توضيب كرسيدا .. ارجوا الدخول

[سفاري 95]

السلام عليكم ورحمه الله

كرسيدا 95 المكينه تنقص زيت ولمن افك غطاء المكينه والسياره شغاله ترش زيت
اعتقد يبيلها توضيب وانا ناوي ان شاء الله امشيها لين تحب الارض .. السؤال هنا

هل تسقيط شنبر يفي بالغرض وكم ممكن يمشيني ؟

او اني اوضبها ؟؟ او اخذ مكينه مستعمله ؟؟

لاهنتم شوروا علي لاعدمناكم

[مطر وسم]

اشير عليك بالتوضيب بس اهم شي جب لهم بيدك قطع الغيار وتوكل على الله وانحش عن المكينه المستعمله لأن اكثرهم يوضبونها بقطع غيار مو اصليه

ان شاء الله اني افدتك ولا يقصرون بقية الاخوان


تحياتي لك

[عميد آسيا]

لا تستعجل

احتمال كبير العلة تكون من بلف التبخير مسدود
نظفه أو غيره كبداية و لا تستعجل و إن شاء الله يفيدونك الأخوان

[ابوشاهه]

:good2:زي ما قال اخونا عميد آسيا .. تأكد من بلف التبخير .. وسبق اني قرأت في دروس لاخونا المهندس اصيل حجازي طريقه لمعرفه تسكير بلف التبخير وهي ان تركب بالون على فتحه معيار الزيت والسياره شغالة وفي حالة انتفاخها يعني ذلك ان البلف متسكر وبامكانك ترجع لدروس الاخ اصيل .. [/SIZE]
لا تستعجل

احتمال كبير العلة تكون من بلف التبخير مسدود
نظفه أو غيره كبداية و لا تستعجل و إن شاء الله يفيدونك الأخوان

[الوقيدي]

السلام عليكم : اذا كانت الماكينه تنقص زيت كثير فالتوضيب أضمن من شراء ماكينه تشليح لايعرف مدى سلامتها وجودتها . والتوضيب المثالي يتم بخرط السرندل والعمود وتركيب قطع اصلي كامله من شنابر وسبائك ثابت ومتحرك وبساتم وطرمبه زيت وجنزير وشداد مع مجاري الشداد ودزق وكلتش وفحمه اصلي رقم 1ووبلف هواء ونار مع القايدات مع طقم وجيه وسيور وبواجي وغراء اصلي .تأكد فقط من سلامه السدر وطرمبه الماء والبنزين. وللعلم لن تجد ماكينه 22r جديده لان اخر موديل لهذه الماكينه نزل على هايلوكس 1997.اذا كانت الكلفه قريبه فأشتر نصف ماكينه اصلي جديد وركب عليه الرأس بعد الصنفره وتركيب البلوف والقايدات وطرمبه الزيت والكرتير واكمال القطع الخارجيه .

[حمزةعبدالمطلب]

اخوي الغالي
كلها ٢٢ار ترش الزيت اذا فتحت الغطاء
اولا تاكد جيدا لايكون فيه تهريب من الاتي
صوفة الكرنك الاماميه والخلفية
الكرتير +غطاء البلوف
صوفة الصدر

[سفاري 95]

الف شكر للجميع

اولا بلف التبخير للامانه ماشيكت عليه وان شاء الله اشيك عليه اليوم

ثاني شي السياره تطلع من ورا دخان ازرق مع المشي الجاير شوي

فعشان كذا قلت اكيد السياره يبيلها توضيب او انه فيه خلل بالسياره
ملاحظه ( السياره تحتاج وزن بلوف وشد جنزيزلان اول ما ادق سلف اسمع لقلقه بالمكينه ثواني وتختفي ...