باترول طفى ولعد اشتغل

[عبدالله نيسان]

بسم الله الرحمن الرحيم
السلام عليكم
معي باترول ربع 2009
طفى علي وانا امشي حاولت اشغله اسمع صرقعه كهرب من علبه الفيوزات ولمبه المكينه تشر
لقيت الي يصرقع كتاوت طرمبه البنزين بدلته بكتاوت المراوح واشتغلت الطرمبه بس السياره ما اشتغلت جبت طقم كتاوت خمس حبات من الخضر وبدلتها كلها. ولا اشتغل الصرقعه راحت بعد ما غيرت طقم الكتاوت والطرمبه تشتغل بس لمبه المكينه باقي تشر والموتر رافض يشتغل وبعد كيذا قلت مال الا الورشه>>
يقول المشكله عندك كهرب يقول بضبط ( المكينه ما يجيها كهرب) وش السبب حتى الأن ما يدري

ارجو منكم الي مر مثل تجربتي يفيدني

[sgl2002]

اعد برمجة المفتاح

واذا ماضبط عندك الكمبيوتر

[عبدالله نيسان]

يعطيك العافيه ابجرب وبردلكم

[ذيب سايه]

اخوي انت تشغله بالمفتاح الاصلي ابو جلده والا الحديده ، لأنها قد صارت معي وطلع السبب اني اشغله بالمفتاح الحديده ،


افصل اصباع البطاريه السالب ورجعه وشغله بمفتاح الجلده وان شاء الله يشتغل ، لأن المفتاح ابو جلده فيه برمجه ويشغل السياره ..

[عبدالله نيسان]

وديت السياره لشايقي لبرمجه اللمفاتيح
يقول برمجه المفتاح كويس والسكرتي ملغي على كلامه من الوكاله

[sgl2002]

اجل الكمبيوتر


وده لبو صالح التركي خله يشيك ع الكمبيوتر

[عبدالله نيسان]

ابوديه لبو صالح التركي واذا ضبطه ابعلمكم عشان تعم الفائده

وأرجو الأفاده من مرر بنفس التجربه

[عبدالله نيسان]

السلام عليم. السالف سارت انا سلك حق حساس الثروتر مرتخي ونازل على القزوز وذاب وسبب ألتماس في الظفيره وضرب الكمبيوتر والحمدالله ربي ستر.
والحين يبيله كمبيوتر وتصليح الظفير او تغيرها وارجو الحرص على الاشياء البسيطه لانا عواقبها موكلفه

ارجو منكم التشيك على اسلاكم خاصتن الي مركبين انتيك فلتر الهواء قصير

وشكراً لكم /

[abarre3an]

بارك الله فيك على النصيحة والمتابعة...شكرا"

[H 2]

الحمد لله على السلامة
الله على نيسان قبل لو تدخلها نار ماتحتر ولا تميع اسلاكها

[عبدالله نيسان]

طبعن كلمت الكهربائي هل اجيب كمبيوتر هالتك قالي جب كمبيوتر هالتك كويس.
والله واروح اجيب كمبيوتر هالتك ٥٠٠. ويقعد عنده الموتر اسبوع وهو كل يوم يقولي بكره. في الاخير قالي والله ما اعرف وش عله موترك وقلتله رجع الموتر زي ما كان قالي طيب تعال خذ الموتر بكره قلت زين
جيت بكره واخذت الموتر منه بسطحه وارسلته للشرقيه عند جولان حق التعديل والبرمجه طبعن يوم وديته عنده قالي من قالك انا كمبيوتر محروق كمبيوترك شغال ولا احسن منه بس موترك ملعوب بسلاكه ولا يجي وموتر ما يعطي قرايه يعني يقول من كثر لخبطه الاسلاك معد ادري وش الي لي والي علي. والحين له موتري 5اسابيع على هاذي الحال

[ابو وائل فهد]

يا طيب اذا انت با الرياض
ارسلت لواحد هوايته اصلاح الكهربا
المعقده با السياره
فنان ماشااء الله عليه

[ابوراكان تبوك]

الكمبيوتر اذا مايعطي قراءه حتى بالفحص هذا ماس

[عبدالله نيسان]

الحين السياره بشرقيه انا في الرياض بس عطني رقم الي في الرياض الله يجزاك خير

[صياد جنوبي]

غير حساس الكرنك اذا كانت كهرباء الشراره مقطوعه

اذا عموم الكهرب في السياره مقطوع فك الاصبع اللي جاي من البطاريه الى علبة الفيوز ونظفه من تحت تلاقي فيه بلاستيك ذايب من الحراره ويعزل لك الكهرب

[اليامي قطر]

اكيد عين وان شاءلله اتكون اول مره واخر مره

وش صار معك ؟؟

[مظلووم]

حل موترك عند الخضير بالقصيم

[مزن طيبة]

الله يستر عليك

[احمدوعبود]

بشر وش اخر علومك الله يعينك وتلقى الحل