استفسار بين الفايروخ و الدينا ..

[صالح ابو لمار]

بسم الله الرحمن الرحيم

اخواني الكرام

السلام عليكم ورحمة الله وبركاته
حبيت اطرح عليكم موضوع ابي منكم الراي
وياليت الي ماعنده معلومه او ماجرب مايفتي حتى استفيد وغيري يستفيد

وماخاب من استشار

اولاً : الفايروخ ( 80 ) وسمعتها قويه
ثانياً : الدينا ( 35 ) وكذلك سمعه طيبه

السوال ايش عيوب ومميزات كل واحده منها

وايش يميز هذي عن الاخرا

المدى الحقيقي المجرب لهما غير المكتوب
مابي كلام ورق ابي واقع تجربه


وشكراً لك من ساهم في رايه

[يزيد ألبلوي]

انا في رايي الفايروخ يتفوق عن الديانا وخاصه فايروخ 80 وصدق من سماها ملكه السكاتين دقه + تصويب + قوه جامعتها الثلاثه وتحياتي لك

[صالح ابو لمار]

انا في رايي الفايروخ يتفوق عن الديانا وخاصه فايروخ 80 وصدق من سماها ملكه السكاتين دقه + تصويب + قوه جامعتها الثلاثه وتحياتي لك



بارك الله فيك اخوي
لكن عيبها الوزن

وهل ا35 الدينا تقوم بعمل الفايروخ

[AbdulAZiz M]

الديانا ما جربتها لكن الناس تمدحها وان شاء الله تلقى اللي يفيدك

فايروخ 80 عندي ما شاء الله عليها جوده فوق ما تتصور

يعيبها ثقلها كله من الحديد اللي في بطنها :)

[صالح ابو لمار]

صدقت وهذا الي مخليني اتردد بينهم

[يزيد ألبلوي]

بس والله تادي وتكد كد ماهو صاحي اذا محافظ عليها انت وبجرابها وتنظفها كل طلعه انا اضمن لك 15 سنه الفايروخ تقعد معك ويتوارثونها احفادك

[مناحي الزهيري]

ياعزيزي المفروض تقارن الفايروخ ٨٠ بالديانا ٣٥٠ هنا المقارنة عادلة
انا جربت الثنتين وحاليا عندي الديانا ٣٥٠ مقنوم ماشاء الله اتغدا منها واتعشى

[خالد الخطير]

مابينهن خيار ،، كلهن المانيات طيبات

اذا تتكلم عن الصناعة !!

لكن الميل للفايروخ بالذات 80

مداها بعيد وتكد و تعمر معاك سنين

[سفاري فتك]

حسب التجربه الفايروخ 80 افضل من ناحية الاستخدام والقوة والتحمل وقوة الاصابة وثبات النيشان وتوفر القطع

[صالح ابو لمار]

اشكر كل من افادني وبارك الله فيكم ..

[ابن كديميس]

تبغى القوه التفجيريه والسرعه ودقة الاصابه خذ الديانا 35.
الفايروخ 80الجديد اقل مستوى من القديم .
والسرعه بينهم متقاربه .
اما الديانا 350مافيه وجه مقارنه مع 80الفايروخ .