الطير ما ياكل غير نسرتين او ثلاث ارجو الافادة

[اردني]

السلام عليكم
اخواني الطير من ثلاث ايام ما ياكل غير نسرتين او ثلاث نسرات من العلف و بعدين يترك العلف ارجو الافادة عن السبب و العلاج البيطري و البشري اذا امكن
ملاحظة : الطير فية حفاه هل هي السبب
و السلام عليكم

[صاحب بوعبود]

وعليكم السلام ورحمة الله وبركاته:
يمكن هذا الفايروس المنتشر (الله يستر)
مشله كورسات والله سبحانه هو الشافي:-
١- اقلاع. علاجه باربتكس
٢- مضاد حيوي (ماربسال) ٢٠٪
٣- كوكسيديا
٤- فطريات بالمعلف. علاجه (فلاجيل)حبه واحده قبل العلف بنص ساعه وقطره بالفم (مايكوستاتين) نص ملي
قبل العلف بنص ساعه.وسائل لونه اصفر مخصص لقتل الفطريات بالمعلف يباع في مستشفى فهد بن سلطان
٥- منشط كبد

[THE SNIPER H]

الله يشفي طيرك
ما لون المرش الله يعزك
هل الطير ينسر من العلف ويرمي واحيانا يكأل نسره او اثنين
افتح فم الطير وانظر بداخله وحاول استخدلم كشاف هل يوجد نقاط بيضاء او حبوب بيضاء مصفره

[حجاب ودهيس]

عطه ربع او اقل من الربع فص ثوم
وحط في المويه ثوم

[عابر الموج]

الله العالم انه قلاع بالمعلف تحسس بيدك معلفة ربما تجد ورم عطه نص حبة فلاجيل 250 قبل العلف بساعة لمدة ثلاث ايام تجد العلاج بالصيدلية البشرية بالتوفيق

[اردني]

ربي يوفقكم اجمعين و شكرا لكم على النصيحة ما قصرتم لاكن يا اخواني الطير ما ياكل مثل اول كان ياكل الحمامة كاملة و اليوم ياكل اقل من الربع و يتركها و المرش حسب علمي سليم و هذى صورتة

http://im63.gulfup.com/gGAXdH.jpg (http://www.gulfup.com/?ARdMb8)

[صاحب بوعبود]

الطيور جا فيها فايروس ماعاد تاكل والعين تغض. بفضل من الله سبحانه ثم احد الاخوان تم استخدام علاج (بيتاموكس) ابر.

[عابر الموج]

ياخي اذاا طيرك حسب ماذكرت مافيه شي اغلب الطيور اذا غلقت صنعه هذا اكلها ماذكرت وش نوع الطير تقبل تحياتي

[عطرالسوالف]

كيف تعطيه حمامه كامله مايصلح يا خوي عطه صافق ورجل ولا صافقين على حسب الطير


ود طيرك عند اقرب دكتور طيور مايصلح البيطري مايعرفوله والطير تلاقي فيه دود وكوكسيديا تراه بيموت اذا ما لحقت عليه دامه قام يغمض عيونه من كثر الام

[اردني]

شكرا لكم جميعا على الردود الطيبة الطير ان شاء الله يتحسن وانا عرفت ان الشياهين خاصة جاها مرض شديد هذي السنه اسال الله انها تصح و ترجع مثل اول ويشفيها و طيور المسلمين اجمعين

[صاحب بوعبود]

اخو اردني
ممكن تذكر العلاج المناسب المستخدم كي تعم الفائده للجميع.

[مقناص الكويت]

سلام عليكم

اخوي عطا الطير حبوب قلاع يمكن فيه قلاع

وعندك الحفاه اذا كانت مطوره وصايره مسمار تخلي الطير مايشتهي الاكل



يعني اول شي عطه حبوب قلاع كورس

وبعدها رح صيدليه البيطره وخذ منه علاج مرهم الحفاه الاماراتي

عط الطير قلاع والمرهم حط علي كفه صبح وعصر باليوم مرتين لمده ٥ ايام بعد علاج القلاع


وبعدها اربط الطير علي رمل وان شاء الله مافيه الا العافيه والله يوفقك واسف علي الاطاله