عندي التماس كهرب وجنني فزعتكم ،،،اصيل الحجازي ارجو الدخول

[moftt]

السلام عليكم
اخواني عندي التماس كهرباء وﻻ ادري باي مكان بالضبط

اولا : السيارة سفاري موديل 1997 كبريتر
ثانيا : مكان علبة الفيوزات عند الراكب الي بجانب السايق
ثالثا : عندما يفصل الفيوز تطفي السيارة واذا دعست بانزين ما تطفي من اشيل رجلي عن الدعسه تطفي
رابعا : الفيوز الي يفصل رقم 5 من الجهه الي على اليسار وكتوب عليه
Con والي استنتجته اختصار لكلمة كونترول

الي حصلت له نفس المشكله ياليت يساعدني

[نجدي اصيل]

السلام عليكم
اخواني عندي التماس كهرباء وﻻ ادري باي مكان بالضبط
اولا : السيارة سفاري موديل 1997 كبريتر
ثانيا : مكان علبة الفيوزات عند الراكب الي بجانب السايق
ثالثا : عندما يفصل الفيوز تطفي السيارة واذا دعست بانزين ما تطفي من اشيل رجلي عن الدعسه تطفي
رابعا : الفيوز الي يفصل رقم 5 من الجهه الي على اليسار وكتوب عليه
Con والي استنتجته اختصار لكلمة كونترول
الي حصلت له نفس المشكله ياليت يساعدني

بما انه لم يرد عليك الخبرا فسوف استعين بالله واجتهد

ليس هناك ترابط كهربائي بين الفيوز ودعسة البنزين
والرابط هو بين بقاء المحرك يشتغل والضغط على دواسة البنزين
وهذي العمليه ميكانيكا هواء وليست ميكانيكا كهرباء
ولم تقل انه اذا سحبت الفيوز لايعمل المحرك
وبما ان الباترول يطفى اذا رفعت رجلك من دعسة البنزين
فابداء بمسمار وزن واير دعسة البنزين يحتاج شد الي ان
تستمر المكينه شغاله وضغط الrpm يصل مستوى لايطفى فيه المحرك
---------------
وعندك مسمار دخول الهواء يحتاج فتح قليلا
--------------------
ولو تضيف
صوره للفيوزات اللي يسار السائق
وصوره لخريطة الفيوزات التي في غطاء الفيوزات حتى
يسهل شرحها لك ولعامة المتصفحين

[متقاعد مبكر]

مادام الفيوز يلذع معناته في ماس تاكد من الاسلاك جهة الكلبليتر واتمنى يفيدونك الاخوان وخاصه اخونا اصيل او بدوي جنوبي ولا يهونون الباقين تقبل مروري

[ابوراكان تبوك]

هذا شرح سابق لكيفيه تحديد مكان الالتماس يمكن تستفيد منه

كان عندي نفس مشكلتك سحبية كهرباء وغيرت بطاريتين على جي أكس أر 2002 ماخليت كهربائي مع ان السيارة مو ملعوب في ظفيرتها وقالوا عندك مشكلة في ظفيرة السقف ولازم نفك الديكورات كلها ويكلف حول 1500 ريال شغل يد:mad:
المهم ما اقنعت من هالكلام وشهرين من محل لمحل لين وفقني الله بمهندس سيارات المانية وجدته في أحد المنتديات الله يوفقه ودلني على طريقة اكتشفت فيها المشكلة وصلحتها بـ 300 ريال
الطريقة كالآتي :-
1- تشتري لمبة اختبار الكهرباء مثل هذه بـ 10 ريال
http://www.compareautomechanics.com/wordpress/wp-content/uploads/2010/07/test-light-courtesy-of-marineengineparts.com_.jpg
2- اغلق جميع الابواب واطفيء اي شي شغال في السياارة
3- افصل اصبع البطارية + الموجب واشبك طرف لمبة الاختبار في السلك ورأس المفتاح ضعه على اصبع البطارية الموجب +
4- اذا ولعت اللمبة بإضاءة قوية كأنك شابكها على البطارية اعلم انه 100% عندك التماس وتهريب كهرب
واذا كانت اضاءتها خفيفة جداً فمعناه انه لايوجد أي التماس
طيب اذا وجدنا التماس ولم نعرف مصدره نحدده بالطريقة التالية
دع مفتاح الاختبار مشبوك كما هو واللمبة مضاءة وأبدأ بفصل الفيوزات واحد واحد وراقب اللمبة اذا خفت اضاءتها معناه الخلل من الفيوز اللي شلناه ونقدر نحدد مسارة عن طريق الكاتلوج او نقوم بالفحص عن الجهاز اللذي انقطعت عنه الكهرباء مثلا وجدنا المسجل غير شغال بعد ماشلنا الفيوز معناه الخلل في ظفيرة المسجل او نفس المسجل ونروح نفكه ونرجع الفيوز ونراقب اضاءة اللمبة مره اخرى وهكذا
او بعد فك الفيوز تذهب لكهربائي وهو يحدد لك الخلل



انا بهذه الطريقة اكتشفت عندي التماس وتهريب كهرباء في الولاعه وذهبت للكهربائي وغير لي السلك من علبة الفيوزات الى الولاعه وشغل يده 300 ريال وفرت على نفسي 1200 ريال

واي استفسار اخوي انا حاضر

والله يوفقك

[moftt]

الله يبيض وجيهكم

والحمد الله لقيت المشكله وحليتها

احد الاسلاك الي تحت الدركسون يحوش البدي والحديد الي حوله ويفصل الفيوز

[الحميضاني]

السلام عليكم ورحمه الله وبركاته
اخوي الفيوز اللي يضرب عندك هو تبع دقمه الكبريتر ومكانها خلف الكبريتر ولها سلك واحد شل الشوته وتاكد من الاسلاك تحصلهن بين الكبريتر والمكينه 3 اسلاك واحد تبع الدقمه وثنين حق التحمئه في الصباح اتبع الاسلاك يمكن تحصل شي وشكرااااا