يالنشاما ادخلو (مشكله)معي ددسن 2005

[arar city]

[center]السلام عليكم ورحمة الله وبركاته
اسعد الله صباحكم/مسائكم بكل خير

معي ددسن 2005

تنقص ماء مدري وين يروح غطاء رديتر وغيرناه وصيخنا الرديتر وماء اصلي ومافي تهريب

والمشكله ان القربه الاحتياطيه بدال ماتعبي بالرديتر صار الرديتر يعبي بها ههههههه
دايم القاها مليانه

ياليت نلقى الحل لان بصراحه انا طابت نفسي من الصناعيه كل شوي لهم سالفه

[هواوي الشمال]

يالغالي صارت معي في سيارتي وطلع بسبب تبخير من وجه راس المكينه ينسم..
انت شيك ع الطبات الخلفيه والليات ..بالتوفيق

[arar city]

الليات سليمه ولكن الوجه ما عمر احد قال لي شي عنه ابغى اشوفه ولكن كيف اعرف اذا فيه تنسيم

[arar city]

جيت ورشه اليوم العصر وسالني عن البلف حق الحراره طبعا انا شايل البلف قال لي البخاخ لازم البلف يكون موجود !!!!!!! عاد من الورش المعروفه عندنا مدري وش دخل البلف

[شاق النفد]

هذا راس المكينة فيه تنسيم ويحتاج خرط
وذا تبي تتاكدافتح قربة الماء بعد مشوار وناظر اذا لقيت فيههوا يطلع ع شكل دواير

[arar city]

هذا راس المكينة فيه تنسيم ويحتاج خرط
وذا تبي تتاكدافتح قربة الماء بعد مشوار وناظر اذا لقيت فيههوا يطلع ع شكل دواير


اذا تقصد افتح غطاء الرديتر بعد مشوار فكلامك شبه صحيح لان اذا فتحته يطلع منه هواء وغير كذا فقاعات بالماء واذا عبيته ماء لين مايفلل اخليه اقل من دقيقه الا يطلع فقاعات وينقص الماء

[arar city]

للـــرفـــع

[arar city]

جيت ورشة وقال اذا راس المكينة تلقى حرارة ترتفع وماتنزل سواء كانت السيارة تمشي او واقفة

وانا سيارتي اذا تمشي تنزل الحراره والي الآن ما وصلت الاتش لآن من توصل الربع اعبيها ماء القاه ناقص

وفي ناس قالو لي يمكن من الثلاجة فياليت تفيدونا كيف اعرف اذا في تهريب من الثلاجة

[arar city]

للررررررررررفع

[manaf]

اخوي عندك احتمالين
١ غطا الراديتر ماهو اصلي نفس مقاسة انصحك رح الوكاله مع رقم الشاص
٢ عندك تهريب من ليات السخان تلقاها راجعة من المكينة الى الغمارة شيك عليها او الغاها احسن
بعدين فكر في راس المكينة

[هاوي بلادي]

غطا الراديتر اخذك اصلي

وشيك على طرمبة الماء احتمال عندك تنسيم

وكذلك شف ليات السخان شيك عليه

وفكر راس المكينة عند روشه مضبوطه

[الناطل]

انت لو الحرارة ماترتفع

والنقص قليل

فنصيحة لك خلي معك كرتون موية مقطرة ب 12 ريال

وكل اسبوع زيدها والموتر بارد وريح مخك من الورش وغثاها

ولكن لو النقص كبير يعني كل مشوار فالله يعينك تروح محل رديترات وتخليه يكشف لك وين محل التنسيم

وانا عندي كرسيدا كل اسبوعين تنقص علبة ومسوي هالحركة اللي قلت لك ومريح مخي والموتر من احسن مايكون

[nayf01]

سيارتك صابها حرارة وتسببت في تلف وجه الراس
عليك بتغييره ويمكن تدبله بعد صنفرت الراس او خرطه وعادةً الخرط ماكل مخرطة تضبطة

[arar city]

الحاجات اللي سويتها /

صيخت الرديتر +غيرت طرمبة الماء +طاء الرديتر والي الآن النقص موجود

ولكن الحراره ماوصلت نهائيا الاتش والسيارة طبيعية جدآ وعزمها قوي

وكل ما ينقص الماء اشوف امبير الحراره يتحرك واذا اسرعت ينزل الين ما تفضي الماء وتوصل الربع

وانا اللي اعرفة الرآس الحراره ترتفع سواء تمشي او واقف وحتى لو الرديتر فيه ماء فل

[الحميضاني]

اخوي دور التهريب والاغلب انه من الطبات اللي بالخلف بين القير والمكينه وراس المكينه اذا به مشكله ترتفع الحراره وكل ما تدوس بانزين ترتفع وانت تعرف مشكله ارتفاع الحراره اللي هو نقص ماء الرديتر فتش على التهريب وان شاء الله تظبط

[eameh]

تاكد من غطا الاديتر ورقمه انه يكون له موب لسياره ثانيه لان الغطا فيه بلف مثل بلف الحراره والعماله ما تعرف كوعها من بوعها لا يكون مغير برقم ثاني ترا تصير كثير يقول توني شاريه جديد ويحقرونه وهو مصيبه لمن يختلف الارقام وما يكون مخصص لنوعيه سيارتك

[we2]

تاكد من غطا الاديتر ورقمه انه يكون له موب لسياره ثانيه لان الغطا فيه بلف مثل بلف الحراره والعماله ما تعرف كوعها من بوعها لا يكون مغير برقم ثاني ترا تصير كثير يقول توني شاريه جديد ويحقرونه وهو مصيبه لمن يختلف الارقام وما يكون مخصص لنوعيه سيارتك

بالضبط نفس كلامك موتري ستة سلندر وكان راعيها السابق حاط غطاء حق 4 سلندر وتجاري هههههههههه

والله مثل حالة صاحب هالموضوع القربة تمتلي فل ومن قوة الحرارة تطلع الموية من القربة

وبدلت الغطاء بواحد اصلي نفس رقم الوكالة ولله الحمد المشكلة راحت ولا رجعت

[arar city]

اخر ما توصلنا اليه بالصناعيه ( جيت ورشة واحد سوري والرجال على كلام ناس شغله تمام ومعروف المهم قلت له المشكله ودخلنا السياره الحفره وتفحصها قال مافي تهريب وشاف الرديتر قال هذا غطاه الاصلي قلت لا انا مغيره قال شوف ياحبيبي انت رديترك صيني والصيني مو كل غطاء يركب عليه والاغلبيه ما تركب عليه يعني مالك الا تغير الرديتر قال الواضح انه من الغطاء لانه يعبي بالقربه طبعا قال الراس مافيه شي مادام مافيه حراره ) هل كلامه صحيح انا صرت مثل الكوره بين مجموعه لاعبين هههههههههه

[arar city]

للرررررررفعععع

[arar city]

للرررررررررررررفع

[قونقا]

ايه كلامه صحيح انا قد صارت معي

[قونقا]

شكلك تكتب ولا تقرا العيال وش

يقولون لهم ساعة يقولون لك تاكد من الغطاء يمكنه مهب له

وانت مطنش رحت لصناعية وجيت للصناعية اقرا الردود الله يصلحك

[we2]

طيب وحنا وش نقول لك يالطيب

مافيها حيرة ولا شيء

كلام الرجال صحيح لان الرديتر وغطاء الرديتر اذا مو اصلي راح يبهدلك لين تكره الموتر

وهذا انا مجرب كان موتري الغطاء تجاري وركبت اصلي ومافيها الا العافية

يعني روح الصناعية وغير الرديتر والغطاء اصلي اصلي اصلي

[abosaad777]

جرب تسكر اللي اللي رايح للقربه مع تسكير غطا الراديتر.
وخذلك. مشوار وشوف
انا مسويها في دينا وضبطت
بس انتبه من الحراره. وشيك عليها كل شوي
وانتبه تفتح الغطا بدون ماتتاكد من الليات اللي رايحه للمكينه من الراديتر اذا هي مصلبه. لا تفتح الرديتر.
اما اذا هي لينه جداا فانت في السليم
وعلمنا وش يصير معك عشان نستفيد


تم الإرسال بواسطة iPhone بإستخدام Tapatalk

[arar city]

للاسف الشديد غيرنا الغطاء والرديتر والي الان تنقص ماء + القربه تمتلئ

مابقى غير راس المكينه !

طيب ياشباب هل خرط الراس يفي بالغرض ولا ترجع المشكله او اي مشكله اخرى متعلقه بالراس .

لان بصراحه خايف اخرط الراس واتخسر وبالاخير ترجع المشاكل

[arar city]

للررررررررفع