تكفون فزعتكم باترول والحرارة

[wale_ali20]

بسم الله الرحمن الرحيم
اخواني الكرام
السلام عليكم ورحمة الله وبركاته

اشتريت بترول سوبر سفاري موديل 98 قير اتوماتيك من قرابة 6 شهور طبعاً بعد فترة غيرت المكينة بعد تخبيط الاولى وغيرت الراديتر وراديتر المكيف والكمبريسور وفلاتر المكيف والمراوحة الاضافية والمراوحة وتامتيك المراوحة غيرت له مويه راديتر اصلية و بلف جديد وكالة وغطى راديتر وكالة لكن ما زالت مشكلة ارتفاع الحرارة ، طبعاً الراديتر سعودي لم احصل على الوكالة بالأسواق الارتفاع في بعض الاحيان يصل النصف .
بعدها نصحني احد الاخوة من مالكي البترول بتركيب مراوحة بدل الاضافية الخاصة بالبترول مراوحة سيارات مرسيدس الالمانية ، طبعاً ركبتها واصبحت الحرارة ممتازة بالوضع الطبيعي للنيسان بترول .
الان اقول المراوحة ليست حل فهل لكم تجارب ننتفع بها

[sulaiman.fj40]

اذا كان الاديتر نحاس فالحراره سترتفع لامحاله/ مكينة الباترول حساسه جدا وعند ارتفاع الحراره اعلى من النصف قد ينشعر راس المكينه وتدخل في خسائر/ انصحك بتبديل الاديتر الى المنيوم اما اردني او صيني 3 رصات ولا تحتاج مراوح تبريدز وفقك الله

[wale_ali20]

الردايتور ألمنيوم سعودي من مصنع السلامة

[المنيعي1]

الباترول ال. 98
يجي مروحتين اضافية قدام الرديتر اذا خربت وحده ارتفعت الحرارة عند الوقوف والمكيف شغال

[wale_ali20]

خربت وحده وغيرتها بترهيم مروحة مرسيدس ألماني

[sgl2002]

طيب بعد مابدلت المروحه الاماميه اللي ورا الشبك

انتهت الحراره



لان المراوح اللي ورا الشبك لو خربت على طول تقب الحراره

[wale_ali20]

نعم أصبحت الحرارة طبيعية لذلك انا متخوف لقدر الله تعطلت تكون المشكلة

[مير خان]

اخوي كم رصه الاديتر اللي مركب

[wale_ali20]

عدد الرصات ٢

[wale_ali20]

شكرًا ابو البر على رقم الميكانيكي لكن ما. ينفعني لان بيني وبينه ٩٥٠ ك أنا ابحث عن حل بمنطقتي بحيث نجرب حل يحل هالمشكلة لي والغيري

[sgl2002]

يالحبيب موترك مافيه شي والوكاله حاطه المراوح اللي ورا الشبك عشان الحراره ماترتفع


انا مره جربت فصلت المراوح اللي ورا الشبك وشغلت المكيف ووقفت ربع ساعه الا والحراره نص


لذلك حرارة موترك مافيها شي والمروحه عمرها طويل ماتتعطل بالسرعه هذي

[wale_ali20]

جميل لكن مع مروحة الوكالة الحرارة ترتفع وتصل في بعض الأحيان النصف
اما بعد تركيب مروحة المرسيدس تصبح طبيعي
هنا التسائل هل الوضع طبيعي

[sgl2002]

طيب اخوي انت ركبت مروحه مرسيدس وحده ؟

وياليت تعلمني وين ركبتها لاني ابغا اركبها افضل من الوكاله

[wale_ali20]

مكان مروحة الوكالة خلف الشبك امام الرديتور

[abarre3an]

قبل اي شيء... وصول الحرارة للنص بشكل يومي لأكثر من ربع ساعة معناته بعد كم شهر تطق المكينة او يخرب الرأس...ضروري الفحص...النيسان حرارته على الربع او الثلث بالكثير...
تشخيص ارتفاع حرارة البترول سهل جدا" جدا" جدا"...
1. نظرة عامة,
2. الاديتر مااضمن الا الوكالة او شبيه له اصلي واصلي فقط
3. الخراطيش واغطية القربة والاديتر والطرمبة والبلف.
4. ماء تويوتا هو الافضل لعدم وجود ماء مخصص للنيسان.
5. المكينة نفسها والرأس اذا سليم (لازم يفحص).
6. القزوز والشكمان ضروري يفحص للتأكد من انه ماهو مسدود.
7. المروحة الرأيسية وتمتيك المروحة يفضل تركب جديد افضل لصعوبة معرفة هي سليمة او لا؟؟
وايضا" المروحتين اللي قدام طبعا" هذولي فقط احتياط او مع المكيف فقط...وواحد تكفي...صدقونن.


اخيرا" اذا استمر ارتفاع الحرارة ...فمعناته رأس المكينة به مشكلة او مشعود او وجه المكينة متهتي.

[ابوتركي1010]

اخوي أخالفك الرأي في نقطه رقم اربعه يوجد ماء اديتر من وكالة نيسان ياباني اصلي لونه اخضر ام ماء تويوتا الأحمر ابو جالون ابيض مصنع في جده يمشي الحال علما ان ماء تويوتا الاصلي يجي جالونه اسود مكتوب عليه صنع في اليابان بس وين تلاقيه

[شاد الرحال]

يا جماعه الخير .. الباترول قير اتوماتيك ما يجي الا مروحه وحده ورى الشبك فقط ! و ما تقدر ترهم ثانيه و السبب مبرد القير مغطي محلها .. عكس القير العادي يجي مروحتين ورى الشبك شد بلد

يا صاحب الموضوع معي نفس موترك و سويت مثلك و غيرت كل شي يخص الحراره و ما زال مع الوقفه ترتفع حرارته اما اذا مشيت تنزل الحراره و تكون ثابته بعد الشرطه الثانيه بشي بسيط :good:

اعتقد ما فيه الا حل واحد يقضي على الحراره و الي هو ترهيم مراوح سبارو و بتنتهي المشكله

[sgl2002]

اي والله القير التماتيك انا انصح وبقوة تركب مراوح سوبارو هي الحل الامثل له

[كاتم الشكوى]

الخراطيش يركب داخلهن سبرنق انصحك تركبه

[ابو فهد ألعزي]

انا اشوف انك تشيك عند مختص
على البلوف الوزن مقفلين او فاتحين يسببون حرارة
الشي الثاني وزن الديلكو اذا ماهو موزون زين يسبب حرارة
كل هذي مسببات 100%
ولاكن لازم مختص في مكاين نيسان
ولا حد يقول مكاين نيسان حساسة
مكاين صبوره في كل الأحوال

[wale_ali20]

شكرا للجميع على حرصهم وان شاء الله بأن نجد حل للمشكلة وينتفع بها الجميع

عني انا ركبت مروحة مرسيدس 300 ( ترهيم )
الحمد لله انتهت مشكلة ارتفاع الحرارة ما تتعدى الخط حتى وانت مشغل المكيف بعز الظهر لكن لها عيوب ممكن التجاوز عنها
1- ارتفاع صوتها
2- تعمل من نقرة السلف ( يعني من تشغل السيارة الى ما تطفي السيارة )
3- تحتاج لدينمو يتحملها لان قوتها 80 امبير ( لا بد بأن يكون الدينمو من 80 امبير وأعلى )

[مطر وسم]

ماكرهني بالباترول الا حرارته ياكرهي له اعوذو بالله طلع الشيب براسي

[العطاوي a511]

في لي طالع من الرديتر يشبك بماصوره جنب المكينه العيب دائما بهاذي الماصوره الحل ب 20 ريال فقط اشتر لي نفس المقاس ووصله من الرديتر للقربه على طول يعني اللغ الماصوره وحاول ان اللي مايجي جنب المكينه مرره من عند البطاريه وامورك طيبه باذن الله

[راعي الرود]

مراوح الكهرب مهيب تكانه مثل الميكانيكيه احياناً تتوقف بدون سابق انذار و ماتنتبه للحراره الا وهي على الاتش حاول تحل المشكله بدون تغيير المروحه الميكانيكيه

[sgl2002]

في لي طالع من الرديتر يشبك بماصوره جنب المكينه العيب دائما بهاذي الماصوره الحل ب 20 ريال فقط اشتر لي نفس المقاس ووصله من الرديتر للقربه على طول يعني اللغ الماصوره وحاول ان اللي مايجي جنب المكينه مرره من عند البطاريه وامورك طيبه باذن الله

ال4500 مافيه الي اللي تقوله

[sgl2002]

شكرا للجميع على حرصهم وان شاء الله بأن نجد حل للمشكلة وينتفع بها الجميع

عني انا ركبت مروحة مرسيدس 300 ( ترهيم )
الحمد لله انتهت مشكلة ارتفاع الحرارة ما تتعدى الخط حتى وانت مشغل المكيف بعز الظهر لكن لها عيوب ممكن التجاوز عنها
1- ارتفاع صوتها
2- تعمل من نقرة السلف ( يعني من تشغل السيارة الى ما تطفي السيارة )
3- تحتاج لدينمو يتحملها لان قوتها 80 امبير ( لا بد بأن يكون الدينمو من 80 امبير وأعلى )


رح لابو ريم الخطيب خله يحط لها حساس تشتغل مع المكيف او يحط لها فاصل داخل الغماره تشبكها متى مابغيت

[الطيف الراحل]

معي مثل موترك ٩٨ قير اتوماتيك ،
البارح كنت مسافر عليه زودت الدعسه وردت نمرة على طول سمعت صوت طقه قوية في المكينة .. وقفت على جنب فتحت الكبوت وتفاجأت بان المروحة الرئيسية بين المكينة والرديتر مكسورة !! والرديتر انضرب والموية تهرب .
وقفت عند اطرف محل رديترات ولحمه لحام بارد ، وبحثت عن مروحة مالقيت ! فكيت المروحة المكسورة وخليته بدون مروحة ومشيت عليه حوالي ٤٠٠ كم من املج الى تبوك ،

طبعاً قبل تبوك فيه طلعات قوية المعروفة بعقبة الخريطه ، ارفعت علي الحرارة فوق النص واضطريت اني امش مع الطلعه ٤٠ مع التريلات لين وقفت على النص !!! بعدها وقفت وخليت السيارة تبرد وشغلت ومشيت عليه والحرارة ماتزيد على الربع ؟

تتوقعون راس المكينة جاله شي مع الارتفاع ؟ رغم انها في الطريق ماتزيد عن الربع والمكيف شغال ؟

وش سبب كسر المروحة !!

واعذروني ع الاطاله واعذرني ياصاحب الموضوع

[sgl2002]

ماجاه الا العافيه


والكتلوج حق الوكالة مكتوب فيه معك الى الشرطة اللي قبل الاتش


http://www.mekshat.com/pix/upload06/images/2013/06/mk166247_picture.jpg

[الطيف الراحل]

ماجاه الا العافيه


والكتلوج حق الوكالة مكتوب فيه معك الى الشرطة اللي قبل الاتش


http://www.mekshat.com/pix/upload06/images/2013/06/mk166247_picture.jpg

الله يبشرك بالخير اخوي اس جي ال ، واشهد بالله انك رجال اجودي وخدوم

[abarre3an]

الله يبشرك بالخير اخوي اس جي ال ، واشهد بالله انك رجال اجودي وخدوم

تنبيه: مع اني مااضمن الكلام المكتوب بكتيب الوكالة...

هذا فقط للاتماتك... اما الفتك القير العادي...مثل اللي معي,,,اول ما تطلع فوق الثلث,,,مصيبة مثل ماقال الا SGL2000
اقصد لما تعدى الثلث وخصوصا" اثناء المشي...ادري ان به مشكلة. وفعلا" يصير كذا...

المهم: البترول يفترض ان الحرارة ماتتعدى الربع او الثلث بالكثير...

[sgl2002]

تنبيه: مع اني مااضمن الكلام المكتوب بكتيب الوكالة...

هذا فقط للاتماتك... اما الفتك القير العادي...مثل اللي معي,,,اول ما تطلع فوق الثلث,,,مصيبة مثل ماقال الا SGL2000
اقصد لما تعدى الثلث وخصوصا" اثناء المشي...ادري ان به مشكلة. وفعلا" يصير كذا...

المهم: البترول يفترض ان الحرارة ماتتعدى الربع او الثلث بالكثير...



اخوي هذا الكتلوج حق مكينة 4500 بخاخ

الفتك مادري عنها


انا موتري 98 قير عايدي اكثر من مره وانا بالنفود بعز الصيف الظهر ودرجة الحراره 45 تطلع الين بعد النص بواجد وتقارب الشرطة الاخيره ولا جاه شي والموتر واصل 470 الف ممشاه


بعدين الحراره ليست حرارة المحرك انما حرارة الماء

[الطيف الراحل]

تنبيه: مع اني مااضمن الكلام المكتوب بكتيب الوكالة...

هذا فقط للاتماتك... اما الفتك القير العادي...مثل اللي معي,,,اول ما تطلع فوق الثلث,,,مصيبة مثل ماقال الا SGL2000
اقصد لما تعدى الثلث وخصوصا" اثناء المشي...ادري ان به مشكلة. وفعلا" يصير كذا...

المهم: البترول يفترض ان الحرارة ماتتعدى الربع او الثلث بالكثير...

انا اللي عندي اتوماتيك ياغالي

[wale_ali20]

مراوح الكهرب مهيب تكانه مثل الميكانيكيه احياناً تتوقف بدون سابق انذار و ماتنتبه للحراره الا وهي على الاتش حاول تحل المشكله بدون تغيير المروحه الميكانيكيه

حياك الله اخي بنسبة للمروحة الي مركب اضافية وليست الميكانكية امام الرديتور اما المكيانيكية موجودة غيرتها مع تغيير المكينة بعد ما خبطت المكينة هي والاتوماتيك الخاص بها وكالة

[eameh]

تاكد من غطا الاديتر ورقمه انه يكون له موب لسياره ثانيه لان الغطا فيه بلف مثل بلف الحراره والعماله ما تعرف كوعها من بوعها لا يكون مغير برقم ثاني ترا تصير كثير يقول توني شاريه جديد ويحقرونه وهو مصيبه لمن يختلف الارقام وما يكون مخصص لنوعيه سيارتك

[سلمانـ]

طيب انا موتري فتك تماتيك 2004 وحراته على خط الربع او فوقه شي بسيط بس لو اعطيه اي مجهود او ادخل البر على طول ترتف وممكن توصل للنص واذا جيت قدام الموتر تحس حرارته تشوي من برا وش اسوي فيه لانه بالصيف والحر الكايد مايبرد المكيف زين بسبب هالحراره

[sgl2002]

كيف الرديتر عندك ^^^

هل هو مليان اوساخ


تماتيك المروحه هل تسمع حنته؟

[اسدهم]

يالغلا اذارديتر تعال عندي واحد اصلي يبيلة تلحيم موقعي الرياض
بس الموتر الي كان راكب علية كلبليتر اذا ماتفرق تعال وخذا حلالك ويفدا ماطي رجليك عطني خاص واسدح رقمك وبشر لو تبي اشحنة لك وشبعد تبي

الموتر 4500كلبليتر

[يآسر]

فعلا الفتك مع الدبل وحنه بنمر فوق عشر ثواني وشوف العداد يتعدى الخط الطبيعي بشويات الى اقل من النص ،،

لا حد يقول نظف الاديتر لان موتري ٢٠١٣ ، عيب واضح

فا تكون مخير بالبر ومابين سيوف واخر الدنيا اما تشد على الموتر وترتفع حرارته وتخاطر بموترك ولا تخاف عليه وتموت هههههههه

[راعي النياسين]

فعلا الفتك مع الدبل وحنه بنمر فوق عشر ثواني وشوف العداد يتعدى الخط الطبيعي بشويات الى اقل من النص ،،

لا حد يقول نظف الاديتر لان موتري ٢٠١٣ ، عيب واضح

فا تكون مخير بالبر ومابين سيوف واخر الدنيا اما تشد على الموتر وترتفع حرارته وتخاطر بموترك ولا تخاف عليه وتموت هههههههه
فيه بلا موترك لو الاديتر مافيه ماء مهب مرتفعه ب 10 ثواني يبي لها وقت

موتري 2006 مهوب 2013 واراقي عليه بعز القايله ولاهوب يحتمي اللهم لك الحمد

[أحمد محمد1429]

يالحبيب لا تشغل نفسك انت حليت المشكله ركبت مروحه كهرباء واللي اعرفه ان 98 فيه مروحتين ميكانيكيه اللي داخل الكبوت والكهربائيه اللي امام الأديتر