رايكم بالسعر والسلاح جزاكم الله خير

[جديعان]

السلام عليكم ورحمته وبركاته

عرض علي شوزر سيلان الامريكيه ام حبه نضيفه 6000 الاف ريال حادها

ابي رايكم بالسعر والسلاح والله يوفقكم

[جديعان]

للرررررفع سبحان الله

[ذيب كوول]

اشوفها غاليه
على حد علمي اسعارها إذا هي نظيفه مره مره ب 5000 او 5500

[سحب ممطرة]

ههههههههههه وش هالخبآآآل أذكر قبل سنة ب 1500

يا أخي زيدها 2000 ريال وخذ استوقر جديدة بكرتونها وتماتيك بعد هههههه

[قناص الأشهب]

في نظري ﻻ تستحق اكثر من 4000 اطﻻقا حتى لو هي نضيفه جدا
ولكن ليه ما تزودها 2000 وتاخذ ام خمس تركيه افضل منها بكثير
عندك استوقر
وعندك ام بطه
الارثمس ممتازة ولكن اغﻻ

[نفل الفهود]

رأيي من راي الشباب .

خذ تركيه ام خمس بهالسعر ابرك تماتيك وجديده .

[بحرالقلزم]

بندق ممتازه تطربك مجربه ومعروفه واعطالها قليله وتصليحها سهل
اهم شي نظافة السبطانه وبقية الاجزاء
ويكون الناتوش عريض لكن السعر 5000 الى 5500 اذا هي ام مسحل وتاكد من طول السبطانه اذا هي 32 انش

[bbaass]

اضم صوتي لصوت الاخوان

زيدها 3000 وخذلك تركيه جديده

بس لا تطلع عن الارثمبس اولا ثم الستوقر

[RW7..ALBDAWA]

والله اذكر قبل العام بايع بندقي بـ 2000 وكانت اغلى ام وحده انباعت حتى اللي شراها حس بالندامه انه اخذهآ بغلأ وطلب يرجعهآ ورفضت هههه والحين وصلت موآصيـل ام خمس بالاسعآر مير تبي النصيحـه زدهآ وخذ مثل ماقالولك الاخوان

[make me cry]

وعليكم السلام ورحمه الله وبركاته يالغالي السلاح طيب وسعره غالي ولكن تستاهل الباروده ان كانت نظيفه ،،،،، اذا انت طلعاتك خفيفه للبر اشترها ولاترغب رمي الطيار وإذا طلعاتك للبر كثير خذ التماتيك لو بعشره تغنيك عن ام كسره التماتيك رميها اكثر وأقل ندف من ام سيلان اللي تخلع الكتف ،،،،،الله يرزقك مطلوبك في أمان الله

[جديعان]

الله يحفضكم ابي اصرف النضر عنها والله يرزقنا

[النادر999]

ام طلقه 5500غاليه بالحيل اجل ام ثنتين 11000ههههههههههههه

[محمد ابن عيد]

..
ي الغالي
نصيحه لاتاخذ شي غزا عليه الزمن وماقلل من الشوزن
لكن سعرها غالي شوي
زدها و خذلك ارتمس تطربمك سوق و فرش
و الله ييسر امرك

[هيوماكس]

مثل ماأفادوك الشباب
توكل على الله وخذ أم خمس أفضل

[ع العمرو]

كلهن مالهن داعي امحطبهن عرض الحائط .... يقول المثل مامن علك يهز اللحية.(يعني مامن صيد)

[Obu-Nasser]

اعوذ بالله وش هالسعر
يارجال اخذ ستوقر عطية الله وادع لي
ام حبة بتتعبك وبتتحسف انك شريتها بعدين

[المرقاب 2010]

ام حبه اذا نظيفه كد ومد

[ابوصالح3]

حدها 4000 ريال ,,وسبحان الله وش هالمبالغة باسعار السلاح والفشق

ومن نشتكي له ؟؟

ياليتنا نتفق على مقاطعة الفشق سنه وحده , وشوفو وشلون ننزل سعره ل1500 ريال للصندوق ؟

المفروض يكون فيه نسبة وتناسب ,, يعني ارتفع سعر الفشق ,, ينزل سعر السلاح ,, لكن الفشق غالي والسلاح غالي والصيد مامن صيد ,,

[سيف العلا]

خذ ام خمس احسلك قويه ام سيلان لارمينا ظغوط بعضهن تسطح

[مزن طيبة]

والله انها غالية شوي

[مشعل11111]

خذلك ستوقر احسلك

[Tool_crib]

استخير وتوكل على الله

[lose]

ام خمس وسلامتك