مكيف ددسن فيها غاز تبرد ساعه وباقي الوقت حار انقذني من حر صيف

[لايوجد]

السلام عليكم
مثل ماهو مذكور بالعنوان يا احباب مكيف تم فحصها بجهاز تعبئة الغاز وطلع فيها غاز تبرد ساعه ثم يصير حار ولا عاد يبرد الا ثاني يوم وما عرفنا من البلف او البطل او راديتر نستفيد من خبراتكم خير الكلام ماقل ودل

[فتك الجنوب]

شيك على البلف
لنها قد صارت معي

[اسدهم]

طيب الفريون تقول مليان طيب شيكت علا زيتة الفريون اذاناقص مايبرد يمرضك في الظهر تقول صحراوي وفي اليل يبرد تبريدحليل اذاهذي مشكلتك شيك عل الزيت

[صياد جنوبي]

عندك عدة احتمالات

يمكن يعبي ثلج فيخف معاك دفع الهواء وتروح البروده تحسه صحراوي

ويمكن من الثرمو ستات يوم يفصل ما عاد يشبك

والمشكله التي اتوقع انها هي فيمكن من الفلتر مسدود والفلتر في النيسان هو الاسطوانه اللي في الكبوت خلف الشبك

الاحتمال الأخير هو ان الفريون ناقص او زايد ويبين معاك اذا اسرعت فوق 120 يصير ما يبرد واذا تمشي على مهل تلاقيه يبرد بس بروده ضعيفه

[اابو مياس]

اخوي الله يعيننا على الحر وهالسنه من اولها كذا الله يرحمنا برحمته اخوي الاحتمالات كثيره وبعضها يخطي والبعض يصيب وتدخل بمشاوير الصناعيه خصوصا هذا وقتهم صار لي يومين عندهم مرابط لو بكيفه يعبي فريون بس مايتعب حاله بفحص ولاتغيير قطع لانه يتاخر عن ضحاياه ههههه اخوي فرغ الفريون القديم بكل الحالات انت مفرغه اولا افحص ضغط الكمبروسر بطريقه سهله وانت تشوف يفك ليات الكمبروسر ويلف البكره بيده ويقفل صمامات الكمبروسر كم ثانيه ويشيل يده اذا الهواء تحس دف يده بقوه وطلع صوت فقاعات قوي معناته كويس واذا صوته الفقاعات خغيف فيه ضعف ولاتستفيد شي بالشمال عندنا كل شي تغيير جب جديد سمعت بالرياض وجده له تصليح بس انتم ادرى اذا ضغطه كويس نظف رديتر المكيف من الداخل والخارج تنضيف كويس وغير الفلتر الي بجنب الرديتر اسطوانه فيها عدسه وغير ربلاتها والافضل وعشان تضمن شغلك ولاترجع لهم ان شاء الله تفك الثلاجه والمروحه تحت درج الراكب كلها كم مسمار اذا هي مثل الهايلوكس وتنضفهم تنضيف جيد وتفحص بلف الثلاجه ضروري انا عارف كثرتها عليك بس تعبنا من شغل مش حالك وكل تعبئه فريون بالسعر الفلاني بعدها يعبي لك هوا ويقفل من الساعه ويتركه ثلث ساعه اذا نقص بالساعه معناته في تهريب اذا مافي تعبي فريون امريكي اصلي وانتبه لايعبي من اسطوانه عليها كرتون الكرتون امريكي والاسطوانه صيني والا هندي الهندي اذكر لونها برتقالي وضروري يفرغ الهوا بالكامل مت دائره المكيف عشان يطلع التبريد مضبوط لان الهوا ينتشر داخل الليات ويصير مكيف صحراوي اكثره هوا مو فريون تذكرت حاجه لازم تعبي الكمبرسر زيت اذا ناقص ويعبي فريونه على جرعات يفتح دقيقه ويقفل دقيقتين والا العكس ويعبي والاسطوانه مقلوبه اول ثم يخليها على جنب وبعدها يحاول يعدلها واذا رجها شوي احسن يعني لايخليها مقلوبه كل وقت التعبئه اسف للاطاله والكلام هذا استفدناه من الاخوان المشرفين على هذا المنتدى وجزاهم الله كل خير

[patrol48]

السلام عليكم
احتمال والله اعلم , انه فيه هواء مع الفريون
رح محل تعبئة فريون يسحب الهواء من داخل المواصير ويحط فريون اصلي امريكي وزيت فريون ,
واذا اردت تنظف فلاتر المكيف قبل تركيب الفريون افضل ( لانه اذا اردت تنظيف الفلاتر لازم تفضي الفريون)
ولا تنسى تنظف الثلاجة حقت المكيف خلف الدرج عند المعاون

[أحمد محمد1429]

فيه حساس خلف الدرج غيره وتضبط امورك

[لايوجد]

السلام عليكم
نشكر كل من شارك ونصح وللامانه المشكله طلعت من البلف كان مسكر مكانه تحت الدرج وتم تبديله والامور الان تمام وبارك الله فيكم