يوسف الخليفة1
23/04/2014, 09:15 PM
السلام عليكم ورحمة الله وبركاته
اخذت لي نعسه على العين شلفوح=واحلوم توزب كالطخاف الشهايب
يمد فكري حذفته فوق سرسوح=حذف العصا من فوق عكف الذوايب
لا شك هندول الوهايس يجي فوح=كالمرجل اللي فوق صفر اللهايب
اطوح بصوتي على سفح سالوح=خوف الصدا تلزم عليه الهبايب
القلب كالضرمه بالاضلاع مقدوح=وانا من لسان الشلاهيب هايب
بذل النصيحه ما نبي منها مصلوح=غير الجزا من عند رب الوهايب
اياك والعلم الردي لو هو مزوح=بعض الهروج تلوح فيها المعايب
ترا الفعول اللي يقافيها مشفوح=مثل اللبن يفسد وهو كان رايب
رد الزلل من غيرك بطيب واسموح=واحذر مغاليب الهوا والغضايب
تجاوز بعفوك ولو كنت مجروح=عليل حسد الناس بالطيب طايب
وارحم صغير القوم تسعد بك الروح=وابد احترامك وافزع لكل شايب
ترا النميمه يا فتا سم ذرنوح=ينهجها سراي المتاييه خايب
مهما يغش الناس لا بد مفضوح=حتى ولو غطا المكر بالعلايب
واياك تلهج بالتحاسيف والنوح=حتى ولو صكوا عليك النهايب
خلك صبور ولونك بجمر مطروح=يجيك يسر الحال عقب الغلايب
هذي هي الدنيا مواضيح واشبوح=تعيش وتلقا فيها عشر العجايب
يوسف الخليفة ( أبو عبد الله )
اخذت لي نعسه على العين شلفوح=واحلوم توزب كالطخاف الشهايب
يمد فكري حذفته فوق سرسوح=حذف العصا من فوق عكف الذوايب
لا شك هندول الوهايس يجي فوح=كالمرجل اللي فوق صفر اللهايب
اطوح بصوتي على سفح سالوح=خوف الصدا تلزم عليه الهبايب
القلب كالضرمه بالاضلاع مقدوح=وانا من لسان الشلاهيب هايب
بذل النصيحه ما نبي منها مصلوح=غير الجزا من عند رب الوهايب
اياك والعلم الردي لو هو مزوح=بعض الهروج تلوح فيها المعايب
ترا الفعول اللي يقافيها مشفوح=مثل اللبن يفسد وهو كان رايب
رد الزلل من غيرك بطيب واسموح=واحذر مغاليب الهوا والغضايب
تجاوز بعفوك ولو كنت مجروح=عليل حسد الناس بالطيب طايب
وارحم صغير القوم تسعد بك الروح=وابد احترامك وافزع لكل شايب
ترا النميمه يا فتا سم ذرنوح=ينهجها سراي المتاييه خايب
مهما يغش الناس لا بد مفضوح=حتى ولو غطا المكر بالعلايب
واياك تلهج بالتحاسيف والنوح=حتى ولو صكوا عليك النهايب
خلك صبور ولونك بجمر مطروح=يجيك يسر الحال عقب الغلايب
هذي هي الدنيا مواضيح واشبوح=تعيش وتلقا فيها عشر العجايب
يوسف الخليفة ( أبو عبد الله )