افضل جهاز قارمن للمدن والسفر ؟وباي مكان ينباع في جده ؟

[ابوفهد 911]

السلام عليكم

ابغى اعرف افضل جهاز قارمن بسعر مناسب للمدن والسفر ؟وباي مكان ينباع في جده ؟

لانه مركب في الجوال برنامج igo وغيره ماتنفع وماتوضح الطرق بشكل صحيح داخل جده

وفكرت اخذ قارمن افضل ابغى رايكم وانا احتاجه داخل جده والسفر للطايف او ابها ابغاه يوضحلي بشكل صحيح ..ووين ينباع؟

[sameer_1798]

وعليكم السلام ورحمة الله
اجهزة جارمن نوفي ممتازة وبالذات الاصدارات الاخيرة 2013
اجهزة نوفي 2013 بها اصدارين بشاشة 7 بوصه (http://www.mekshat.com/vb/showthread.php?t=556239)
تنباع عندكم في دار موجة بشارع فلسطين
وهذه موديلاته
https://buy.garmin.com/en-US/US/on-the-road/automotive/2013-line/cOnTheRoad-cAutomotive-c2013line-p1.html
والموجود عندنا : 42 , 52 , 2497, 2597 , 2797 , 3597
انا مجرب موديل 2797 وهذا تقريري عنه
http://www.mekshat.com/vb/showthread.php?t=583132&page=6

[ابوفهد 911]

جزاك الله خير على الافاده

لاكن هل جهاز الجارمن يختلف كثير عن البرامج الي تركب على الجوال ؟ من ناحية الخرايط والتوجيه بشكل صحيح؟

لانه زي ماذكرت في الموضوع عندي برنامج igo ولمن ابغى محل واضغط على قياده يوديني من طريق بعييد مع انه فيه طرق اقرب بكثير والخريطه ماتوضح كل الطرق ..اذا فيه جهاز يختلف عن البرامج الي تركب على الجوال وعربي وسعره تحت 500 ياليت تعطوني اسمه
وشكرا

[كلاش2500]

اخى ابوفهد مثل ماقالك المشرف سمير موقعهم شارع فلسطين مقابل سوق الامير للجوالات....لكن اعتقد ان مشكلتك بسيطة وهى من برنامج الاى قو تروح للاعدادات ثم تختار اعدادات المسار ثم اسلوب تخطيط المسار تجد خيارات منها سريع وسهل وقصير وأخضر ...اكيد وحدة منها تناسبك....