وش حل صرصرة الابواب مع الفتح والاغلاق؟

[مفضخ الشري]

السلام عليكم ورحمه الله وبركاته



اخواني الافاضل

عندي مشكله في ابواب لاندكروزر 2001 وهي صرصرة مع الفتح والاغلاق

مع العلم اني شديت المفصلات و شحمتها لين قالت بس و صارت حركه الباب سريعه من كثر الشحم لكن مازالت اصوات الصرصرة موجوده بكل الابواب الاربعه

و فيه باب خلفي يمين مسمكره الوالد من زمان لكن فيه صوت طقه اذا فتحه الباب قويه و الفصال الاسود مع الطقه يتحرك من مكانه شديت عليه ولا استفدت الظاهر اني اللي مسمكر الباب مازبط الشغل زين

وش رايكم بموضوع الصرصره اغير الفصالات الاربعه بتزين ولا وش علمها ؟

المشكله الثانيه باب الشنطه الخلفيه الموتر خلفيه لكزس و بالبر يدخل علي الغبار من الباب مع انه ماقد انفك الباب ابد لكن فيه ميلان واضح و فيه جهه تناظرها تحس ان الباب ماتسكر هل يبي لها وزن وكيف طريقته ودي اوزنه بنفسي او اذا عندكم خبره عن السبب اتمنى تفيدوني

شكراً لكم

[4200]

عليكم السلام ورحمة الله وبركاته
الحل عند ورشة النويصر او ابن مرضاح والله يعينك على الدراهم الواجد تقبل مروري

[ابومحمد vxr]

الرد للصوصات
إذا زيته ومانفع معناته عندك الشداد محتك اللي هو داخل الباب اللي يطلع منه المساك الاسود تفك ديكور الباب ثم تفك المسامير اللي تجي عند الماسك الاسود ومسمار الماسك اللي ببودي الجيب وتطلع الشداد بتحصل فيه مربع مسوى عليه كبس فكه وطلع السبارنق حقته واكبسة ثانيه .
وراح تروح الطقه والصرصره بس الباب بيكون خفيف زي بيباب البيت بدون رفاس
حل مؤقت ونهائي إلا إذا إنت تحب شغل الوكاله بدله بجديد
ارجو ان اكون افدتك

[مفضخ الشري]

عليكم السلام ورحمة الله وبركاته
الحل عند ورشة النويصر او ابن مرضاح والله يعينك على الدراهم الواجد تقبل مروري

بارك الله فيك و نفع الله بعلمك
لكن انا ودي اكون على بينه بالحلول هل تغيير المفصلات تحل المشكله نهائياً اذا كذا اي ورشه تغير المفصلات غير النويصر لأنهم يصلخون بالسعر نوعاً ما و يمكن انا بيدي اغيرها اذا هي سهله
او فيه مشكله ثانيه ممكن تكون السبب لأني مشحمها و أظن اي شي يتشحم من المفروض يختفي منه الصوت ربما

[مفضخ الشري]

الرد للصوصات
إذا زيته ومانفع معناته عندك الشداد محتك اللي هو داخل الباب اللي يطلع منه المساك الاسود تفك ديكور الباب ثم تفك المسامير اللي تجي عند الماسك الاسود ومسمار الماسك اللي ببودي الجيب وتطلع الشداد بتحصل فيه مربع مسوى عليه كبس فكه وطلع السبارنق حقته واكبسة ثانيه .
وراح تروح الطقه والصرصره بس الباب بيكون خفيف زي بيباب البيت بدون رفاس
حل مؤقت ونهائي إلا إذا إنت تحب شغل الوكاله بدله بجديد
ارجو ان اكون افدتك


بارك الله فيك يابو محمد و نفع الله بعلمك
ماودي والله يطلع الباب خفيف مره لانه اللحين من كثره الشحم احيانا افتحه وانسى انه صار خفيف و مايرده الا حد الفصال تحس ان الباب بيطيح بالشارع ههههه
اظن اني بغيرهن كامل الفصالات لعل و عسى يروح الصوت

و أشكرك ماقصرت بيض الله وجهك

[ابومحمد vxr]

90%مشكلتك من الشري
هههههههههههه

[ابومحمد vxr]

واياك
طيب قبل تغيره فك مسمار واحد منهن اللي ماسك بالبودي وجرب افتح وسكر إذا منه اختفت مع العلم اني متاكد إنه منه 200%

[أصيل حجآ زي]

وعليكُم السلام ورحمةُ الله وبركاَتُه .

فُك مسامير المُفصلات مسمار مسمار .
ونظفهُم زين من الشحم والزيت ببنزين او قاز افضل .

نشفهُم زين .
ثُم صنفّر اي صدى .
شحمهُم زين وشحّم داخل
خروم المسامير اللي بالمُفصلة .
تأكد ان ما فيه صدى داخل الخروم .
اذا فيه صدى داخل الخروم / صنفرها ( نظفها )
بمبرّد مدوّر ( مبروم ) .
عب الخروم شحم .

افحص المسامير زين / لا تكون المسامير معووجة .
استبدّل اي مسمار معووج / مطعوج .

شحم مسرى المُفصلات / اللي تجري على بكرة المُفصلة .

[ابوراكان تبوك]

فك رداد الباب الاسود وجرب بدونه

المفصلات اذا مشحمه مستحيل تطلع صوت

اذا طلع الرداد خربان والصوت منه غيره لانه مايتصلح انا من فتره غيرته بموتري نفس اللي معك بـ 220 أصلي

الغبار وما ادراك مالغبار

لبس الديكور حق الباب الخلفي بلاستيك هو فعلا بيدخل غبار حتى لو انه شد الوكاله ماينفع معه الا التكييس
السبب جلده من داخل الباب تحت بين الباب والبودي بين المفصلات حجمها نصف كف اليد دايم تطيح
وفيه مدخل للغبار من عند الاسطبات من كلبس الاسطب اذا موترك خلفية لكزس مالك الا التكييس ولو تحط بعد كيس تحت الديكور مع تكييس الديكور نفسه أفضل وأفضل

[hadaj]

خذ العلم
منظف الصداء W40تحصله عند محلات زينة السيارات بخه على المفاصل وفي الحال بتشوف النتيجه
ولاتنساني من صالح الدعاء