غشيم يدور له أفضل محول كهرباء على البطارية

[المسلول]

السلام عليكم

يا جماعة أنا أحتاج محول كهرباء من البطارية: 110-220

فما هي أفضل المحولات؟

وبماذا تنصحني يا خبير في مستوى قوتها الكربائية؟

وأين أجدها عادة؟

وشكرا لكم

[نيشان نجد/]

نصيحه إذا شريته لاتشبكه في الولاعه لأن الولاعه ماتتحمله مدله سلك من البطارية
أخوك نيشان نجد

[liteon]

أعتقد كل الموجود في السوق صيني وما أخبر اني شفت غير الصيني... لكن روح لساكو بتلقى أنواع ان شاء الله انها جيدة تشبك على الولاعة والبطارية.
أما بخصوص القوة الكهربائية فهذا يعتمد على حاجتك واستخدامك.... بتلقى 150, 300, 400, 600 شمعة.. شف اللي يناسبك وتأكد من وجود مروحة وفيوز.
هذا اللي عندي والله أعلم.

[(نجم سهيل)]

فيه محول ياباني على البطاريه عليه ضمان سته شهور تلقاه عند برق الحيا مخرج 15 قوته 400 واط

[حزم الجلاميد]

مرحبا بك يالمسلول جعلك الله سيفا في سبيله مسلولُ ( صح لساني )

فيه انواع يابانيه وبكره ان شاء الله انزل صورته ونصيحتي بان تأخذ 220 وعموما الاجهزه الكهربائيه دائما 220 افضل اداء واطول عمر

[العشة]

فيه عند الطمره بالبطحاء محول من بطارية الا كهرب 220 مربع صغير ولونه اسود وياباني اصلي سعره 85 ريال فقط
له معي الان سنتين ومن احسن مايكون ,, وانتبه ترى مكتوب عليه بالانجليزي yoko

[فتى الدهناء]

لا تاخذ الا 220

وانا معي واحد له سنتين ياباني أللي يجي لونه أسود وفوقه مروحه

وأنواع الكرف ماشاء الله .. وحجمه كبر كف اليد صغير ويعطيك 400 واط

واأشغل عليه أجهزة .. لابتوب كمرات وغيرها
واشبك بالولاعه .. وعندي سلك طويل يوصل بينه وبين البطارية لو بغيت أنزله معي للخيمة

أذكر شريته من اليوسف بــ 190 ريال ذيك السنين .. لكن للأسف الآن أكثر الموجود مضروب وصيني .. وكثير جربوه وخرب عليهم

لذلك لا تاخذ الا ياباني

[فتى الدهناء]

صح عليك يالعشة

هذا هو ..

يؤ ! بــ 85 ريال

يابلاااااش

وصف لنا المحل مع ان اسمه مهوب غريب

[imksa]

السلام عليكم


اذا شغلت المحول بعد كم دقيقه او ساعه اشغل السياره عشان ما تفضى البطارية ؟؟


فمان الله

[kissit]

سلام عليكم شباب موجود عند ساكو انواع كشيره وانواع متنوعه وانته اختار الى يعجبك وسلامتكم.:j

[الحضرمي2006]

السلام عليكم ورحمة الله وبركاته
ياجماعة الربع عنديلكم فكره مركبها على سيارتي الباث من سنة وشوي وما شاء الله ممتازه
هي : رحة لورشة متخصصه بسيارات البر وركبت عندهم 3افياش كهرب 220 وراءو وسط وقدام مع محولهن
وعلى فكره ركبلي بطاريتين2 أي شيء اضافي على بطاريه والاساسيه للسيارة تشغيل ولا أحتاج اشغل السيارة كل ربع ساعه ولا شيء
وهي غويليه شوي بس سعرها فيها وشغلهم ماشاء الله وكالة ترتيب الاسلاك ...الخ
أخوكم /بومبارك

[الموقر 1]

الأخوة الأعزاء ..

السلام عليكم ورحمة الله وبركاته .

أنا ( وأعوذ بالله من كلمة أنا ) شريت من العليان محول كهرباء تايواني ولكن ممتاز عليه ضمان ستة شهور وثبته بالسيارة ووصلته على البطارية لأن مخرج الولاعة ما يتحمل ، وفيه مخرجين للكهرباء 220 فولت ، وهذي صورة اللمبة مشغلها عليه :


http://www.mekshat.com/pix/upload/images14/mk12576_11.jpg




ابتعدوا عن المحولات الزرقاء والسوداء الصغيرة اللي مكتوب عليها ياباني فإنها مغشوشة .

[باب هداج]

افا والله انا عندي محول ازرق مكتوب عليه كنكورد ومكتوب عليه ياباني بس يا الموقر اخاف تقصد الي عندي ترى بديت اعوفه

[الموقر 1]

أخي باب هداج ... أنا قصدي هذا النوع :

http://www.mekshat.com/pix/upload/images14/mk12576_sv4000430.jpg

[azozy]

الاخ العزيز الموقر1
السلام عليكم ورحمة الله وبركاته
صباحك سعيد الله يوفقنا واياك
مافهمت قصدك هل انت تحذر من المحول اللي نزلت صورته او تنصح به
ياخوك ماعاد نجمع يالله حسن الختام لنا وللجميع

[قناص بغداد1]

الزين الا عند العليان

[رحـ R ـال]

نبي الزبده وش الزين ترى هالأيام باديه المكاشيت

[الموقر 1]

أخوي/ azozy ...
وعليكم السلام ورحمة الله وبركاته ...
أهلاً وسهلا ، اللي وضعت صورته هو الردي وما شا كله ، لأن الجيد من هذه المحولات على هذا الشكل كانت تأتي قديماً أما الآن فلا تجد الجيد منها .

- العزيز/ قناص بغداد 1 ... يعني أنت توافقني بالرأي .

- القناص 96 .... عليك بهذا المحول اللي أنا مركب مثله وكديته كد .



http://www.uparab.com/files/jJNoyoAbnP6z68fl.jpg


http://www.uparab.com/files/r7cjy-zZk0CCTDx4.jpg


http://www.uparab.com/files/hM6cVOAZWweTecBv.jpg

[باب هداج]

اخوي الموقر عندي نفسه اخوه باللون والشكل بس اللهم فيه فرق بالكتابه الي عندك اسمه كو يو وانا الي عندي اسمه كنكورد

[الموقر 1]

أخوي باب هداج ...

أشتر الجهاز الثاني اللي حطيت صوره واسمه (tiger) ولن تندم إن شاء الله عليه ضمان ، تلقاه عند العليان بشارع الغرابي.

[ابونايف الروقي]

السلام عليكم
شباب كيف يشتغل محول الكهرباء حق السياره ...
هل هو يشحن من بطارية ويخزن ثم يحول الى كهرباء 220 ؟
والا يحول على طول من البطاريه الى 220 ؟

لانه صاحب محل قال لي انك تتركه 20 دقيقه مشبوك على البطاريه ثم تقدر تفصله يشغل لك تقريبا ساعتين ثم ترجع تشبكه لين يخزن ..

[الموقر 1]

أخوي / P52

عليكم السلام ورحمة الله وبركاته .

محول الكهرباء فيه نوعين :
- نوع تشبكه من البطارية أو من الولاعة ويحول على طول إلى كهرباء 110 أو 220 .
- وفيه نوع تشبكه ويخزن الكهرباء من البطارية أو الولاعة وممكن تستعمله مباشرة ، بس عيبه راح يكون ضعيف وتستهلك البطارية حقته بعد مدة ، وسعره غالي بالنسبة للمحولات الثانية .

[قرم]

السلام عليكم


يالله حي الشباب..
المسلول.. هذه النوعيه استخدمها من زمان ولا شكيت منها ولله الحمد والمنه.مع وافر الأحترام لأراء من سبقوني .وفي إعتقادي جميعهن جيدات وتقنيتهن بسيطه لذلك اصبحت تأتينا من بلدان كالصين وتايوان بعد ان تخلت عن صنعها اليابان لتتفرغ لامور وإبتكارات اكثر تطور وتعقيدأً, وهي عادة اليابانيين يتركون الأبتكارات القديمه للصينيين والتايوانيين ليعتاشوا منها ويذهبون هم للأمور الأكثر تعقيداًوهكذا..ولايغرك كتابة Made In Japan iفهي للأستهلاك المحلى والترويج للسلعه لا اكثر, و للعلم كان هذا الجهاز ياباني مئه بالمئه قديماً.لكن الأن إنسى فهوصيني يحمل عبارة صنع في اليابان . وجميع الأجهزه المشابهه تندرج تحت هذا الأطار . المهم الجهاز هذا انصح فيه من باب تجربه شخصيه والشباب ماقالوا إلا الصحيح والله سبحانه اعلم...أخيك...قرم
صورة المحول من الأعلى.http://www.mekshat.com/pix/upload/images23/mk8645_tttt.jpg

صوره من الخلف توضح الفولتيه والوات.ينبغي الايكون الواط اقل من 300
http://www.mekshat.com/pix/upload/images23/mk8645_xxxx.jpg


وهذارابط ذو صله.
http://www.mekshat.com/vb/showthread.php?t=40873

[الصبر زين]

أنت تبقى محول صغير والا كبير يوجد محولات ورخيصة الثمن في كارفور على طريق خريص

[الشاب]

انا سا ادلي بما عندي واضن انني اكتسبت خبره لعلها ان تقصر العناء عن اخواني بعدما اشتريت سيارت البر اشتريت ثلاجة وحاولت ابحث عن محول على الأقل 1000 وات حتى استفيد من المحول لعدة اشياء ذكر لي محول ياباني اصلى وهو ازرق مربع عند شركة الداؤود وزنه 14كيلو طبعا هذا عيب وقيمته 800ريال ولبحثي عن الجودة من ذكر زميلي اشتريته لاكن لم يشغل الثلاجه فرجعته ثم ذكر لي محول صيني الف فولت عند محل ببريدة اسمه عروق الشمال واكيد انه موجود في اماكن اخرى ب 500 ريال وحتى الآن من احسن شي الثلاجه مايدري انه تشتغل عليه واشغل لمبات والمحمول جميع ولعل الجميل فيه ان المروحة تساعده على الا يحتمي واذا قلت البطارية يعطيك نغمه وفيه ثلاثة افياش 220 فلت

[ابونايف الروقي]

اشتريت محول من عالم ساكو في الرياض 500 واط 220 فولت
صناعته ياباني سعره 165 ضمان سته اشهر بس مشكلته انه سلك ولاعه بغيره الى سلك بطاريه وبثبته تحت المرتبه ..

[أبومصعب1]

مشكوور وماقصرت يالموقر..

[almobd3]

فيه نوع اسمه تايجر عند العليان ممتاز

[سداااااح]

وانا اضم صوتي
مع صوت اخوي القرم

[خيال الغلبا]

اخوي قرم جزاك الله خير
فقد استفدت من مشورتك

[سالم بن سالم]

فيه بشارع الريل محل بجوار سمنان اعتقد اسمه فرناس اوقريب من هذا الاسم محول ممتاز جداً قوته (400) واط ياباني اصلي استخدمته من سنتين وهو عملي جداً ولم يتعطل ولله الحمد انصح بالبحث عنه اذا كان موجود .

[سالم بن سالم]

تعديل للمقال السابق المحل اسمه الفانوس وليس فرناس وذهبت للمحل ولم اجد المحول الذي ذكرت وسأ لت صاحب المحل عن المحول واجاب بأنة منقطع من سنة تقريباً ووجدت عندهم بعض الانواع الصينية .
والحقيقة أن المحل لدية الكثير من اغراض الرحلات الجيدة وهو ليس متخصص بهذه الادوات وانما في العدد والادوات الخاصة بالسيارات والحام وغيرها .