صوت من الكفرات !! هايلكس

[هايلكس مدبله]

السلام عليكم ورحمة الله وبركاته

اخواني انا موتري هايلكس 10 دبل

المهم طلع عندي صوت من يومين في الجهه اليمنى من الكفرات المهم زي صوت الاحتكاك اس اس
فقلت استشيركم وش ظنكم فيه والصوت يبدا من 20 وفوق ما يوقف سمعته واحد من العيال قال هذا الجنط يحك بالفحمان او ماسك الفحمات وانا مدري بكرة بروح الصناعيه بغير طقم فحمات امامي واقمشة خلفي وبخرط الهوبات هل بتزين الامور عقبها ؟؟

[فتى العشة.]

السلام عليكم ورحمة الله وبركاته

اخواني انا موتري هايلكس 10 دبل

المهم طلع عندي صوت من يومين في الجهه اليمنى من الكفرات المهم زي صوت الاحتكاك اس اس
فقلت استشيركم وش ظنكم فيه والصوت يبدا من 20 وفوق ما يوقف سمعته واحد من العيال قال هذا الجنط يحك بالفحمان او ماسك الفحمات وانا مدري بكرة بروح الصناعيه بغير طقم فحمات امامي واقمشة خلفي وبخرط الهوبات هل بتزين الامور عقبها ؟؟

وعليك السلام
اظنها مثل ماقلت لانها قد صارت في سيارتي لكزسس 2001 يطلع صوت احتكاك من الكفر الايمن الخلفي
غيرت الفحمات في الحوش وظبطت معي بدون خراطه لاني اول ماطلع الصوت غيرتها

[اابو مياس]

اخوي فك الكفرات ولف الهوب بيدك انتبه لايكون حار وانفخ بهوا يمكن رمل اوحصى بين لقماش والهوب اذا خلصت لف الهوب بيدك اذا راح الصوت كويس تبدا بالاسهل اذا ماراح معناته القماش مو متساوي او واصل حده منتهي اذا القماش باقي فيه معناته مو متساوي حاول تساويه تشوف المكان البارز من القماش وتساويه او تغيرهن اذا نص عمر اذا فكيت الكليبر فيه ربلتين او جلبتين فوق وتحت فكهن ورش بخاخ صدا علي المسامير الي فكيت عنهن الربلات لما ينضفن من الصدا والرمل لانها تعيق عمل الفرامل بالشكل الصحيح

[اابو مياس]

ماعليش نسيت حاجه قبل تفك القماشات فيه كلبس يمسك القماش تاكد منه يمكن متحرك من مكانه وراجع للورا ويحك بالهوب ويطلع الصوت
الي يسمع صوت قربعه وطق حديد ببعضها عند المطبات يتاكد من الكلبس هذا يجي تحت القماش وللامانه حصلت معي وغيرت ربلات مساعدات والي يقول جلب عمود توازن وطلعت بالاخير من الكلبسات الي ذكرت

[ابو رامي الجو]

ان شاء الله شغلتك بسيطه هي احتمال اثنين من واحده والله واعلم يمكن مثال ماقالو لك الاخوان القماشات شيك عليها يمكن باخر عمر او ناشب فيها شي او الرمان يبي تشحيم وإذا تبي شحم شف الشحم الخاص لها وهو الحراري وفيه( درس للأخ أصيل الحجازي ابو عبدالرحمن الله يجزاها خير ووالديه ماهو بدرس بل دروس )والله يوفق الجميع لما يحب ويرضا

[هايلكس مدبله]

بيضان وجيه وماقصرتو ان شاء الله ع العصر بروح اشيك عليها وارد لكم