استفسار عن هذا الوسم لمن ؟

[راعي عليان1]

السلام عليكم ورحمة الله وبركاته
احواني الله لايهينكم انا شريت لي بعير وعليه المغزل على خده من يسار وكل من سألته عن الوسم ماعرفه . واللي منكم عنده علم لايبخل علينا به ولكم الشكر
وهذي صورة البعير



http://im85.gulfup.com/FcbuEI.jpg

[الميل1]

العونه من مطير ياسمون المطرق ع الخد من يسار

[راعي عليان1]

من يجيب العلم الله يعافيه ؟؟؟

[الرحال الدولي]

تشتري ابل والابل سبب انتشار كرونا !!!!!!!!!!!!!!!!!!!

[راعي عليان1]

نسأل عن الوسم مانسأل عن كرونا !!!!!!!!!!!

[شيخ المواقف]

وكل الله سبحانه وتعالى الابل مامن وراها الا الخير والخوف مانجي الحبارى من الموت ياللي تقول تشتري الابل وفيها كرونيا

[almushraq]

الوسم ماطلع عندي .....لكن اذا كان المغزل على الخد من يسار ممدود مطرقة على ورى من تحت الاذن فهو لفخذ من ال مرة

[راعي عليان1]

صحيح ممدود لورا اتجاهه للرقبه
ياليت لو تعطيني علومه اكثر اذاتكرمت يالمشراق
وهل حلالهم طيب

[راعي عليان1]

للرفع لعدم التمكن من معرفة هذا الوسم لمن

[ابو مخلدابو م]

بخصوص الي يقول وسم الوعنه العونه مطرق يا خوي وحجمه اصغر وهذا مغزل

[راعي عليان1]

وين اهل البل والعرف بالوسوم عطونا العلم الله يجزاكم خير

[مريقب العيفار]

اخوي راعي عليان

هل الوسم اللي على البعير المغزل او الرويكب

انا بحثت عن وسم المغزل على الخد الايس ما لقيت اي معلومة

لكن بحثت بالرويكب ولقيت لك هالمعلومة :

ذوي خضير يسامون الرويكب وبعضهم يسامه على الخد من يسار وبعضهم على الخد من يمين

طبعا ذوي خضير من برقا من عتيبة

[الغنامي 511]

الصوره ماهي طالعه

ارفعها من جديد

[almushraq]

اخوي العزيز

المغزل معه شي مثل شاهد

ولا قلاده على الرقبة

والحلال يختلف فيه الزين وفيه الشين

انا بايع بعير في سوق الحساء 4 الاف ابوه من اشهر الركاب في الجزيرة وامه من اطيب الحلال والسلالات وطلع شكله مايصلح ابد وانتاجه عندي وسط

يعني بالمختصر ... توافيق من الله يمكن شكله ماهو زين ويطلع انتاجه طيب ويمكن شكله زين وانتاجه دمار

هل المغزل كل حلالهم على ساس وطيب والتوفيق من الله

[راعي عليان1]

الله يجزاكم خير
اخواني مريقب والمشراق
ولازال البحث جاري

[راعي عليان1]

http://http://im85.gulfup.com/FcbuEI.jpg


هذي صورة البعير يالغنامي

[راعي عليان1]

السلام عليكم ورحمة الله وبركاته
احواني الله لايهينكم انا شريت لي بعير وعليه المغزل على خده من يسار وكل من سألته عن الوسم ماعرفه . واللي منكم عنده علم لايبخل علينا به ولكم الشكر
وهذي صورة البعير



http://im85.gulfup.com/FcbuEI.jpg


ان شاء الله الصوره طلعت يالغنامي

[راعي حلالII]

والله العالم احد الفخوذ من قبيلة العجمان لانه يشتهر عندهم المغزل لكن ماهوب على الخد من يسار ياتي في الرقبة وتحت الخد

http://www.alajman.net/wasem.html

[الدوسري2010]

والله ياخوك دورت ونشدت واللي اعرفه ان فيه فخذ من السهول ياسمون الروكب بنفس المكان لكن من يمين اما المغزل ففيه قبايل تاسمه منها العجمان وفخذ من عتيبه لكن اغلبهم من يمين او على الرقبه وانا اتوقع ان هالوسم خاص لشخص معين ممكن هالوسم الشخص نفسه هو اللي مسويه

[ودعان]

اخوي راعي عليان اذا المغزل على الخد تحت الاذن صغير وعصاه للخلف هذا وسم ال فهيده من ال مره وحلالهم مجمله طيب

[راعي عليان1]

بارك الله فيكم وجزاكم الله خير على اهتمامكم وردودكم الطيبه

اخوي ودعان المغزل عرض جاي من بين العين والاذن على كامل الخد وعصا المغزل وجهه يم الرقبه

[راعي عليان1]

فزعتكم اعطونا العلم يااهل البل

[عشانا]

لا وسم ولا يحزنون هذا مرض اصاب الفحل وتم كيه

[مكابر]

خذ العلم /العجمان من ال حبيش

[راعي عليان1]

تجيب العلم يالمكابر يعني للعجمان من ال حبيش نسنده وننسبه الهم بيض الله وجهك ووجه الاخوان والله لا يهينكم جميع

[سقم المعادي 1]

اخوي اللي يقول الوسم للعجمان غير صحيح آل حبيش من قبيله العجمان الكرام ياسمونها من يمين و اليسار وسم الزقاعين من السهول

للتأكيد :
http://www.albdoo.info/uploaded/2086/1157758230.jpg
http://www.alajman.net/images/wasem.jpg
آل حبيش نفس الوسم لكن يمين


و هذي للسهول

http://www13.0zz0.com/2011/12/23/16/762988661.jpg

ان اصبت فمن الله و أن اخطأت فمن نفسي و الشيطان

[راعي عليان1]

الله يجزاك خير اخوي سقم المعادي

الزقاعين من السهول ياسمون المغزل من يسار على الرقبه
ووسم البعير الاي عندي المغزل على الخد من يسار
ومشكور على اهتمامك ومشاركتك طيبه من طيب راعيها

[راعي عليان1]

للرفع نبي اهل العرف يعطونا العلم