ماهو الفرق بين هايلوكس الجديد 2014 الأردني والسعودي دبل ؟

[ملاحق الخير]

السلام عليكم ورحمة الله وبركاته



صبحكم الله بالخير




عندي نية شراء هايلوكس دبل 2014 ومحتار بين السعودي والأردني وقرأت كثير أن ما بينهن شي وسعر السعودي مبالغ فيه , والأردني أقل سعر واعلى مواصفات !! وش تنصحوني به الأردني أم السعودي أبي شوركم يا أهل الفزعة الله يجزاكم خير

[ملاحق الخير]

47 مشاهدة ولا أحد يرد !!

أمر غريب

[التميمي س]

اول مرة

اسمع ان فية هايلكس اردني

فية خليجي وارد الامارات وفية وارد قطر وفيه وارد البحرين وفية وارد الكويت وفية وارد اليحي

لا كن اردني ماقد سمعتها من قبل

[هايلكس مدبله]

الاردني اطيب ي رجال توكل وخذه

[ملاحق الخير]

يالتميمي فيه اردني

ويا هايلكس مدبله يعطيك العافية وماقصرت

لا زلت انتظر البقية يفيدونا

[أبوهلي2008]

زينه الاردني فيه كاميرا وحساسات ونفس جنوط السعودي استخر

[الصيادالمليح]

استخر ثم توكل على الله
و شكل نيتك على الاردني
اذا مواصفاتها افضل من السعودي وسعره فيه فتوكل على الله

[ابوهايلكس]

والله يا خوي انا في البداية احترت مثلك وش اشتري اردني واو خليجي او سعودي قعدت اسبوعين الف المعارض والوكالات وبصراحه الكل يقولي خذ سعودي لأنه يمسك سعره وداخلي تخشيب وجنوطه حلوة اما الخليجي الظاهر بدون تخشيب وجنوطه بايخه والادرني نفس السعودي ولكن يقولون سعره يطيح على طوول ولا يجيب قيمه واستخرت ربي وشريت سعودي دفرنسين من ابو جميل 102 الف والحمد لله الامور طيبه ولك الخيار

[مفضخ الشري]

سمعت ان الاردني ماعليه ضمان في دول مجلس التعاون الخليجي يمكن هذا عيب اذا كان صحيح فعلاً
اما الاردني يتميز بالسعر اظن ارخص من غيره و مواصفاته افضل
لكنها غير مرغوبه مثل السعودي والقطري في البيع هذا اذا انت من النوع اللي تبيع بعد ثلاث اربع سنين اما اذا تبي تكده لين تطلع كل ريال منه اشتر الرخيص وقتها يصير السوق واحد ماعاد تفرق مثل اللاندكروزر اللحين لو تجيب خليجي وسعودي موديل 99 مافرقت كلهن نفس بعض في البيع والمشترى لكن على ايامها كان الخليجي ارغب

[شايب حرب]

كم فرق السعر بين السعودي والاردني للهايلكس العادي

غمارتين فل

[الوايلي2012]

اذا مواصفات افضل ولا يوجد اي اختلاف أشير عليك بالاردني والله يرزقك ويرزق الجميع

[صقر المقانيص]

شف اذا الضمان يشملها توكل على الله وخذها هذي النقطه الاولى..

اما اذا مايشملها الضمان وفرق السعر حول خمسه لاتفكر بها ورزقك على الله ..

اما اذا الفرق واجد 15 مثلا لا خذها بلا ضمان بلا هم ..

السعوديه سعرها بالوكاله الان 100750

[مربط القعاسي]

فرق السعر السعودي اغلا خذ اردني ورد بالراحه
الاردني افضل مواصفات وارخص الاردني مراتب مفصله وتحكم درقسون وارخص سعر والمحركات مايختلف والوكيل واحد عبد اللطيف جميل وتقدر تروح لوكيل عبد اللطيف جميل بالسعوديه وتعطيه مبلغ ويضمه لك

[عاشق الددسن92]

الاردني اخص وأفضل مواصفات
واللي يقول السعودي يمسك سعره غير صحيح الوالد شرى هايلوكس سعودي دبل ب 100000 الف بعد 5 شهور اصفار طاح من سعره 5000 وهو اصفار

[مسير عليكم]

سعودي يمسك سعره نصبه شريطيه النضيف يمسك سعره وبس سعودي قطري امراتي النظافه تحكم
شف الضمان اذا يضمنه ابو جميل وشف المواصفات واخيرا ترا المواصفات الي يحطونها لك تلفيق ماهي اصليه شغل غرابي فياليت انك تشيك عليه زين اذا ديكوره وجنوطه اصليه وبعدين استخر وتوكل

[procession]

الي اعررفه فرق الهيونداي ان بنزيمهم يختلف عندنا واعرف شمري شرا اي 40 من عندهم برخص التراب كرمتم

لين عبى بنزيين طلعة الغماارة ريحتهاا بنزين . والرجال رجعها وقالوله رصاص ما رصاص زي كذا وبعها ويقول والله ان راسي صدع من ريحة البنزين

[procession]

تاكد من البنزين ومشاكله وتوكل على الحي القيوم

[سفاري 95]

فروقات اعتقد بسيطه فيه ناس تهتم لها كثير وفي ناس ماتهتم
مثل ازرار بالدركسون ومقاعد مفصوله وكمرات خلفيه واماميه واعتقد الخليجي او الاردني هذا يجيك فوق الكشاف لمبات ليد مع دقه السلف تشتغل وبدون دعامات اماميه وبدون فرشات (دعسات) ارضيه
الزبده انها حاجات تسمى (كماليات) المكينه نفسها والجربكس نفسه
بس المشكله تكمن في ابو جميل هذا مطير السعر فوووووق ولاحد يعرف ليه اسعاره كذا

انت استخير ربك واسال الله ان يكتب لك اللي فيه الخير