أبي سيارة ومحتار!!!!!!

[مغااادر]

أبي سيارة ومحتااااار



أنا رجال يوجعني ضهري ولا هب من كثر روحاتي للبر ومعي ددسن


وودي أشتري سيارة تريحني


واحترت بين خيارين

الخيار الأول
((إني أشتري لي فورد كراون فكتوريا وأخلي الدادسن معي لروحات البر النادرة))


أما الخيار الثاني
((فهو إني أبيع الددسن وأشتري لي شفرولية بليزر))


وش تنصحوني به

أفيدوني

[نهر الاحزان]

خذ لك قراندي مركيز بشرط ان تكون موديل فوق 98 احسن
والله يكتب اللي لك فيه خير

[المطرطع]

نصيحتي لا يقربك البليزر

خذ لك فورد قراند ماركيز مع الددسن افضل لك

[hoh]

اشترلك شاص احسن شي لمقومة اوجاع الظهر؟؟؟:confused:

[المطرطع]

اشترلك شاص احسن شي لمقومة اوجاع الظهر؟؟؟:confused:

يا اخوي hoh

الرجال موجعه ظهره من المطامر :D

وانت تبي تعور ظهره زياده :no2:

[حـاتـم]

والله انا انصحك اذا تبي جيب مريح وديره وخط

خذلك برادو بس 6 سلندر قير تماتيك اريحلك

ترى واجد يمدحونه فالخط نشيط وممتاز

وفالنفود ممتاز احسن من الاندكروزر

والله يوفقك فالزين

وشكرا

أخوك / حاتم

[راعي ساموده]

السلام عليكم ورحمة الله
اخوي التريل بليزر مجرب ويمدحونه واجد وسيارة كرف ومكده عكس الامريكي الثاني وسعر الدبل منه اللي يجي مرتبتين فقط ( لاتقرب الثلاث مراتب ) سعره جدا مناسب على المواصفات اللي فيه والبنسبه لمكينته جبار ولايمكن يلحقه جيب ثاني بس عيبه طامن مره وبعدين يختلف عن الياباني ان الحساسات اللي فيه واجد وكله على الفيوز وهذا عيب شرعي لسيا رات البر ( بس اذا انت خبير بالسياره تبي تصلحه بسرعه ) بالخط راااااااائع ومريح جدا تثبت السرعه على ميه وخمسين والار بي ام على ثلاثه ( الياباني( لاند ) ميه وخمسين الار بي ام على اربعه الا شوي )

[عريدان]

إقرأ وش كتب (حاتم) وترى رأيي مثل رأيه

[الرائد الأول]

راي انك تبيع الددسن وتشريلك باث فندر تراه ريح في الخط وممتاز في البر وريح بلحيل أنا مجربه لي معي اربع سنوات في المقانيص والمدينه
ماشاالله عليه مايحتاج
مع العلم ان مديل سيارتي 2002 ولا ابغا غيرها موتر

[مسير عليهم]

خيارك الاول افضل تدري ليه

لاسمح الله تعطلت سيارتك الفرد الله لايقولة ثم بلشت من يوديك ومن يجيبك صح
والددسن موجود يغطي أمورك

وبعدين فيه مشاوير مالها داعي تروح على الفرد شغل الددسن ورح

وانا مسوي كذا معي فرد ومعي جيب كسرة للبر والطلعات العادية

[بدوي متحضر]

والله ياأخوك البليزر 2005 معي ونصيحتي لك أنا ترا مني خسران شئ بس أنحش والله بلاويه وقلق صح انه قوي بس موتر يشرب بنزين شرب مو صاحي غير كذا فيه التنسيم من جميع النواحي ومشاكل كثيره الزيده ابعد عنه وانت بكيفك

[مروق]

السلام عليكم ..

نصيحه انك ماتبيع الدتسون .. وتخليها للبر والمشاوير الخفافيه ,,
وتشوفلك موتر حسب وضعك المادي يكون للمشاوير الهامه والخطوط الطويله
وكذا تكون كل مشاويرك جاهزه من ناحيه السيارة

وانا مسوي كذا .. هايلكس غمارة .. للمشاوير الخفيفه والاحمال الثقيله .. ولاند للرسميات وللخطوط والطلعات الثقيله
وصراحة ارتحت من ناحية التشييك على السيارة وسالفه هواء الكفرات والمغاسل
الميزة الحلوة انك تقدر تخلي بكل سيارة اغراضك وحاجتك على طول ..
وبالتوفيق

[مناديِ]

بالاول و الاخير حسب قناعتك

اذا ماعليك ضغوط مادية بيع الددسن .. وخذ بليزر

عندي 2006 شارية صارلي 7 شهور والله العظيم ما ارتحت بسواقة سيارة مثله

ولاشفت فيه اي عيب سوى انه نازل حبتين

خفيف وشكل حلو ومريح جدا ً على الخط وقوي بالطعوس .. ومن ناحية البنزين مايصرف كثير .. مثله مثل اي سيارة واقل

[الطير المهاجر]

صباح الخير

أنا جاي متاخر ويمكنك شريت وخلصت

لكن انصحك تشتري لبنكولن تون كار ( الفارويل والسيدان )

او يوكن اوسوبر دبل ويمكن الدورانقودوج يصلح لك بعد ميزات وسعر رخيص

اما الباقي ( كروزر وسفاري وشيروكي وغيرهم ماهو حقين واحد متعبه ظهره )

تحياتي للجميع

[حر اليدين]

السلام عليكم

الاخ مغادر اشتر من الجيوب الصغيرة الي فيها مميزات حلوة مثل برادو ولا باثفايندر ترااها مريحة وزودن على ذلك اذا بغيت تروح تمشى في البران تساعدك

تقبل تحياتي

[أبو عبدالكريم]

اذا انت مخطط على البليزر

فانحش

وخذ براي حــــــــاتم

واذا ماتبي برادو

خل الددسن للطلعات وللتحميل وغيره

وخذلك كروان فكتوريا يعني رايك الأول أحسن من رايك الثاني

الله ييسر أمرك