مشكلة في مكيف الموتر غيرت كل القطع والتبريد غير مرضي !

[PATHFINDER 4]

السلام عليكم
يا اخوان دفعت اللي وراي ودوني على هالمكيف
شريت كمبروسر اصلي وبلف اصلي وقارورة ورديتر مكيف ونظفت الثلاجة والليات والفريون اصلي امريكي
والنتيجة التبريد جيد في الليل لكن النهار غير مرضي خصوصا على المبالغ اللي دفعتها
مع ان الموتر نيسان ومعروف ان مكيفاتها ثلووج

وش الحل هل تركيب مروحة اضافية ثانية للمكيف مجدية ؟
او اعزل الليات او اي شئ يفيد تكفون افيدونا مشكورين

[برادو 99]

والله مدري وانا خوك يمكن الكمبروسر يبغاله تمرين

أرسلت من SM-N9005 الخاص بي باستخدام تاباتوك

[أبوشريدح]

والله غريبة
انت غيرت اشياء كثيرة
المفروض يكون التبريد عال العال
تاكد ان هواية المروحة مركبة تمام و تاكد من دفع المروحة وشيك على كلتش المروحة

جرب تشغل مروحة المكيف بدون تشغيل الكمبروسر شوف يطلع هواء حار
اذا يطلع هواء حار يعني في مشكلة بتوزيع الهواء يعني يدفع هواء حار وبارد في نفس الوقت

[ابو رامي الجو]

الهواء الي يطلع من المكيف هو قوي وإلا ضعيف بغض النظر حار وإلا بارد

[عبقري91]

معناته السياره فيها نقص تبريد في المكينه. اذا المكينه جاء باليل وبرد الجو. يبرد المكيف والعكس
كان عندي هوندا كورد. مشاء الله باليل خذ غرفة نوم بارده والنهار مايعبرد القلب تبريده. الا اذا ماسك خط
كل شي سويته. ماش. نفس المشكله
بالاخير. خلية المراوح مشبوكه بفاصل من عندي. ماتفصل اذا بديره خص بنهار وافصله اذا مسكة خط وباليل. وهي عاد من نفسها. بالخط وباليل. تشتغل مراوحها. لاكن اذا احتجت للمراوح بالفاصل اشغله. والحمدلله. براد. يحبه قلبك
انت راجع حرارة السياره. والمراوح وتبريدها للمكينه. الرديتر لايكون مسكر. من داخل او. الهوا مايدخل من برا للمكينه. طرمبة المويه. كل ماسخنة الكينه قل التبريد
مجرد. تجربه. اطرحها قد تستفيد ويستفيد البعض

[Gm.454]

ممكن تحتاج مراوح خارجيه لتبريد
ممكن تولف مراوح خارجيه من خلف الشبك

[اابو مياس]

ابد بالاهون عليك اغسل رديتر الماء من داخل ومن برا حتى يسمح بدخول الهواء اليه وتبريده وعب ماء اصلي والله يوفقك

[محب للخير]

اخي الحبيب تأكد من الاشياء التاليه:
1- ضغط الكمبروسور
2- تعبئة الفريون (الامريكي ولا غيره)
3-دائرة تبريد الاديتر وخاصة اديتر المكيف احتمال يكون الشبك مسكر
4- هل تم تنظيف المكيف فاحتمال اتساخ دائرة المكيف
5- اخيرا تأكد ان المكيف لايخلط هواء بارد مع هواء حار

[sulaiman.fj40]

من خبرة تجربه. افصل ليأت الدفايه وتلاحظ التبريد داخل السياره ممتاز.تجربة نيسان من موديل 89-97

[شمس الخليج]

اخي الكريم مثل ما اخبروك الاخوان وازيد عليهم ان رديتر المكيف معروف انه يكون حار وهو امام الرديتر الخاص لتبريد المكينه فلو مشيت انت بطريق سريع بتشوف فرق انه راح يبرد كثير واذا وقفت يحتر لان الفريون يحتاج تبريد بالرديتر تبع المكيف فلو ركبت مراوح سوباروا مثلا سرعتين راح تجي كميه هواء كافيه لتبريد مواصير الفريون وبالتالي يبرد المكيف اذا ماحصل تبريد لمواصير ورديتر المكيف مايعطيك نتيجه ترضاها انت
وتقبل تحياتي

[اسعيد بن عيد]

السلام عليكم
يا اخوان دفعت اللي وراي ودوني على هالمكيف
شريت كمبروسر اصلي وبلف اصلي وقارورة ورديتر مكيف ونظفت الثلاجة والليات والفريون اصلي امريكي
والنتيجة التبريد جيد في الليل لكن النهار غير مرضي خصوصا على المبالغ اللي دفعتها
مع ان الموتر نيسان ومعروف ان مكيفاتها ثلووج

وش الحل هل تركيب مروحة اضافية ثانية للمكيف مجدية ؟
او اعزل الليات او اي شئ يفيد تكفون افيدونا مشكورين

بسم اللة والحمد للة والصلاة على رسول اللة
السلام عليك: المس بيدك الماصورة الباردة الخارجة من الثلاجة اللي داخل
الكبوت عند المكينة اذا باردة ممتاز معنى ان دورة التكيف ممتازة
ماعليك الا تنظف الثلاجة من الخارج وكذلك فلتر الثلاجة تحت طبلونالراكب

2-طالع وافحص الترموستات يمكن على درجة عالية

والاخوان راح يفيدونك تحياتي

[PATHFINDER 4]

اشكر كل من رد على استفساري

جزاكم الله خير جميعا

ابركب مروحة تبريد اضافية لرديتر المكيف واذا مافاد الغينا ليات المكيف الحار
وباذن الله يرجع التبريد افضل

[PATHFINDER 4]

وللمعلومية انا مطبق اغلب المذكور في الردود
الكمبروسر اصلي والبلف اصلي وغيرت القارورة والرديتر وعبيت فريون اصلي
ونظفت الثلاجة اللي امام الراكب كانت مليانة اوصاخ وترسبات وورق شجر والموتر بدون فلتر مكيف
ودفع المراوح ممتاز وتأكدت من الثرموستات

[جني صغير]

أخوي معليش انت عقب ما فكيت الكمبروسر ما شفت سواد اذا شفته هذا إجباري تنظيف المواصير مع الرديتر المكيف قبل ما تركب الكمبروسر لان بعض الأحيان وصاخ خفيف يجيب العيد في التبريد

[sgl2002]

اذا حرارة الموتر مرتفعه عن العادة انسى يبرد

[زياد علي]

شيك على فلتر هواء المكيف +مواصير الفريون احتمال تكون مسدودة

[مطر وسم]

ضعف التبريد له اسباب كثيره

1- ضعف بساتم الكمبروسر مايدفع هوا بارد قوي
2- ارتخاء سير المكينه اذا كان مروحه ميكانيكيه
3- ارتفاع حرارة السياره بأي سبب
4- نقص فريون المكيف
5- ردائة غاز التبريد الفريون (تجاري) وهذا الغاز التجاري يدمر ويفسد الكمبروسر وجميع المواصير المتعلقه بالمكيف

هذا مالدي من معلومات خاصه واي واحد عنده معلومات اضافيه يسدحها لنستفيد جميعاً

تحياتي لكم