بخصوص شوزن ريمنتقون

[بيضان]

السلام عليكم ورحمة الله وبركاته ؛. كيف حالكم عساكم طيبين ؟ عندي شوزن ريمنتقون ام خمس نص تماتيك رميها زين حار بس مشكلتها السبطانة (الماصورة) قصيرة فاللي عنده حل لايبخل علينا افيدوني وش اسوي بها اركب ماصورة ولا اللي عنده حل يفيدنا. :l. وشكرا مقدما

[areb]

عندك حلين اختر واحد اما.تحط لها.وصله.خارجيه
او تغير السبطانه

[بيضان]

كيف وصلة خارجية وهل تعرف سبطانة تركب بدون توليف

[أبـو مـدمـر]

مافيه تغيير سبطانه الا بتوليف

فأنصحك اذا رميها مطربك
ليش تروح تفنن فيها وتركب وتفك
خلها على وضعها

[ابوصالح3]

الحل عندي انك تاخذ رقمها وتروح لوكالة المزين بالكويت ويطلبون لك ماصوره طويله لها اويمكن تحصلها جاهزه

[الشيخ الظريف]

احد يعجب ببندقيته ويعبث بها٠البندقيه انت تمدحها فلا تحاول محاولة قد تعميها

[غازي السهل]

ملاحظة أخي الكريم:

تقول المراجع الأمريكية المتوافرة عندي إن جودة الرمي تعتمد في الذخائر الحديثة على تعبئة الخرطوشة ذاتها ومواصفاتها (كنوع البارود والحشوة والكميات المعبأة من البارود والرش) وليس السلاح.

هذا ما تقوله هذه المراجع، ولكن وحتى وإن كان لطول السبطانة دخل في جودة الرمي فسيكون دورا ثانويا أو ضئيلا على أكثر تقدير.

[الخديوى]

دامها ترمي وتقول حليله ورميها زين وش لك تعفس وتغير وتحوس الدنيا وتحوس نفسك وتشغل الناس بالطلبات, قل يالله لك الحمد والشكرونعم.

[BLAZER91]

عندي وحده يااخوان ريمنقتون 1100 ام خمس والخشيبه الوسطى مكسوره وش الحل فيها احد يخبر خشيب شي جديد او مستعمل للبيع

[الصيادالمليح]

عندي وحده يااخوان ريمنقتون 1100 ام خمس والخشيبه الوسطى مكسوره وش الحل فيها احد يخبر خشيب شي جديد او مستعمل للبيع

فكها وودها عند محلات النجارة يفصلون لك واحد و اختار نوعية خشب ممتازة و تتحمل

[qariah]

اخوي بليزر
فيه محل الرماي في الرياض شغله ممتاز يفصل لك اخشاب

[BLAZER91]

الله يعطيكم العافيه ودي لو احصل مستعمله اصليه افضل او جديده