فزعتكم يا اخوان باترول 95 بخااااخ

[صقر بن حمود]

سلام عليكم ورحمة الله وبركاته

اخواني امسيكم بالخير والله يجمعنا وياكم في جنات النعيم

معي باترول سفاري موديل 95 مكينة بلادة بخاخ 4200 طلعلي مشكله فيه ورحت لجميع الورش ولا عرفولها حل معين اللي يقول طرمبة بنزين واللي يقول ديلكو ولا استقروا على رأي وقالو مشكلته كهرب والمشكله هي ( الموتر يتفتف يناتع بعض الأحيان مهب دائما وانا ماشي وبعض الأحيان يكتم الموتر عداد الضغط ما يتعدى الإثنين ادعس الأبنص كامل يوصل للإثنين وينزززل لين يطفى الموتر وبعض الأحيان ادعس ويثور من عند المكينه وارجع اشغله والحاله ذي مهب دايمه ) علماً بأن الموتر أول ما اشغله بالصباح وهو بارد يكون عداده تحت الواحد كأنه حامي وبعض الأحيان كأن وده يطفى

افيدووووووني بارك الله فيكم

[sgl2002]

اذا تدوس له ومايتعدى الضغط ٢ هذا حساس الهواء الموجود على القربه جنب فلتر الهواء

[صقر بن حمود]

اللي فيه فيش ؟

طيب اذا منه وش اغيره ولا يتنظف ؟

الموتر ادعسله ولا يتعدى يكتم وادعس وادعس ويثور خفيف

[الدحضاوي]

حبيبي الديلكو المفروض توزنه كل فترة وتغيره وغير مكلف السالفه من 20 الى 50
انا نفس المشكله ووزنت الديلكو بعد ماغيرته وتعدل بس للعلم مو بخاخ الي عندي

[صقر بن حمود]

اخوي الدحضاوي لاهنت

لكن الفرق شاسع بين الكربريتر والبخاخ
الكربريتر اموره سهله لكن البخاخ حساسات وكهربته كثير

مشكور عالنصيحه وموفق .

[alwali]

نظف فلتر الهواء
واحتمال كبير من الثلاجة شيك عليها

[sgl2002]

يالحبيب لاتحوس ولاتحتار

مشكلتك حساس الهواء


اذا الموتر مايتعدى رقم 2 الضغط

و يفرقع مع الشكمان


شفه اللي فيه فيش

او شي شف لايكون واحد من اسلاكه مفصول او منقطع

بعدين قبل لاتغيره شف الربله اللي واره لايكون فيها شق والا تنسيم


ربلة اسطوانيه اسمها خرطوش الهواء بين الفلتر وبين ثلاجة المكينه

اذا مضبوطه نظف حساس الهواء
ما ضبط غيره

[ابو البر]

http://www.mekshat.com/vb/showthread.php?t=634286

[moftt]

السلام عليكم
انا واجهتني تقريبا مثل مشكلتك الضغط ما يتعدا 2 وتحس ان الموتر في كتمه وطلعت المشكله الديلكو احد البراغي كان مرتخي وايضا طلع الغطا حق الديلكو كان مكسور ولا يبين

فا نصيحتي لك رح عند اي محل وقله بس بدلي الديلكو وبجرب الموتر اذا ضبط اعرف ان المشكله منه واذا ما ضبط يعينك الله

وتقبل مروري

[صقر بن حمود]

بيض الله وجييييييهكم والله يجزاكم خير

[شحوط]

هلا اخوي

حصلت معي بموتري قبل سنه سفاري 97 بخاخ

غيرت كل شي عوامه بانزين وصفاية بانزين ومافية شي إلا غيرته

اخر شي طلع حساس منظم الهواء حق البخاخات


الله يعينك عليه جديد 1800 ريال تقريباً


انا أخذته مستعمل ب 1000 ريال


والله الموفق

[متقاعد مبكر]

حاول تنظف حساس منظم الهواء ببخاخ خاص بالاكترونيات تقبل مروري

[صقر بن حمود]

بيض الله وجهك اخوي شحوط لكن ما ينفع انظفها سعره غالي بالحيل

[صقر بن حمود]

بيض الله وجهك اخوي متقاعد مبكر