متى اغير زيت قير الفتك التماتيك ( نبغى الكلام الموثوق والنهائي)

[BMAKG]

السلام عليكم
متى يتم تغيير زيت قير الفتك التماتيك
ناس تقول 100 الف
ناس تقول 80 الف
ناس تقول 60 الف
ناس تقول 40 الف
الرجاء لايجاوب الا اصحاب الدرايه والخبره
تقبلوا تحياتي ....

[محسن اليامي]

وعليكم السلام

ماراح تلقى اجابه ١٠٠ ٪

اكلمك عن نفسي اغير على ٤٠ الف وهذا كلام الوكاله لي

كان عندي فتك ٢٠٠٣ اغير على ال ٤٠ الف
والحين عندي فتك ٢٠٠٥ توني ماخذه ماغيرت زيته لقيته ناقص شي بسيط وزته وراح اغيره اذا مشى ٤٠ الف
وكان عندي باترول ٩٨ اغير على ال ٤٠ الف

وسلامتك

[بلحارث]

كل ماغيرته بدري احسن ولو تغيره على الثلاثين منت نادم لان الجو عندنا يختلف عن الدول الاخرى لان الزيت اذا ثقل وامتلى رايش يجبر المسننات على ترك فراغ (اكبر) وبالتالي اذا غيرته بعد فترة طويلة يخبط القير والله اعلم

[سقم المعادي 1]

مافيه شيء محدد وانا اخوك المصنع يحط في الكاتلوج مثلاً 60 الف
لكن اللي جلف و يجور على موتره مفروض يخصم النص على اقل تقدير يعني يغيره كل 30 الف او 40 الف اما اللي راكد مره في السواقه يمشي على الكاتلوج و لا تنسى ان جونا يحمس الحديد فما بالك بزيت حاول تسبق له 20 الف كم وحواليها حسب سواقتك ومعاملتك لموترك

[h93313]

يا أخوان والله ان أعرف واحد مشي عليه 200000
ولا صار معه شي اللهم أني لقيت الزيت قلب لونه من
احمر الئ بني
وفيه شوي أريش علئ السرة
أهم شئ اذا غيرت ركب زيت القير الأصلي
اسمه مجك g
وانحش عن زيت الكزز وbm

[نننننننننن]

مع الوالد جيب فتك موديل 2002 تماتيك عايدي المهم ماخذه وكاله بسمه
تعرفون نظام الشيبان مافيه صيانه *_*
المهم تركه الشايب وصرت استخدمه وخفت يخرب القير لن زيته ماتغير من الوكاله
قلت خلني اغيره طبعن الموتر ماشي فوق 3000 وغيرته قبل سنه
مسكت معي وراح جبت له زيت من محل عبدالكريم بالخضريه بالدمام التر يمكن قيمته 75 ياخذ 6 لتر زيت الفتك الاصلي
وغيرته بنفسي مايجي له فلتر تغيير فيه فلتر حديد نظفته وحطيت سلكون الاصلي ورجعته والموتر الحين زي العسل

[fffsub]

إذا تستخدم زيوت القير الحديثه اللي طلعت بعد موديلات ٢٠٠٧، فهذه الزيوت تمشيك ٦٠ أو ٨٠ الف كم
إذا تستخدم زيوت الجيل السابق قبل ٢٠٠٧، فهذي تمشيك ٣٠ أو ٤٠ ألف

[راعي النياسين]

الوكالة تقول من 100 الف الى 120 الف ماعندك مشكلة

انت خلك كريم وغيرة كل 80 الف او 70 الف

[راعي النياسين]

هذا كلام الوكالة لي شخصيا

[شمس الخليج]

60 الف انا اشوفه نورمل وكافي

[ابوسند9]

وعليكم السلام
اذا السيارات الامريكيه اللي سعر اللتر ب 10 ريال يتغير من 30 الى 40 الف كيلو
فما مو من المنطق معي باترول واشتري زيت سعر التر من 80 الى 100 ريال واغير كل 30 الف كيلو
واذا بتسمع كلام الوكاله راح تتشتت
انا غيرت الزيت بعد ما مشي 180 الف والحين ما شي اكثرمن 400 الف وما عندي نيه اغيره
لذا يا جماعه الحرص الزائد هذا يسمى اصراف وهذا الكلام ليس من راسي كل الزملاء اللي اعرفهم يغيرون من 150 الف ولك الى 250 الف لان نوعية زيت الفتك ليس مثل باقي السيارات
وانصح بزيت ال بي ام لكن ليس اللي يباع في علب هناك نوع ممتاز سعر التر من 80 الى 100 ريال يجي بجراكل 20 لتر وانت تاخذ حاجتك فقط 5.5 لتر تقريبا

[شمس الخليج]

وعليكم السلام
اذا السيارات الامريكيه اللي سعر اللتر ب 10 ريال يتغير من 30 الى 40 الف كيلو
فما مو من المنطق معي باترول واشتري زيت سعر التر من 80 الى 100 ريال واغير كل 30 الف كيلو
واذا بتسمع كلام الوكاله راح تتشتت
انا غيرت الزيت بعد ما مشي 180 الف والحين ما شي اكثرمن 400 الف وما عندي نيه اغيره
لذا يا جماعه الحرص الزائد هذا يسمى اصراف وهذا الكلام ليس من راسي كل الزملاء اللي اعرفهم يغيرون من 150 الف ولك الى 250 الف لان نوعية زيت الفتك ليس مثل باقي السيارات
وانصح بزيت ال بي ام لكن ليس اللي يباع في علب هناك نوع ممتاز سعر التر من 80 الى 100 ريال يجي بجراكل 20 لتر وانت تاخذ حاجتك فقط 5.5 لتر تقريبا
كلامك عين الصواب ما اذكر غيرت زيت قير اتوماتيك الا اذا كانت السياره مستخدمه وعليها 3 سنوات ماغيرته

[شنطة عده]

معلومه عامه
زيت القير هو للتبريد اكثر منه كمزيت ووظيفتة الاهم هو عملية دفع وتحريك الاجزاء الداخليه
السيارات القديمة الاوتومتك اذا نقص زيت القير فيها يتوقف عن العمل
زوده زيت يعود القير للحياه مره اخرى