الكربريتر

[mechanistic]

اول موضوع لي وحبيت اشارككم اخواني ونستفيد من بعض
الكربريتر كيف اوزن العوامة بالطريقة الصحيحة بالفلر
لكي لاتصرف بنزين اوتكتم وتجمع كربون او تعلق وتسبب للكربريتر امتلاء بنزين الى طفح البنزين من الكربريتر


اخوكم يحي

[اسدهم]

وش نوع الموتر

[mechanistic]

قصدي اي نوع في الكربيترات
نوع جيب 93 لاندكروزر
مشكور يالغالي

[حمزةعبدالمطلب]

هلا اخوي يحي
بالنسبة لوزن العوامة في اي كربريتر بالهواء تسحب
وتدف هواء اذا تمام تسحب هواء تجي تفك لسانك او شفتك
من ماصورة الدفع تمسك كذا تمام وكلما فتحت للعوامة لادخال هواء اكثر كان افضل

طبعا بالفلر شفت الخواجه في مقاطع لاخوي اصيل الله يبيض وجهه
يوزن العوامة بالفلر على مقاس بلف الهواء وليس بلف النار
كيف
بلف الهواء في سيارتك مقاسه ١٠
طبعا سيارتك جيب ٩٣لاند كروزر تمام هذا كلام المخرطة اوكي
طيب تجي تاخذ الساعة
الساعة هذا ماعرف اسمها لكن بوصفها لك
اذا انت ميكانيكي بتعرفها اللي يستخدمونها المخارط
في خلوص الكرنك والتيمن ان شاء الله فهمتني
تاخذ شرائح الفلر كلها وتقوسها حتى مقاس عشرة
اذا ما زبطت معك خذ لك فلر امريكي ترى فيه فرق
مابين الامريكي والياباني توزن العوامة على
المقاس ١٠ وتترك خلوص بسيط جدا
ان شاء الله استفدت
وتقبل مرور اخوك والسلام
اذا مافهمت شئ ارسل مراسيلك

[mechanistic]

سلمت ولاندمت ابيض وجهه
تقصد الساعة حقت الكرنك اللي تعلمك كم مخروط الكرنك
الشى الثاني شفت بعض ردود لك على الشباب تقول كربريترك 10 او 12 ايش تقصد ووين احصلها اخوي توني بديت اشتغل ميكانيكا مع عمال اخوي الكبير
الحال الثاني نظفت الكابريتر وطلع لي فيه رعشه في المكينه قوية وزنت وزنت وزنت مازبط وزنت الديلكو مازبط معي
ايش الحل شكلي خربته مازينته
مشكور مشكور انتظرك

[mechanistic]

اسف اخوي
عندي جيب 84 قديم
اذا شديت عليه في القومه يكتم مررررره ثم يفك بقوه
اخوي مغير له طقم اصلاح جديد وكالة وياليت انه ماغير له شى لكن سوينا له صيانة كاملة

[أصيل حجآ زي]

هلا اخوي يحي
بالنسبة لوزن العوامة في اي كربريتر بالهواء تسحب
وتدف هواء اذا تمام تسحب هواء تجي تفك لسانك او شفتك
من ماصورة الدفع تمسك كذا تمام وكلما فتحت للعوامة لادخال هواء اكثر كان افضل

طبعا بالفلر شفت الخواجه في مقاطع لاخوي اصيل الله يبيض وجهه
يوزن العوامة بالفلر على مقاس بلف الهواء وليس بلف النار
كيف
بلف الهواء في سيارتك مقاسه ١٠
طبعا سيارتك جيب ٩٣لاند كروزر تمام هذا كلام المخرطة اوكي
طيب تجي تاخذ الساعة
الساعة هذا ماعرف اسمها لكن بوصفها لك
اذا انت ميكانيكي بتعرفها اللي يستخدمونها المخارط
في خلوص الكرنك والتيمن ان شاء الله فهمتني
تاخذ شرائح الفلر كلها وتقوسها حتى مقاس عشرة
اذا ما زبطت معك خذ لك فلر امريكي ترى فيه فرق
مابين الامريكي والياباني توزن العوامة على
المقاس ١٠ وتترك خلوص بسيط جدا
ان شاء الله استفدت
وتقبل مرور اخوك والسلام
اذا مافهمت شئ ارسل مراسيلك









اخي حمزّة / ابو فاطمة
ووجهك ابيّض دُنياء واخرّة
والإخوان ما يهونون

اسم ساعة أخذ الخلوص بالعنكريزي
((( دايّل اندكيتّر. Dail Indicator )))

استنسّخ اسمها بالعنكريزي .
Dail Indicator
والصقه في نافذة صوّر ( أمج image )
الغوغل ( قوقل ) وغوغلها على كيف كيفك .
يطلع لك جميع انواع مؤشرات الخلوص Dail Indicator .

[حمزةعبدالمطلب]

ووجهك ابوعبدالرحمن
ناخذها وحدة وحدة هههههههههههههههههههههه انت اللي فكيت ولا العمال
طيب يوم فكيت فرغت شوي من الموية فكيت الخرطوش او الماصورة اللي فوق مشبوكة في اللديتر
اذا مافرغتها راح شوي من المويه على البساتم فرغ المويه من الساعة اللي تحت الكربريتر وبيضبط معك
ماقدر ارسل لك صورة لاني اراسلك من جوال ايفون


الجيب القديم غيرت له اصلاح يعني صارت الابر كبيرة ويكتم
على العموم دور لك ابر مقاس ١٦٠للحجرة الكبيرة و١٢٠ للحجرة الصغيرة
تاكد من البليتين والموبينه او عيار الديلكو اللي تستخدمة للطلوع الثقيل في جبال او تطعيس توزنه بفك غطاء الديكو
وتقفله وتفتح البليتين منه مباشرة
اخوي يحي
تاكد من لي الشفط اللي جاي من الديلكو للكلبريتر مباشرة تحس فيه يشفط يدك هذا من الديلكو من الداخل ترى اثنين اللي في الديلكو واحد من جهة امحرك والثاني من جهة اللديتر الاول شفاط هواء اشبكة مباشرة جنب مسمار وزن البنزين في فتحتين جنب بعض واحد يمين فوق واحد تحت في قاعدة الكلبريتر
تقبل اخوك واسمح لي على الشرح البسيط والعشوائي

[mechanistic]

الله يحفظك ويعافيك ويخلي لك فاطمه
حصلت المويه ياساتر بس ابشرك زبط الله يكثر خيرك
وحصلت ابر كربريتر 84 الحجرة الكبيرة 180 والثانية 160
ابغي منك صورة على الواتساب بعد اذن الادارة
لك رسالة على الخاص