245fd7c.jpg (http://www.w31w.com/)

http://www.w31w.com/uploads/b59d2e1672.jpg (http://www.w31w.com/)



وهذا الموقع لاخذ معلومات اكثر ,,,




http://tagines.com/ (http://tagines.com/)


وسلامتكم والسلام عليكم ,,,

[أبو ستري]

مساك الله بالنور يا كشته والله يعطيك العافية .. :)

[بوخالد2007]

صبحكم الله بالخير
بالنسبة لطاجن المغربي ينباع في دبي بالقرية العالمية في القسم المغربي وباشكال واحجام مختلفة وبالنسبة لاستخدامة بسيط ومافيه اي تعقيد
يدهن بالسمن في البداية وننرتب البطاطس والطماطم ووالثوم على قياس الطاجن وتكب علية الدجاج اواللحم وعلية بهارات وصلصة الطماطم والملح وشوي ماء وتخليه على نار هادية جداً حتى ينضج ترى ما ياخذ وقت كثير بسبب البخار وسلامتكم

[أبو ستري]

الله يعطيك العافية يابو خالد .. :)

[خيالـ الاصيلهـ]

:confused: إذا كان لك الحظ وتابعت الطبخات المغربية تجدها دائماً على الفحم والقدر فخاري تحته الفحم .
السؤال اللي يطرح نفسه أين تباع مثل تلك القدر في مملكتنا الحبيبة . :cool:اخي العزيزر تجده في الشفاء في آخر طريق الشفاء باتجاه الغرب