تسليك لندكروزر افياش 110 فولت

[عاشق البر99]

السلام عليكم
ابي محل اسلك لندكروزر افياش 110 فولت في بريدة
واذا احد مسوي تسليك كم التكلفة
والاغراض ايش الافضل
وقوة الجهد
مع العلم اني احتاج 30 امبير فقط
بارك الله فيكم

[عاشق القصيد]

وعليكم السلام
وربي يسهل امرك وتجد المحل المناسب والعمل المتقن والسعر المناسب
ملاحظتي لك يا اخي الكريم
طلبك للخط 110 فولت
مع إن الاجهزه الان 220 فولت وهي الان المتداوله بكثره
وحسب اطلاعي جميع الشباب يحطون افياش 220 فولت داخل السياره

[عاشق البر99]

وعليكم السلام
وربي يسهل امرك وتجد المحل المناسب والعمل المتقن والسعر المناسب
ملاحظتي لك يا اخي الكريم
طلبك للخط 110 فولت
مع إن الاجهزه الان 220 فولت وهي الان المتداوله بكثره
وحسب اطلاعي جميع الشباب يحطون افياش 220 فولت داخل السياره

الجهاز اللي عندي يحتاج 110 ولكن يمكن اركب 220 واركب محول ن 220 الي 110 لكن ما احد ادل بمعلومات حتى الان

[آبوعزآم]

فيه مركز عروق الشمال
شغلهم شغل وكاله ونظيف جدااااا
وانصحك تجيب لهم الاغراض وهم يركبون ..
ملاحظه تراهم غالين بس يستاهل الغلا بعض الاشياء
وبعض الاشياء مثل لمبات وماطور وكذا لا والله لا تركب عندهم .. غالين

[آبوعزآم]

تلقاهم بصناعية المعارض

[الاكسجين]

اطلب اسلاك حرارية افضل على حسب ماسمعت مع ان سعرها مرتفع

[اخو شماء]

عندك العثيم بصناعية الرواف وفيه واحد ثاني بجنبه بس ضيعت اسمه

شغلهم ممتاز واسعارهم معقولة

[أبو شيري]

العثيم بصناعية الرواف لا تتعداه

شغل ممتاز وجودة أسلاك وتعامل ما شاء الله
وأسعاره معقوله ومقبوله وفي متناول الجميع
مقارنة بغيره

عن تجربه شخصيه بسيارتين

[عاشق البر99]

بارك الله فيكم
الشكر موصول للجميع