ما رأيك في حملت عشرة عمر جددها .. بدون تعصب

[عاشق الددسن92]

زي ما هو مكتوب في العنوان تتوقعون ان حملة العيسى ناجحة ام انها غير مفيده ولم تنجح

[أبوعسكر]

ياليت لو تعطينا تفصيل

[عاشق الددسن92]

تعرض على قناة ام بي سي
من شركة العيسى كل اسبوع سيارتين يختارون سيارة معينة واذا كان معك نغس هذي السيارة موديل قديم تشارك واذا فزت يعطونك نفس السيارة اللي معك موديل 2014

[سقم المعادي 1]

سمعت اعلان بالرادو قبل فتره يطلبون اللي معه التيما قديمه يشارك فيها و اذا فاز عطوه التيما 14 صراحه خطوه ممتازة من العيسى و ذكيه لانه هالوقت يحتاج ان يثبت نفسه و بدايته اشوف انها مبشره بالخير اعلاناته بكل محل عكس الحمراني الاعلانات ماتنشاف و العيسى ماخلا محل جرايد و في لوحات الشوارع وفي التلفزيون والرادو و ان شاء الله نيسان ترجع تنافس مثل ماكان بالتسعينات و المصلحه للمستهلكين بشكل عام

[أبو أسامة]

السلام عليكم
صباح الخير
من أسم الحمله ومن توقيقتها في أول فترة أستلام العيسى وكالة نيسان في السعودية .. تستبشر خيرا" بهذا الوكيل الجديد ...
لكن الحقيقه من مشاهدتي لما حصل أثناء مشاركتي في يوم ملاك الباترول ..حصل تجاوزات كثيره فالفائز الأول الشريف لا يستحق الجائزه ﻷن سيارته معدله تعديل شبه كامل المراتب مراتب كديلك والدركسون بيوك وواجهة السياره نهائيا" مختلفه والخلفية أيضا" الفائز الثاني أبو سليمان يستاهل ولو لم يكن فيه جائزه إلا واحده من الظلم يأخذها غيره الموتر وكاله ماشاء الله تبارك الله .. الفائز الثالث سلموه الجائزه يوم مشينا بدون علم أغلب المشاركيين ... الله يبارك للجميع بما فازوا به ..لكن المسابقه ظالمه ..أنا أملك 5 سيارات باترول موديلات 79 و86 و96 و2010 و2012 كلها قبل العيسى الا موديل 2012 وكلها ملكتها عشق للباترول وليست للبيع ... وكلها تمت اعادتها كما هي من المصنع قدر اﻷمكان .. فمثلا" ال79 كلف 48000 ريال ﻹعادته والربع ال96 كلف 93000 ريال ﻹعادة تجديده ... وبصراحه تامه الجوائز مجهزه ﻷهل الواسطه كما أعتقد ..
أنا مازعلني الا واحد كان يسب الباترول ويمدح الاند قلت ليش ماتبيعه وتشتري لاند قال بعد المسابقه على المعارض قلت الله يقويك ..تصدقون كان من الفائزين ...
معلومه سبعين مره يعيدون التصوير صدعوا بروسنا ... معلومه ثانيه الفحص المكانيكي اللي سووه بس شغل تصوير يعني مهندسينهم مايدرون وش السالفه .. معلومه ثالثه تدرون أحتفظ بها لنفسي ..
بصراحه شركة نيسان العيسى فشلت في أول أختبار ....

[المميـز]

:

الله يجزاك خير ابو اسامه على هذا الرد الذي وضح لنا طريقة المسابقة بتفاصيلها
لكن فعلا الفائز بالمركز الاول ارى من كلامك انه لايستحق بما انه معدل في سيارته
والدنيا ارزاق والله يبارك لهم ويرزقنا وياكم

:

[عاشق الددسن92]

السلام عليكم
صباح الخير
من أسم الحمله ومن توقيقتها في أول فترة أستلام العيسى وكالة نيسان في السعودية .. تستبشر خيرا" بهذا الوكيل الجديد ...
لكن الحقيقه من مشاهدتي لما حصل أثناء مشاركتي في يوم ملاك الباترول ..حصل تجاوزات كثيره فالفائز الأول الشريف لا يستحق الجائزه ?ن سيارته معدله تعديل شبه كامل المراتب مراتب كديلك والدركسون بيوك وواجهة السياره نهائيا" مختلفه والخلفية أيضا" الفائز الثاني أبو سليمان يستاهل ولو لم يكن فيه جائزه إلا واحده من الظلم يأخذها غيره الموتر وكاله ماشاء الله تبارك الله .. الفائز الثالث سلموه الجائزه يوم مشينا بدون علم أغلب المشاركيين ... الله يبارك للجميع بما فازوا به ..لكن المسابقه ظالمه ..أنا أملك 5 سيارات باترول موديلات 79 و86 و96 و2010 و2012 كلها قبل العيسى الا موديل 2012 وكلها ملكتها عشق للباترول وليست للبيع ... وكلها تمت اعادتها كما هي من المصنع قدر ا?مكان .. فمثلا" ال79 كلف 48000 ريال ?عادته والربع ال96 كلف 93000 ريال ?عادة تجديده ... وبصراحه تامه الجوائز مجهزه ?هل الواسطه كما أعتقد ..
أنا مازعلني الا واحد كان يسب الباترول ويمدح الاند قلت ليش ماتبيعه وتشتري لاند قال بعد المسابقه على المعارض قلت الله يقويك ..تصدقون كان من الفائزين ...
معلومه سبعين مره يعيدون التصوير صدعوا بروسنا ... معلومه ثانيه الفحص المكانيكي اللي سووه بس شغل تصوير يعني مهندسينهم مايدرون وش السالفه .. معلومه ثالثه تدرون أحتفظ بها لنفسي ..
بصراحه شركة نيسان العيسى فشلت في أول أختبار ....

ما اعتقد ونا خوك من ضمن الشروط السيارة تكون غير معدله

[أبو أسامة]

اجل على ويش جددها ... وأنا اركب للموتر قطع من مصنعين آخريين ..كان المفروض يسمونها ولفها ..دبرها .. مالنا دخل .. الا كلمة جددها .... لعلمك ..المسابقة من المفروض أي سياره تشارك تكون مملوكه لصاحبها قبل تاريخ اﻷعلان عن المسابقه .. ﻷن المالك الهاوي موب مثل الطامع بالجائزه ..يشتريها ويشارك وبعد ماتنتهي فاز خير وبركه مافاز على المعارض ظلم للعشاق ..حتى ولو عملوها اي شركة ثانيه المفروض تاريخ اﻷمتلاك قبل اﻷعلان عن المسابقه ...