فزعتكم : القير (عادي) ومايعشق -- والموتر إذا دعست له يكتم على 120 كلم

[GMC 2004 HD]

عندي جمس سييرا 2004 HD قير عادي دبل , الموتر ماشاء الله عليه , لكن صارت عندي مشكله في القير ,. إذا طفيت الموتر يعشق مضبوط , لكن إذا شغلت الموتر فيه صعوبه في التعشيق , والموتر بعض الاحيان مايلقم التعشيق نهائيا , ولو لقم التعشيقه ماأقدر أغير من 5 الى 4 إلا بالقوة , يعني صعوبه في التعشيق وصعوبه في فك التعشيق

اما إذا كان طافي ماشاء الله عليه:)


الشي الثاني أني إذا مشيت عليه بدون دعس يمشي الى 120 وبعدها يناتع

ولو مثلا دعست عليه من البدايه بقوة مافي أمل يستجيب يكتتتتتتم

تكفووون أعطونا الحل وجزاكم الله خير

[ابوراكان تبوك]

اذا عايدي تأكد من وزنه الكلتش

[الوسم]

تأكد من باكم الكلتش والملقاط حقه عند القير من تحت وبالنسبة للمشي تأكد من الثروتل اللي في الكبوت حق الهواء اللي قبل قربة الهواء والله يزين امرك

[MSAN]

بخصوص الكتمة.. افحص كمبيوتر..

بخصوص القير.. احتمال عظمة العصا

[حسن الشمالي]

تاكد من الكلتش يمكنه منتهي

[ara888]

ممكن صحن كلتش شيك عليه

[بن مانع التميمي]

http://www.gmcgulfclup.com/index.php


يفيدوك اهل الجموس

[أصيل حجآ زي]

اخي :

المُشكلة عندّك سببها /
وجود هواء في زيت قابض القير العادي
تحتاج تهوي زيت قابض ( كلتش ) القير .

قد تحتاج تهوية
عدّة مرات حتى يزبُط .
اهم شيء وانت تهوي
من حلمة ( نبل nipple ) الزيت
ان تُحافّظ على مستوى الزيت في علبة الزيت
لا ينقُص عن الحّد الأدنى ( من .Min ) ،
لانهُ اذا نزل الزيت تحت المستوى
الأدنى تسبب في دخول
فُقاعات هواء وخرّب الشغلة عليك .

يوجّد درس لي
عن تهوية زيت الفراَمّل
وزيت قاَبض ( كلتش ) القير العادي .

تحصلُه في رابط
دروسي بمُقدمة الخيمة بعنوان ؛
دروس لكيف !!! تـُـصـبـح مـُهـنـدس وكـهـربائي
سـيـآرآت ؟؟؟ بطريقة أعملها بنفسك ( DIY } .

[mechanistic]

تاكد من الهلال حق القير لايكون مكسور او مشعور