ياجماعة الخير يا اهل اللاند؟؟

[رياح الشرق1]

كيف حالكم موتري لاندكروزر 2006 6سرندل مركب له كفرات بالون طبعا هذا الطقم الثاني من 3 شهور تقريبا صاربه زي التهوي وخاصة بالبر يعني احس انه مهو ثابت وبعدين صا ر في طقطقه يوم الف يمين باويسار طبعا بالبر بالزفلت عادي لكن بصحرا لا لفيت يمين او يسار طق طق والحين طلع صوت ثاني لا لفت يمين وانا واقف بعدين مشيت يطلع صوت صرر المهم يا الربع اني وديته لاكثر من ميزان وكل واحد يخبص علي والي يقولي الا ذرعه سليمه والي يقولي تعال بكره والخ يا ناس عفت والله الموتر وما ادري وش الحل الي مر عليه مثل ها الاعطال يفيدنا وششششششش الحل

[متقاعد مبكر]

مشاكل صرير الاند كروزر دائما تكون من الجوزات الاماميه السفليه لاتشتري ذراع كامل لانه غالي شوي شف لك مهندس يخاف الله واشتر لك جوزتين سفليه تنباع لحالها واحذر من النوع الصيني وخله يكبسها لك في المخرطه وبالتوفيق تقبل مروري

[ابو رامي الجو]

:rاحتمال اخوي يكون الرمان الي بالكفرات الأماميه خالص الشحم منها ويطلع الصرير رح لميكانيكي له خبره بالجيوب شيك على الرمان يمكن باخر عمر وإذا هي سليمه تحتاج تشحيم وأهل الخبره بـ مكشات يفيدونك :l

[بدر B الحربي]

مثلك كان عندي صوت بالكفرات الامامية ودتها عند اكثر من واحد ما عرفها
وطلعلت الرمان وغيرتها

[الدحضاوي]

يالغالي
مثل ما قال اخوي
الرمان يبيله شحم او تغيير او شد احيان يكون مو مشدود وصارت لي بالجيب والهايلكس
اتمنى لك التوفيق

[رياح الشرق1]

يعطيكم العافيه جميع رحت لمكانيكي فاهم بالحيل بالنسبه للصرير الي اذا لفيت الدركسون لاخر شي والي قلتولي انه نقص شحم الله يجزاكم خير قلتله وشاف الرمان وقالي الشحم ناشف وشحمه وان شاء الله انه يضبط لكن الصوت الثاني الي الطقطقه يقولي هذي عندك كراسي البدي يبيلها تغيير ورانياها وحرك الموتر فعلا يتحرك يقول يبيلها تغيير والشدادات الي ماسكه الدفرنس الي وراء الشدادات طبعا الي فوق خربانه ولازم تغير لا الدفرنس مو ثابت فما ادري وش رايكم يا الربع في احد غيرهن وهن يسببن القرقعه وعدم ثبات الموتر ارجو الرد الله يجزاكم خير

[رياح الشرق1]

للرررررررفع

[رياح الشرق1]

للررررررفع

[عبار درب]

العضيب لاندكروزر بالصناعية القديمة مر عليهم و اشرح مشكلتك تجربتي معهم طيبة ولا ازكي على الله احد

[رياح الشرق1]

يعطيك العافيه ياعبار اخ بس لو اني قريب للعضيب كان ماشرحت مشكلتي بعيدين عني

[الفريح1]

العضيب عندي مشكلة في اللاندكروزر اذا رقيت مطب طلع صوت طقه ما عرفوها مريتهم مرتين.

[حمزةعبدالمطلب]

السلام عليكم
اخوي تاكد من جلد مجموعة الدركسون من تحت تجي ثنتين
تقبل اخوك

[رياح الشرق1]

يعطيكم العافيه حتى صوت الصرير رجع ثاني مره قالي شحم الرمان بالي ناشف وشحمه النصاب ولا راح

[أصيل حجآ زي]

اذا اُنّك بمنطقة الظهراَن ( الشرقية )
روح الى ورش الفوازية بالخُبّر من جهة الإسكان
تجئ من الخُبر كأنك تبي التحلية .
تتعدى الإسكان ثُمَّ تدخّل الفوازية
من الشارّع الرىيس حتى تصل جدار المصلحة
ثُم تلُف يمين ثُمَّ يمين وتسأل عن ورشة
المُهندّس عُمر العُماني ( حضرمي ) .

ما بتحصل اشطّر منهُ في المملكّة في التربيط .

رجُل امين ونصوح مثل ما وصفوه لي .

ولا نُزكي على الله احّد .

[رياح الشرق1]

الله يعطيك العافيه يا اصيل حجازي لا والله اني شمال بالجوف وما عندنا غير ابو يمن ومابهم الزين

[الفريح1]

السلام عليكم
اخوي تاكد من جلد مجموعة الدركسون من تحت تجي ثنتين
تقبل اخوك
مريت العضيب يقول زينه

[رياح الشرق1]

مشاكل صرير الاند كروزر دائما تكون من الجوزات الاماميه السفليه لاتشتري ذراع كامل لانه غالي شوي شف لك مهندس يخاف الله واشتر لك جوزتين سفليه تنباع لحالها واحذر من النوع الصيني وخله يكبسها لك في المخرطه وبالتوفيق تقبل مروري

الله يعطيك العافيه فعلا من الجوزان بس نصيحه يا اخوان لا احد يصلح سيارته عند ابو يمن هم تغيير زيت ويخب عليهم ولا هذولا حقين تصليح اشياء حساسه مثل جوزات واذرعه هذولا حقين تخزين وترقيع اما ان شغله يكون دقيق انسى المهم اني رحت لابو يمن بعد مدح الشباب له ولا انا ماني مقتنع وقالي انضفلك العكووووس واشحملك الجوزات ومدري وش قلت يالله هذا بعد ما قلتله اني مسافر ادور الصيد وشغال فيه مدح ركبت السياره وسافرت عل الخط ياسلام سلم ومن يوم نزلت صحراء الا طقتقت حديد غريبه ماكانت فيها اول وقلت لخوياي قالو جلد اكيد لاني شفت تحت الموتر مافي شي واضح ورحت وثاني الله ستر ولطف وانا امشي صحراء طاح الجيب عل خشمه انكسرت الجوزا بالبر واتبهدلنا لما جبنا مكانيكي يمكن 10 ساعات وانا اتصالات ومغثت بال وابي اسالكم بكم الجوزات الوكاله معقوله 2800 ×

[رياح الشرق1]

وش تنصحوني فيه اركبهن كاملات مع المقصات وش رايكم الله لايوفق اليماني المروح

[الا سير]

اشترهن كاملات احسن لك
فية الجويزة الي تنباع لحالها
صناعتها سوري اوصيني
ابعد عنها
الله يعينك على الاصلي
لاكن لاركبته نبي ترتاح

[رحال7]

غير جديد ولا تفكر أبدا في القص واللزق ولا تقرب ابو يمن فللأسف يخربون اكثر مما يصلحون وأسعار هم مرتفعة بدو فايده
قد يكون اخوه منهم عنده خبره وليس علم ولكنهم قليل الله يصلح حالنا وحالهم

[رياح الشرق1]

يشهد الله ان شغلهم بدون اي امانه الا من رحم الله لان ياخوان بيئتهم كذا مو مثل الفلبيني او الهندي الي تلقا شغله بدقه واخلاص

[رياح الشرق1]

طيب يا اخوان كم سعر المقصات لان المحلات تتفاوت اسعارهن

[ابوراكان تبوك]

اللي تحت الواحد 635 مع الجلد

[رياح الشرق1]

هلا ابو راكان ما فهمتك لكن اذا قصدك الموديك 2006 واضن من 98الى2007 نفس الشي

[رياح الشرق1]

اها ابو راكان ابي كلهم الاربع الي فوق والي تحت السالفه يخوك مابها لعب بكم الله يجزاك خير

[رحال7]

إزا بتريد غيرهم مع أعمدة الشد في الجهتين وجلد عمود التوازن ،،توكل على الله ولا تتردد فقط ابحث عن اقل تسعيره وأنصحك بالوكاله اذا الفرق بسيط لأنهم يضمنون القطع وكذلك هناك تخفيض هلى سعر القطع أعتقد ١٠ الى ٢٥ %

[ابوراكان تبوك]

انا اتكلم لك عن سعر المقصات اللي تحت وسعر الواحد 635 لكن اللي فوق ماعمري غيرتها

كلهم نفس الشيء من 98 الى 2007

الاختلافات تبدأ من 2003 في الاذرعه الداخليه فقط

لكن المقصات نفس الشيء

المقص يجي معاه جويزه أصليه مع جلد المقص تكد معك 10 سنوات بالراحه



لكن فيه جويزه تجاريه بـ 100 ريال يكبسونها كبس ودايم تنفرط ابعد عنها لو يعطوك اياها مع التركيب ببلاش اللاند خطير جدا من ناحية الجويزات لان وزن السياره ثقيل وحقت بر


انا قريت موضوعك من اوله لكن نصيحه افحص الجويزات + الاذرعه الداخليه
جلد البودي واضح صوتها والاذرعه الداخليه مشابهه لها بالصوت ( جلد البودي لاتغير واحد وتترك الثانيات لازم طقم والا بتختلف معك وزنه البودي والافضل تستشير السمكري لانه هو ادرى بتأثير موقع القطعه عند التغيير )
لونك جاي تبوك كان عطيتك عنوان واحد مجنون في صيانة اذرعة اللاند

[رياح الشرق1]

هلا ابو راكان انا قريب للتبوك واروحلها مافي مشكله بس ابي واحد فاهم باللاند من ناحية عضلات وجلد واذرعه بس تكفا لا يكون يماني وصفلياه وين مكانه الله يجزاك خير يا ابو راكان

[ابوراكان تبوك]

هلا ابو راكان انا قريب للتبوك واروحلها مافي مشكله بس ابي واحد فاهم باللاند من ناحية عضلات وجلد واذرعه بس تكفا لا يكون يماني وصفلياه وين مكانه الله يجزاك خير يا ابو راكان

حياك الله بتبوك

هو اللي برسلك عليه انا متعامل معاه من فتره طويله

طقة ابو يمن ما اتعامل معهم نهائي في هاذي الامور

عموما
موقعه الصناعيه

وانت داخل شارع المعارض الرئيسي اول لفه يمين ورابع ورشه ع اليمين ورشة الغنام
فيها واحد اسمه منصور جنسيته تركي
معاه عامل ثاني تحسبه هندي قصير القامه العامل هذا ينتحل شخصية منصور احيانا:D بس شغله زين
للكن منصور من تشوفه تقول امريكي خله هو اللي يفحص السياره وقول له انك جايه من مكان بعيد اذا اركيت عليه مايخلي شيء بالسياره :good2: