فزعتكم بالمشوره الزينه

[علمتني الايام]

اخواني انا عندي استراحه واحتاج الاضاءه وماعندي كهرباء سمعت كثير عن الطاقة الشمسية وعن البطارية الجافه الي تخزن الكهرباء من خلال اللواح الشمسية
سوالي لو شرية بطرية 200 أمبير وشحنتها في البيت عن طريق الكهرباء هل بمكاني بعد شحنها ان اشغل عليها 10 لمبات ولا هذي البطاريه لاتقبل شحن من الكهرباء مصممه خصيصا للواح الشمسية

في انتظار فزعتكم

[علمتني الايام]

ولا رد من الطيبين

[لاتكب البيالة]

ممكن تشحنه بشاحن بالبيت لكن شغلة شوي
اشتر لك لوح او لوحين طاقة شمسية ومع البطارية ووصلهن وخلاص
واذا تبي اعلمك ارخصل الالواح والبطاريات بالراض لاني مسعرهم قبل كم يوم

طبعا 10 لمبات لو نفرض انك بتشغله 10 ساعات وان كل لمبة مثلا 20 وات يعني تحتاج 2000 وات وهذي تحتاج بطارية 170 امبير او اعلى

الالواح تحتاج لوحين 140 وات تقريبا بفرض ان الشمس مشرقة 8 ساعات بشدة
اضف لذلك منظم الشحن والانفيرتر اذا اللمبات 220

[خالد الخطير]

اليوم جمعة لا تستعجل على الشباب

فيهم الخير و بيردون عليك انشالله

وموضوعك يبيله ناس مجربين ومتخصصين

علشان يعطونك العلم الاكيد

[علمتني الايام]

مشكورين اخواني ع مشاركتكم بموضوعي لكن انا ما اقدر اركب لاطاقة شمسية ولا ماطور 5 مواطير تم سرقتها

ابغى اركب شي و اخذه معي كل ماخرجت من الاستراحه اس الان مشتري 10 كشافات ابو 10 ريال مركبها في الاستراحة

وتعطيني اضاءه ضعيفة بس مشي الحال واحتمال اشتري درزن فوانيس واشغلها بس كلها حلول مهي عمليه عشان كذا ابي مشورتكم

[أبوحمد 505]

حط لك كلبين مدربة في الاستراحة بس علق لوحة يوجد كلاب حراسة عشان تخلي مسؤوليتك

شطحة :)

[علمتني الايام]

هههههههههههههه الله يعين ويستر ع الجميع الحراميه ماخلو احد يرتاح بمكانه

[محب الهيف]

طيب اشتر لك محول 800وات وخله مشبوك جاهز بالسيارة
اذا جيت بس اشبك الفيش ونبسط يشغل لو تبي عقد من المبات
البيض الصغيره ون بغيت نجفات يشغل حول عشر لمبات او كثر

[جيبي جايزلي]

ركب بطاريه اظافيه علي سيارتك وشغل اللي تبي ولا اشتر سرج علي قاز وانشرهن بالستراحه وعش حيات الاولين وبساطتهم

[عشانا]

ياخوي فيه مواطير كورية 3500 شمعة ورخيصة تقريبا 1200 ريال كد ومد وخل عنك معانات تعبئة البطرية وحملها وتنزيلها

[علمتني الايام]

بصراحه اشكركم جميع ع ردودكم اعجبتني بس اقربي شي هو اني اشتري بطاريه لكن كيف طريقة البطاريه ماعندي خبره

ابغى اشتري بطريه احملها باليد واشبك عليها لمبات من عنده خبره بهذي الطريقه يدلني

لكن ماطور بعد 5 الي انسرقت ماراح اشتري لو اجلس بظلام دامس

[ابومشعل3]

اخي الكريم ان كنت بالرياض 00الوصف يوجد مشاتل زراعية وانت متجة شرق جاي من طريق الملك فهد باتجاة كبري الفريان قبل كبري حراج ابن قاسم يوجد مشاتل علي اليمين يوجد محل لبيع الطاقة الشمسية بطاريات مع لمبات مع طاقة شمسية تحمل معك بالسيارة تفاهم معهم حول الموضوع 0000تحياتي

[أبو عاصم النجدي]

انصحك تستخدم لمبة لد 10 واط اضاءة ممتازة وصرف قليل تصرف أقل من امبير واحد في الساعة
يعني عشر ساعات 9 امبير
لو حطيت عشر لمبات يكفيك 100 امبير او حولها
مستعد ادلك على لمبات 10 واط قوية سعر الوحدة 35 ريال 12 فولت

[علمتني الايام]

ياليت تدلني وكون شاكر لك

[أبو عاصم النجدي]

ياليت تدلني وكون شاكر لك
أنت وين موقعك وكم حبة تبي
لان هذي اللنبات اعرف واحد يصلحها بالطلب وشغله ممتاز ويضمنه