النبهاني
21/04/2014, 12:53 PM
اعجبني رد الرائع ابو ذيبان في شكر وعرفان حيث تضمن ( لعل في الامر خيرة .. انشغال الشاعر في امور الاشراف والادارة . تنزع منه الوقت ويقل عطائه اقصد يقل عطائه في امتاعنا بالقصيد والالغار. وينصب جل وقته في المتابعة كمشرف )
فانا مع الابداع ابو ذيبان في هذا واتمنى من ابو محمد ان يتحفنا سواء في السوالف او الالغاز او الشعر مثل هذه
ازريت افكر واخذ العلم واجيب =للي لهم في حزة الطيب نبراس
قعدت ادور لي حروف واساليب =ماغير افكر واضرب اخماس باسداس
يامحمد التركي ترى الطيب من طيب =عرق الندى يندى ولوكان يباس
ابوك وجدك معتلين المصاعيب =نسل الاحرار اللي تعلت على الراس
يامرحبا واهلين براعي المواجيب = يامرحبا ترحيبة برقها ألماس
يبرق سناها من علو المراقيب = كن الرجم من برقها فيه مقباس
والسيل حدر من علوا المصاخيب = يارد على حد الوطا عقب الافلاس
وتباشروا بالسيل ربع ٍ واجانيب= عقب السنين الممحله كنها الفاس
يشذب شجرها مثل فعل المشاذيب =ادعى غصون الطلح بالقاع يباس
حتى عروقه مالقت له مقاضيب =تشطبت قيعان جو ٍوالاطعاس
وجاها الفرج في حزة الشمس لمغيب = يوم سيلت في خبةٍ تطرب الراس
وسميةٍ يسقي حياها المجاديب = تناقلوا اخبارها جملة الناس
عشرين ليله والشغايا مصابيب = متماسكات محدرات على سا س
في روضه يسمع مسيل المساريب =كنه يتدفق من مواسير غطاس
والبل صار ٍ مثل زول الرعابيب = تجمل ٍ في حفلة زاهي اللباس
عقب الهجيج بين ذيك الدواعيب = تسري على صم الرضم حزة اغلاس
صفق الرضم بخفافها والعراقيب = مثل المقمع وثائر الملح نداس
واليوم اشوفه ياعطيب المضاريب = مرباعها ربله وحمض ٍ وبسباس
عقب الحَلًم وقراد وابل مجاريب = صار الشقى بمطارد الذود نوماس
واللي لهم بالسوق ابل ٍمجاليب = تفرقوا مابين ناشد و عساس
احدٍ حدر من يمة العرق ومصيب = وحد ٍ نزل في خبةٍ تشبه الطاس
واهل الولع بالطير نقاله الطيب = اللي لهم في هدة الطير قرناس
خطو اشقرا زيزوم عدل المناكيب = طلعه وكاد مايبدد لك احساس
اليا كفخ خلا الحباري مصاليب = وحول عليهن مثل رمح لجساس
الموت جاهن واقتفاهن مراعيب = وتزاحمن ما بينهن جالهن باس
وزانت اعلوم ٍللعرب والمعازيب = مع شبةٍ ما بين دله ومحماس
ونجر ٍ يلجلج لا عواء عويت الذيب = يسمع قنيبه من وراء سبعة ارماس
هيل ومسمار وصفراً مزاهيب = ريحة ابهاره تقعد اللي به اعماس
وصلوا على اللي ماشي بحق ومصيب = محمد اللي خصه الله الى الناس
فانا مع الابداع ابو ذيبان في هذا واتمنى من ابو محمد ان يتحفنا سواء في السوالف او الالغاز او الشعر مثل هذه
ازريت افكر واخذ العلم واجيب =للي لهم في حزة الطيب نبراس
قعدت ادور لي حروف واساليب =ماغير افكر واضرب اخماس باسداس
يامحمد التركي ترى الطيب من طيب =عرق الندى يندى ولوكان يباس
ابوك وجدك معتلين المصاعيب =نسل الاحرار اللي تعلت على الراس
يامرحبا واهلين براعي المواجيب = يامرحبا ترحيبة برقها ألماس
يبرق سناها من علو المراقيب = كن الرجم من برقها فيه مقباس
والسيل حدر من علوا المصاخيب = يارد على حد الوطا عقب الافلاس
وتباشروا بالسيل ربع ٍ واجانيب= عقب السنين الممحله كنها الفاس
يشذب شجرها مثل فعل المشاذيب =ادعى غصون الطلح بالقاع يباس
حتى عروقه مالقت له مقاضيب =تشطبت قيعان جو ٍوالاطعاس
وجاها الفرج في حزة الشمس لمغيب = يوم سيلت في خبةٍ تطرب الراس
وسميةٍ يسقي حياها المجاديب = تناقلوا اخبارها جملة الناس
عشرين ليله والشغايا مصابيب = متماسكات محدرات على سا س
في روضه يسمع مسيل المساريب =كنه يتدفق من مواسير غطاس
والبل صار ٍ مثل زول الرعابيب = تجمل ٍ في حفلة زاهي اللباس
عقب الهجيج بين ذيك الدواعيب = تسري على صم الرضم حزة اغلاس
صفق الرضم بخفافها والعراقيب = مثل المقمع وثائر الملح نداس
واليوم اشوفه ياعطيب المضاريب = مرباعها ربله وحمض ٍ وبسباس
عقب الحَلًم وقراد وابل مجاريب = صار الشقى بمطارد الذود نوماس
واللي لهم بالسوق ابل ٍمجاليب = تفرقوا مابين ناشد و عساس
احدٍ حدر من يمة العرق ومصيب = وحد ٍ نزل في خبةٍ تشبه الطاس
واهل الولع بالطير نقاله الطيب = اللي لهم في هدة الطير قرناس
خطو اشقرا زيزوم عدل المناكيب = طلعه وكاد مايبدد لك احساس
اليا كفخ خلا الحباري مصاليب = وحول عليهن مثل رمح لجساس
الموت جاهن واقتفاهن مراعيب = وتزاحمن ما بينهن جالهن باس
وزانت اعلوم ٍللعرب والمعازيب = مع شبةٍ ما بين دله ومحماس
ونجر ٍ يلجلج لا عواء عويت الذيب = يسمع قنيبه من وراء سبعة ارماس
هيل ومسمار وصفراً مزاهيب = ريحة ابهاره تقعد اللي به اعماس
وصلوا على اللي ماشي بحق ومصيب = محمد اللي خصه الله الى الناس