قولٍ درج مابين أول وتالي...................الحل:نارالزحفتين....حله:ba dr2003

[ابو ماجد 2]

بسم الله الرحمن الرحيم

السلام عليكم ورحمة الله وبركاته

يالربع العذر منكم هالايام يمكن مع الكبر الرجل شوي ماتساعد على اطالة الجلسه عند النت



ياقايلٍ رجلك مع السير عوقه =قلت السبب مادوجت بالخمالي
كلفتها فوق اللي تقواه فوقه=كلفتها مالا تطيق احتمالي
كلفتها صوب العلالي اسوقه =يم لابةٍ مسكانهم بالعلالي
يم لابةٍ دايم بروقه صدوقه=اليارعدت نوّه من الجزل سالي
يم لابةٍ دسم المعاني عشوقه=تطرح جزيل الغطو تذبح جزالي
في قمةٍ عن كل قمه فروقه=اقرب منافس قال ياهملالي
اقرب منافس لو عيونه رموقه=لو ماوضع يده يطيح العقالي
لغزي بعيده ياجماعه عموقه=عن قالةٍ بين العرب له مجالي
بنتٍ بها العربان صارت نطوقه=قولٍ درج مابين أول وتالي
زحفه وزحفه والضدايد طروقه=الياغدت ياصاح بين الرجالي


مع تحيات ابو ماجد

منتديات مكشات 0 خيمة الالغاز

[همس النسيم]

وعليكم السلام ورحمة الله وبركاته
صح لسانك يابو ماجد
على هاللغز الجزل الجميل
نفتتح الرمع وكانها بعيدة بس محاوله
ماتكون البندق

[ابو ماجد 2]

وعليكم السلام ورحمة الله وبركاته
صح لسانك يابو ماجد
على هاللغز الجزل الجميل
نفتتح الرمع وكانها بعيدة بس محاوله
ماتكون البندق

صح بدنك اختي الكريمه
والجزاله انتم اهلها
شرفتينا
والرمعه مالك لوى
انتظر مرماعك القادم

[قوافي ( أم نهار )]

عليكم السلام ورحمة الله وبركاته

صح لسانك ابو ماجد وماتشوف شر

رمعه وهي شمين مثل كل مره :

قول(اللي ماله أول ماله تالي)

تحياتي وتقديري واحترامي

[ابو ماجد 2]

عليكم السلام ورحمة الله وبركاته


صح لسانك ابو ماجد وماتشوف شر


رمعه وهي شمين مثل كل مره :


قول(اللي ماله أول ماله تالي)


تحياتي وتقديري واحترامي


هلا بمشرفتنا العزيزه
صح بدنك
وما تشوفين الشر
والمسأله قبل كم يوم احسب نفسي شباب ونزلت اغراض من السياره ولم اقف الوقفة الصحيحه فحسيت بأسفل الركبه يمين القدم وكأنها طقه حسيت بألم يسير ولم يطول
ولكن بدا احيانا يرجع وبالذات عند اطالة الجلوس والحمدلله مادمت استطيع المشي فأنا بخير
شرفتينا والرمعه مالك لوى
انتظر مرماعك القادم

[ابوذيبان]

الله اكبر .

[ابوذيبان]

يامرحبا ياللي تلاعج بروقه=ياماطرٍ وبله قراحٍ زلالي
يامرحبا يا غيث وابل حقوقه=غطى السهل غطى خشوم الجبالي
ارحب تراحيب المطر ياشروقه=اشرق وحنا .فارشين الزوالي
يامفتقٍ صدر المعاني بذوقه=ويطلّع بذورٍ في صدر كل سالي
سلامتك .والفن تسقي عروقه=ياراقيٍ ماهاب سودٍ طوالي
رجلك على القمة جزومة سبوقة=يم المعالي سقتها ما تبالي
اليا اخفتت رجلٍ غشيمة ذروقة=رجلك تكابد حرها والصوالي
واليا انهكت نفسٍ سليطة سروقة=تجي له الافكار مرٍ وحالي
وان فلس الغادي . بكلمة تشوقه=قدح الفكر يقعد .كثيرالهبالي
وان صاح اللي قد تعثر بسوقه=تاتي البضايع من جنوب وشمالي
لاباس ياعين المخاوي وموقه=طهور من ربٍ عزيز الجلالي

[وصال الحسن]

الله الله صح لسانك ابو ذيبان ويستاهل الفارس
وسلامتك ابو ماجد ماتشووف شر ويعطيك ربي طوله العمروالعافية
وصح لسانك على الابيات واللغز

[قوافي ( أم نهار )]

ماشاء الله لا قوة إلا بالله

صح لسانك ابو ذيبان

ابيات تبهر كلؤلؤ الخليج عاليه بكل حرف من حروفها..

..............

محاوله ثانيه والله يحفظك يابو ماجد وكل مسلم:

شهامه ، ضيافه ، كريمه

شهم مضياف كريم

[عليق بري]

صح لسانك يا بو ماجد .. وما تشوف شر ..

ما شاء الله عليك .. دائم جزل وغزير المعاني ..
حتى القافية نسبة وتناسب مع الحالة الصحية :)


محاولتنا : حذام .. اذا قالت حذام فصدقوها ...

[عساف الضاري]

وعليك السلام ورحمة الله وبركاته
صح لسانك يابوماجد
واسعد الله صباحك بكل خير
وجهك ابيض ورايتك بيضا يازعيم
ماترى باس يالغالي طهور والله يجمع لك بين الاجر والمعافاة يازعيم يقولون الناس تكفير ذنوب ولك يافارس اقول تكفير تسحيب ويالغالي الركبه تحتاج مرخ خفيف كر وفر بزيت زيتون( يفضل تقرى عليه) مدفى مع ملح وشوي فلفل اسود وحاول تفرك رجلك بالارض على خفيف( حركت تطفات الزقاير اعزكم الله ) بعد المرخ وتنطلق العقده ان شاء الله


ماشاء الله عليك مبدع حتى مع الالم
وماترى باس يالغالي ياعودالالغاز
الله لا يحرمنا منك ومن جديدك يابعدي
احترامي وتقديري لك

[ابو ماجد 2]

الله اكبر .

الله اكبر
من شفت هالتكبيره عرفت انك ناوي تسحرنا بعذبك

[ابو ماجد 2]

يامرحبا ياللي تلاعج بروقه=ياماطرٍ وبله قراحٍ زلالي


يامرحبا يا غيث وابل حقوقه=غطى السهل غطى خشوم الجبالي
ارحب تراحيب المطر ياشروقه=اشرق وحنا .فارشين الزوالي
يامفتقٍ صدر المعاني بذوقه=ويطلّع بذورٍ في صدر كل سالي
سلامتك .والفن تسقي عروقه=ياراقيٍ ماهاب سودٍ طوالي
رجلك على القمة جزومة سبوقة=يم المعالي سقتها ما تبالي
اليا اخفتت رجلٍ غشيمة ذروقة=رجلك تكابد حرها والصوالي
واليا انهكت نفسٍ سليطة سروقة=تجي له الافكار مرٍ وحالي
وان فلس الغادي . بكلمة تشوقه=قدح الفكر يقعد .كثيرالهبالي
وان صاح اللي قد تعثر بسوقه=تاتي البضايع من جنوب وشمالي
لاباس ياعين المخاوي وموقه=طهور من ربٍ عزيز الجلالي

يامنهل الابداع
قليل اتمنى ان اكون شاعر لكن معك اتمنى اني على طول شاعر
على الاقل اقدر اجاريك بشي يواجه


ياقايلٍ كلٍ مدح كار سوقه=انا اللي لي في كل سوقٍ مجالي
من ذا ومن هذا ومن ذاك اذوقه= لكن هنا عذبٍ فراتٍ زلالي
عندي على قولي شواهد صدوقه=هذا ابو ذيبان اطلق مثالي
ان كان في ارض الاصاله عروقه=راسه تشامخ فوق فوق العلالي
ماعيِّبِه الا عذوبة طروقه= تسكرك عن رمعه وسكره حلالي
وعندي شواهد للمرامع وثوقه=مقابرٍ فيها الجنايز تتالي
دكتور ومبهر للغطاوي حروقه=وكلٍ يدش الصعب لا مايبالي
هذي نماذج للبراعه اسوقه=ماينكره فذٍ حكم بالعدالي
والفضل للي غاب عنا شروقه=اقصد بها الغايب فهدنا الهلالي
اسس على القوه مباني شهوقه=من شانها ارخص ثمينٍ وغالي

[ابو ماجد 2]

الله الله صح لسانك ابو ذيبان ويستاهل الفارس
وسلامتك ابو ماجد ماتشووف شر ويعطيك ربي طوله العمروالعافية
وصح لسانك على الابيات واللغز

هلا اختنا الكريمه
صح بدنك
وسلامتك من الشر
شرفنا تواجدك وكلماتك الطيبه

[ابو ماجد 2]

ماشاء الله لا قوة إلا بالله


صح لسانك ابو ذيبان


ابيات تبهر كلؤلؤ الخليج عاليه بكل حرف من حروفها..


..............


محاوله ثانيه والله يحفظك يابو ماجد وكل مسلم:


شهامه ، ضيافه ، كريمه


شهم مضياف كريم


هلا بمشرفتنا العزيزه
صباح الخير
حفظك الله عن كل سوء
لايزال لغزنا طليق

[ابو ماجد 2]

صح لسانك يا بو ماجد .. وما تشوف شر ..

ما شاء الله عليك .. دائم جزل وغزير المعاني ..
حتى القافية نسبة وتناسب مع الحالة الصحية :)


محاولتنا : حذام .. اذا قالت حذام فصدقوها ...

صح بدنك يالغالي
وصبحك الله بالخير
الجزاله انتم اهلها
اما الحاله الصحيه لايوجد مايقلق لله الحمد عارض بسيط واستغليتها كمدخل للغز
مالك لوى يالغلا
انتظر مرماعك القادم

[ابو ماجد 2]

وعليك السلام ورحمة الله وبركاته

صح لسانك يابوماجد
واسعد الله صباحك بكل خير
وجهك ابيض ورايتك بيضا يازعيم
ماترى باس يالغالي طهور والله يجمع لك بين الاجر والمعافاة يازعيم يقولون الناس تكفير ذنوب ولك يافارس اقول تكفير تسحيب ويالغالي الركبه تحتاج مرخ خفيف كر وفر بزيت زيتون( يفضل تقرى عليه) مدفى مع ملح وشوي فلفل اسود وحاول تفرك رجلك بالارض على خفيف( حركت تطفات الزقاير اعزكم الله ) بعد المرخ وتنطلق العقده ان شاء الله


ماشاء الله عليك مبدع حتى مع الالم
وماترى باس يالغالي ياعودالالغاز
الله لا يحرمنا منك ومن جديدك يابعدي

احترامي وتقديري لك


هلا بالقديم المتجدد
صح بدنك وصبحك الله بالخير
وجزاك الله خير الجزاء
الابداع انتم اهله
شكرا للوصفه
ابشرك الحمدلله الوضع طيب لله الحمد
وقرب اذنك ام ماجد الله يجزاه خير حطت فكس ولفتها والحمدلله نمت نومه حلوه يوم قمت لصلاة الفجر ماقدرت امشي اثر اللفافة قرنت الرجلين مع بعض واخيك شويب كل شي يعوقه

[عساف الضاري]

الحمد لله على سلامتكم اول وتالي
وسلامه دايمه يازعيم وما شاء الله تبارك الله عليك مافيه شي يعوقك
اختبار شوف يالغالي واللفافه اكيد انه كر نخل تذكرت الشيخ الله يذكره بالخير عقب سالفة الفكس :)
ومن شق ستر الناس شقوا ستاره ** ومن ضحك بالثرمان يضحك بلا سن:D
الله لا يحرمنا منكم
احترامي وتقديري لك

[ابو ماجد 2]

الحمد لله على سلامتكم اول وتالي

وسلامه دايمه يازعيم وما شاء الله تبارك الله عليك مافيه شي يعوقك
اختبار شوف يالغالي واللفافه اكيد انه كر نخل تذكرت الشيخ الله يذكره بالخير عقب سالفة الفكس :)
ومن شق ستر الناس شقوا ستاره ** ومن ضحك بالثرمان يضحك بلا سن:D
الله لا يحرمنا منكم

احترامي وتقديري لك



الله يسلمك من الشر
اي كر نخل حنا شيبان التكاكه تعوقلنا
ههههههههههههههههههههه

[ذيب الفقارة]

صباح الخير أخي الغالي

أبو ماجد

سلامات يا الغالي وما تشوف شر

والحمد لله أشوفك جالس للالغاز على ركبة ونص

ما شاء الله عليك

تحياتي

[ابو ماجد 2]

صباح الخير أخي الغالي



أبو ماجد


سلامات يا الغالي وما تشوف شر


والحمد لله أشوفك جالس للالغاز على ركبة ونص


ما شاء الله عليك



تحياتي


هلا بمختارنا
صباح النور
الله يسلمك ماهنا الا العافيه دلع شيبان
والالغاز نجيكم فيها حتى ولو حبي الله لايخلينا من هاللمة المباركه
شرفتنا يابو عدنان

[النبهاني]

وعليكم السلام ورحمة الله وبركاته
صح السانك يازعيم
الله يسعد ايامك ويعطيك العافيه وماتشوف شر
ماشاء الله جمل يرتكي للحمول الثقيله يعقلونك بكر قل الحمدلله
نوب يعقلونن بسير مكينة بلاكستون ونوب بخيط مكره بالي
ما علينا اطربتونا بهالمزيون انت وابوذيبان وذبحتونا بالعسل والدبس لاهنتم
تقول بعيده عموقه واقول خوفوني وانا ما اخاف .هذا من اول اما هالحين رفيقك ماش وهذي رمعه لجل كلمةماش
دقه
ويقولون دقه بدقه وان زدنا زاد السقا . و صاحب الدقه يستلقه
واسف على الاطاله طال عمرك

[ابوذيبان]

يامنهل الابداع
قليل اتمنى ان اكون شاعر لكن معك اتمنى اني على طول شاعر
على الاقل اقدر اجاريك بشي يواجه


ياقايلٍ كلٍ مدح كار سوقه=انا اللي لي في كل سوقٍ مجالي
من ذا ومن هذا ومن ذاك اذوقه= لكن هنا عذبٍ فراتٍ زلالي
عندي على قولي شواهد صدوقه=هذا ابو ذيبان اطلق مثالي
ان كان في ارض الاصاله عروقه=راسه تشامخ فوق فوق العلالي
ماعيِّبِه الا عذوبة طروقه= تسكرك عن رمعه وسكره حلالي
وعندي شواهد للمرامع وثوقه=مقابرٍ فيها الجنايز تتالي
دكتور ومبهر للغطاوي حروقه=وكلٍ يدش الصعب لا مايبالي
هذي نماذج للبراعه اسوقه=ماينكره فذٍ حكم بالعدالي
والفضل للي غاب عنا شروقه=اقصد بها الغايب فهدنا الهلالي
اسس على القوه مباني شهوقه=من شانها ارخص ثمينٍ وغالي




الله الله الله الله الله الله

صح السانك يالشيخ . ملايييين بل بلايييييين

اذا زأر الاسد . . . اما لوجع ازعجه . او للتحذير او لمجرد الاطراب

وهنا وجدت جميع الحالات ... تبارك الله

الله يرفع قدرك في الدارين . يالزعيم

وماتشوف شر يالغالي . ولاباس طهور ان شاء الله

وصح السانك من هنا الى ماله نهاية

وافي ولا قصرت جعل عمرك طويل

محبتي ودعائي

0

[ابوذيبان]

الفاضلة . وصال الحسن

الفاضلة . قوافي

الغالي . النبهاني

الله لايهينكم ويرفع قدركم .وصحت ابدانكم

ــــ

رمعة ياعم

اختلط الحابل بالنابل

0

[badr2003]

صح لسانك يابو ماجد وصح لسانك يابو ذيبان ,,, ماشاء الله نظم جميل الله لايضركم



وسلامتك يابو ماجد ,,طهور ان شاء الله

[عطري]

و عليكم السلام و رحمة الله و بركاته

صح لسانك ملايين أبا ماجد ، و طهور بإذن الله.

و خلك من الفكس تراه تقليد عليك بالفقس هو الأصلي !!!

أظن أن هناك التهاباً أصاب الركبة و ما حولها ، استشر الطبيب

أسأل الله لك العافية.

و صح لسانك ملايين يا أبا ذيبان ، هيضت الزعيم و ما قصر.

أمتعتمونا ، متعكم الله بالصحة و العافية.

و الرمعة لا يوجد ألم تقل :

ماعيِّبِه الا عذوبة طروقهhttp://www.mekshat.com/vb/clear.gif http://www.mekshat.com/vb/clear.gifتسكرك عن رمعه وسكره حلالي

الله الله ...........!!!!

[badr2003]

محاولة مضلعة يابو ماجد

يقال ان فية نار يسمونها نار الزحفتين او شبة الزحفتين وهي اللي يشبونها من نبات العرفج وتولع بسرعة ويزحفون عنها لقوة ناره وتنطفي بسرعة

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

ولله درك على النظم

وألف لابأس عليك

والله الله بالعلاج اللي وصفه لك أخونا عساف:good2:

وصح لسانك ياأبوذيبان

ماشاءالله لاقوة إلا بالله

وسجلني مع الغالي بدر

وكفو يابدر

دمتم بخير

[همس النسيم]

ماشاء الله ماشاء الله
الله يعطيكم العافية
وصحت ألسنتكم
ولا عدمناكم من مبدعين للقاف
أمتعتونا وأشبعتو الذائقة
لله دركم يالنشاما

[نجم القوافي]

مساء الخير يالغالي علينا جميع

أبو ماجد

سلامات وما تشوف شر

مؤيد لرمعه المبهر

[ابو ماجد 2]

وعليكم السلام ورحمة الله وبركاته

صح السانك يازعيم
الله يسعد ايامك ويعطيك العافيه وماتشوف شر
ماشاء الله جمل يرتكي للحمول الثقيله يعقلونك بكر قل الحمدلله
نوب يعقلونن بسير مكينة بلاكستون ونوب بخيط مكره بالي
ما علينا اطربتونا بهالمزيون انت وابوذيبان وذبحتونا بالعسل والدبس لاهنتم
تقول بعيده عموقه واقول خوفوني وانا ما اخاف .هذا من اول اما هالحين رفيقك ماش وهذي رمعه لجل كلمةماش
دقه
ويقولون دقه بدقه وان زدنا زاد السقا . و صاحب الدقه يستلقه

واسف على الاطاله طال عمرك


ياهلا ومليون هلا
سلمت من الشر
والعسل تواجدك يالغالي
بعيده عموقه ولكن انتم من يسبر الاعماق
الرمعه مالك لوى يالغالي

[ابو ماجد 2]

الله الله الله الله الله الله

صح السانك يالشيخ . ملايييين بل بلايييييين

اذا زأر الاسد . . . اما لوجع ازعجه . او للتحذير او لمجرد الاطراب

وهنا وجدت جميع الحالات ... تبارك الله

الله يرفع قدرك في الدارين . يالزعيم

وماتشوف شر يالغالي . ولاباس طهور ان شاء الله

وصح السانك من هنا الى ماله نهاية

وافي ولا قصرت جعل عمرك طويل

محبتي ودعائي

0

الله يرفع قدرك بالدارين
بس الهيل يقول الاسد اذا كبر يبدا ياكل عشب ويترك الطرائد
صح بدنك وانتم اهل الوفاء

[ابو ماجد 2]

الفاضلة . وصال الحسن

الفاضلة . قوافي

الغالي . النبهاني

الله لايهينكم ويرفع قدركم .وصحت ابدانكم

ــــ

رمعة ياعم

اختلط الحابل بالنابل

0

هلا بمنهل الابداع
لايزال طليق يالغالي

[ابو ماجد 2]

صح لسانك يابو ماجد وصح لسانك يابو ذيبان ,,, ماشاء الله نظم جميل الله لايضركم



وسلامتك يابو ماجد ,,طهور ان شاء الله


هلا بالمبهر
صح بدنك وسلمت من الشر
والجمال يتجلى بوجودكم

[ابو ماجد 2]

و عليكم السلام و رحمة الله و بركاته


صح لسانك ملايين أبا ماجد ، و طهور بإذن الله.


و خلك من الفكس تراه تقليد عليك بالفقس هو الأصلي !!!


أظن أن هناك التهاباً أصاب الركبة و ما حولها ، استشر الطبيب


أسأل الله لك العافية.


و صح لسانك ملايين يا أبا ذيبان ، هيضت الزعيم و ما قصر.


أمتعتمونا ، متعكم الله بالصحة و العافية.


و الرمعة لا يوجد ألم تقل :


ماعيِّبِه الا عذوبة طروقهhttp://www.mekshat.com/vb/clear.gif http://www.mekshat.com/vb/clear.gifتسكرك عن رمعه وسكره حلالي


الله الله ...........!!!!


ياهلا بعطرنا الفواح
صح بدنك
والمتعه تطيب معكم
شرفتنا ودائما مشرفنا
وهالبيت قلته على الغاز ابو ذيبان الله يزيده
ماعيِّبِه الا عذوبة طروقهhttp://www.mekshat.com/vb/clear.gif http://www.mekshat.com/vb/clear.gifتسكرك عن رمعه وسكره حلالي

[ابو ماجد 2]

محاولة مضلعة يابو ماجد


يقال ان فية نار يسمونها نار الزحفتين او شبة الزحفتين وهي اللي يشبونها من نبات العرفج وتولع بسرعة ويزحفون عنها لقوة ناره وتنطفي بسرعة


مبهر مبهر مبهر مبهر مبهر مبهر
ولو كنت عندك لمطخت جبينك مطخة اعجاب
كفووووووووووووووووووووو كفوووووووووووووووووووووووو كفووووووو
نعم
نار الزحفتين
نار الزحفتين كما يطلق عليها الأولين .. هي النار التي توقد من أغصان نبات العرفج اليابسة ، حيث يتميز هذا النبات بسرعة الأشتعال وشدة حرارة النار . لذا سميت النار التي يوقد بها من هذا النبات بنار الزحفتين ... والسبب لإنه عندما تشتعل النار الله ينجينا وإياكم منها يبتعد عنها موقدها لشدة حرارتها ثم يعود اليها بعد أن تخمد سريعاً على قولتهم توج ثم تطفأ بسرعة فهو يزحف عن النار لشدة حرارتها ثم يزحف راجعاً اليها ليتدفأ بباقي جمرها
ومما سبق يتبين ان الزحفتين ضدايد تراجع واقدام
وهذه المقوله قديمه وفي لسان العرب
ونار الزحفتين نار العرفج، وذلك أنها سريعة الأخذ فيه لأنه ضرام، فإذا التهبت
زحف عنها مصطلوها أخرا ثم لا تلبث أن تخبو فيزحفون إليها راجعين
والحمدلله ان هاللغز وفيه مافيه من الفخر بمنتدانا ومن استشهدت بهم تجلوا هنا
فهذه مجاراة ابو ذيبان وما فيها من عذوبه
وهذا المبهر انهاه
وهذا الدكتور ايده

[ابو ماجد 2]

وعليكم السلام ورحمة الله وبركاته


سلمت يالغالي


وصح لسانك


ولله درك على النظم


وألف لابأس عليك


والله الله بالعلاج اللي وصفه لك أخونا عساف:good2:


وصح لسانك ياأبوذيبان


ماشاءالله لاقوة إلا بالله


وسجلني مع الغالي بدر


وكفو يابدر


دمتم بخير


ياهلا بدكتورنا
الباس مايجيك يالغالي
شفتنا
وتاييد موفق
لله درك انت والمبهر

[ابو ماجد 2]

ماشاء الله ماشاء الله
الله يعطيكم العافية
وصحت ألسنتكم
ولا عدمناكم من مبدعين للقاف
أمتعتونا وأشبعتو الذائقة
لله دركم يالنشاما

هلا بك وصح بدنك
والامتاع بتواصلكم لاعدمناكم

[ابو ماجد 2]

مساء الخير يالغالي علينا جميع



أبو ماجد


سلامات وما تشوف شر


مؤيد لرمعه المبهر






ياهلا بنجمنا المحبوب
صح بدنك
سلمت والشر مايجيك
تاييد موفق
لله درك انت والمبهر والدكتور

[ذيب الفقارة]

كفوووووووووو كفووووووووووو كفووووووووووو

أخي الغالي المبهر

بدر 2003

الحل هو كما ذكرت :

نار الزحفتين

وصح لسانك ملايين فارسنا

أبو ماجد

تحياتي

[ابو ماجد 2]

كفوووووووووو كفووووووووووو كفووووووووووو


أخي الغالي المبهر


بدر 2003


الحل هو كما ذكرت :


نار الزحفتين


وصح لسانك ملايين فارسنا


أبو ماجد



تحياتي


صح بدنك مختانا
شرفنا تواجدك
تحيتي لك وتقديري

[badr2003]

مبهر مبهر مبهر مبهر مبهر مبهر
ولو كنت عندك لمطخت جبينك مطخة اعجاب
كفووووووووووووووووووووو كفوووووووووووووووووووووووو كفووووووو
نعم
نار الزحفتين
نار الزحفتين كما يطلق عليها الأولين .. هي النار التي توقد من أغصان نبات العرفج اليابسة ، حيث يتميز هذا النبات بسرعة الأشتعال وشدة حرارة النار . لذا سميت النار التي يوقد بها من هذا النبات بنار الزحفتين ... والسبب لإنه عندما تشتعل النار الله ينجينا وإياكم منها يبتعد عنها موقدها لشدة حرارتها ثم يعود اليها بعد أن تخمد سريعاً على قولتهم توج ثم تطفأ بسرعة فهو يزحف عن النار لشدة حرارتها ثم يزحف راجعاً اليها ليتدفأ بباقي جمرها
ومما سبق يتبين ان الزحفتين ضدايد تراجع واقدام
وهذه المقوله قديمه وفي لسان العرب
ونار الزحفتين نار العرفج، وذلك أنها سريعة الأخذ فيه لأنه ضرام، فإذا التهبت
زحف عنها مصطلوها أخرا ثم لا تلبث أن تخبو فيزحفون إليها راجعين
والحمدلله ان هاللغز وفيه مافيه من الفخر بمنتدانا ومن استشهدت بهم تجلوا هنا
فهذه مجاراة ابو ذيبان وما فيها من عذوبه
وهذا المبهر انهاه
وهذا الدكتور ايده




كفوك الطيب والله يرفع قدرك انت من يستحق الاعجاب والاشادة ,,,تحياتي لك وللإخوان المؤيدين وكل من مر هنا ,,,,دمتم في حفظ الرحمن

[ابو ماجد 2]

كفوك الطيب والله يرفع قدرك انت من يستحق الاعجاب والاشادة ,,,تحياتي لك وللإخوان المؤيدين وكل من مر هنا ,,,,دمتم في حفظ الرحمن



رفع الله قدرك بالدارين
وانتم يامن تحلون الالغاز مثلك ومثل الدكتور تساهمون بالتفاعل بشكل كبير فبضلكم بعد الله تتجدد الالغاز وكل يوم نتعايش مع اكثر من لغز جديد الله لايخلينا منكم