الفزعه : مؤشر الزيت يزيد كل ما زودت ما اللديتر وش المشكلة

[osqari]

زي ما قلت مؤشر الزيت يزيد كل ما زودت ما اللديتر وش المشكلة وش الحل
السياره واقفه تشتغل وتطفي على طول
واخر مرة اشتغلت طلع دخان ابيض
وصوت مثل صوت مكينه مزرعة
الحراره ثابته والسيارة ما سخنت ابد
والزيت ما فيه اثر طحين
غطا المكينه فيه اثر للطحين
المشكله اني زودت ماء كثير
والان معيار الزيت فوق الحد الاعلى بكثييير تقريبا دبل

في رايكم وش المشكله وايش الحل

[osqari]

السيارة مازدا ام بي في
الموديل 2001
اللون فضي ---> وش دخل اللون:D

[Nasser33]

السيارة مازدا ام بي في
الموديل 2001
اللون فضي ---> وش دخل اللون:D

هههههههههههههه
ان شاء الله يفيدونك اهل الخبرة

[العطاوي a511]

راس المكينه اكيد

[sgl2002]

الراس او الوجه ماعاد فيها كلام

[GMC89]

تاكد من مبرد الزيت ان كان متصل بالرديتر

[zayed98]

خلطت زيت مع مويه :)

[abo yusef]

خلطت زيت مع مويه :)

ذا فيه طبات في الراس او في الصدر احتما منها
يمكن وجه الراس

[ابو-ريما]

راس المكينه او الوجه مثل ما قالو الربع

[مطر وسم]

يجب تغير لون السياره على شان تضبط معك انصحك باللون الابيض لأنه مقاوم لتخبيط المكينه يخليها جديده وكاله ههههههههههههههههههههه

[osqari]

طيب اللي يعرف لي ورشه اكشف فيها على السياره
ويقوم باصلاحها وتوضيبها ان لزم
يرسل لي عل الخاص
لاني كل ما رحت ورشه وشافو السياره يصرفوني مادري ليش
يمكن لان السياره قديمه او مكينتها كبيره

[داموك 1]

اخي الصقاري اعانك الله
الزيت اخف من الماء وسبب زيادة الزيت ليس الزيت بل الماء الذي يصل الى الكرتيل
فيتجمع باسفله دافعا الزيت الى اعلى وعند سحب عصى العيار لا يظهر الا الزيت لانه
في الاعلى فك الصره وستجد الماء فيه

[osqari]

جزاك الله خير
يعني فقط اصرف الماء من الكارتير ولا تحتاج شي ثاني

[داموك 1]

لا ياغالي مهوبس كذا لازم تعرف ايش سبب
وصول الماء الى دورة الزيت فلازم تعمل مثل ماقال
الاخوه من فك الراس والتاكد من الوجه

[abdulazizksa]

نصيحه لا تشغلها لين تصلحها عشان ما تجيك مشاكل ثانيه والله يعينك اعتقد اختلط الماء بالزيت ولازم ميكانيكي يُعتمد عليه

[عبقري91]

ي وجه الراس. ي الطبه بالمكينه. ي مبرد الزيت
ي الراس منشعر. لاتخلي الماء داخل المكينه فظه. عشان ما يعملك صدا داخل المكينه. ولا تشغلها
لين تلاقي الحل. ضروري تنفك والمشكله انتبه منها هي. يجي يقولك. الحل عندي وبعد مايفك. يطلعلك مليون عله
وبكذا. خلاص تنجبر تصلح. توظيب كامل
انا شفت زيت عند احد المحلات. ينحط مع الزيت او مع الماء ويسكر التهريب. يا انه بعالم ساكو يا. في محل. بصناعيه
كيف طريقته مدري. ناسيها. بس. لاتساعجل. والله ييسر امرك