ممكن مساعدة في تجهيز سيارة بضاعه تمر

[القربي]

السلام عليكم ورحمةالله وبركاته
ابي سيارة ابيع عليهاتمر
وتفتح من الجوانب مثل الديماكس
ولهاضل والبضاعه تكون واضحه لزباين دون انزلها وطريقةعرضهاتكون ع الرفوف
رايكم يهمني وش افضل جمس وﻻديماكس وﻻدينا
وفقكم الله
الموقع الخبر

[مفضخ الشري]

اسأل الله العلي القدير ان يفتح أبواب الرزق في وجهك و يعينك

الأفضل تشوف لك ايسوزو النوع اللي يفتح حوضه على جنب دور لك واحد مستعمل ترزق الله عليه و اغلب هل التمر يستخدمونه لانك زي ماتفضلت الحوض يفتح مع كل الجهات

http://www.mekshat.com/pix/upload05/images253/mk302847_dimax.jpg

اما اذا حمولتك كبيره فأفضل خيار هو الدنه اللي نفس نظام حوض السوزو تفتح على جنب و تتميز ان حوضها اكبر
واحد من الشيبان بالجامع اللي عندنا بالحاره معه دنه ماشاء الله يحمل عليها معمول و تمر من جميع الاصناف و جلسته في حوض الدنه بعد جايب له مركا و معه زمزميه القهوه و مريح من وسع الحوض ماشاء الله

و الخيار لك بالسعر اللي يناسبك

[كم كيلو باقي]

الله يربحك

[اسدهم]

راي تاخذ دنة اذ وضعك حلو وتشكل من التمريات يعني تشكل
ادنة جامبو مكيف في تنقلاتك لو صرت بتسافر عليها الي هي مكيفة
واذ كانت الميزانية ترقل خذلك سوزو نفس الي بصوة؟؟

[القربي]

الله يوفقكم ردودكم اثلجةصدري
السيارةباخذان شالله ايسوزي تفتح مع الجنب
لكن ابي لهاتصميم مثل شد السنيدي

[اسدهم]

رح للحدادين وهم عندهم افكار وهي لعبتهم اذاقلت انا بترزق عليها

[مفضخ الشري]

الله يوفقكم ردودكم اثلجةصدري
السيارةباخذان شالله ايسوزي تفتح مع الجنب
لكن ابي لهاتصميم مثل شد السنيدي

رح لأي حداد فاهم يفصل لك هنقل يفتح على جنب و خل الابواب الجانبيه صفقتين تفتح جهه وحده كل صفقه معها فصال عشان لا فتحته مايصير الباب كبير و يضايق اللي يمرون خصوصاً لاصرت تبي توقف عند جامع مزحوم اذا خليته صفقتين ولا ثلاث بعد تصير رده الباب صغيره وهو مفتوح ولا يضايق اللي بيمر او اللي بيناظر بضاعتك

[وسيع الصدرر]

قيمه السياره اكيد من 20 الف وفوق مافكرت انك تصمم قلص بالطريقه الي تبي بسعر مايتجاوز 5000 ريال

[القربي]

حياكم الله جميعا