ماهو افضل قارمن ؟

[خالد الخطير]

بسم الله الرحمن الرحيم


اخوكم مقبل على شراء قارمن

وناس كثيرة تنصح باجهزة وناس تذم بأخرى

وناس تقول خذ الي يفي بالغرض للبر زي نوفي 52

وناس تقول نزل برامج قارمن على الايباد وقضينا

طبعاً احدث مانزل هو قارمن 3597

وسمعت انه بينزل 3598

طبعاً الموضوع دوشة راس وعارف اني اقلقتكم معاي

لكن نسأل اهل الخبرة ومن سبقونا في هالمجال

المطلوب :

1/ هل هناك جهاز سيصدر قريباً غير هالجهاز فانتظر؟

2/ هل هذا الجهاز هو الافضل حالياً؟

3/ سمعت بهالاصدار بعض العيوب ولست بمتأكد ، حسب نقل (يقولون) ؟

4/ هل هناك جهاز اخر غيره يفي بالغرض وبلا مشاكل مثل نوفي 50 او 52 ؟

5/ ابي الجهاز يحفظ النقطه الي انزل فيها من الطريق وادخل بر (مثلاً) وعند الرجوع امشي على نفس المسار تماماً ، لان احياناً تسري بليل ويكون خطر الطريق بالبر اذا ماسبق لك مشيت معاه

6/ مايعلق او قلق ومايكون له مشاكل !!

بالمختصر / افتوني بافضل جهاز ، يكون فيه مسار يوصلني للجهه الي ابيها ، وفيه مسار للعودة على نفس الطريق ، يعني يحفظ الطريق

وشكراً للجميع

[ناصر]

حسب احتياجك
نوفي استخدام ادق على المدن ..مونتانا الصحراء
وسؤالك عن التراكات والتتبع .. اظن متوفره في الثاني
والشباب يفيدونك اكثر

[خالد الخطير]

بيض الله وجهك يا ناصر

فعلاً عندي الاهم بالبر والصحراء

ولا يمنع داخل المدن

لكن دقته بالبر والصحراء يكون بالدرجة الاولى

وبدينا نتشعب بين النوفي و المونتاتا

ترا اخوك مايعرف الفروق بينهم

ولا سبق لي اني استخدمت القارمن الا بالجوال داخل المدن

[خالد الخطير]

الان وقفت بالاختيار على ٣

١/ قارمن اوريقون 650

http://m.rei.com/media/tt/ce3160df-e939-47e7-8e81-252d41660c67.jpg

٢/ قارمن مونتانا 650

http://cloud2.baohe.org/allimg/digitaldigesttouchcom-1308718517/garmin-montana-650t-rugged-handheld-gps-device-with-5mpix-camera_2.jpg

٣/ قارمن نوفي 3597

http://www.thegpsstore.com/Assets/ProductImages/Garmin-Nuvi-3597LMTHD-B.jpg

طبعاً ال ( اوريقون و مونتانا ) يقول دقيقة بالبر ، ويحفظ مسارك الي تمشي فيه اذا كنت تبي ترجع ، و يشتغل ١٦ ساعه ، لان الشاشة صغيرة

و الثالث لا بأس به بالبر وبالمدينة توب ، ومايحفظ مسارك الي تمشي فيه ، و يشتغل ٤ ساعات لان الشاشة اكبر واكثر دقة hd

الحين حصرت الاختيار بين ٣

افتونا بالافضل

من ناحية التجربة للي سبق له التجربة

لو اتاكد ان الاوريقون والمونتانا بنفس دقة نوفي 3597 بالبر كان اخذت النوفي بلا تفكير لانه سلس ومريح واكبر شاشة ، لكن تجاربكم اكيد اكثر فائدة

[qulaib]

المونتانا هو الأفضل للبر والبحر وجيد بالمدن
شاشته أكبر من الأوريغون الذى فيه تقريبا نفس الميزات ولكنه أصغر
أما النوفى فهو الأفضل في المدن فقط
تحياتى لك وبالتوفيق

[خالد الخطير]

المونتانا هو الأفضل للبر والبحر وجيد بالمدن
شاشته أكبر من الأوريغون الذى فيه تقريبا نفس الميزات ولكنه أصغر
أما النوفى فهو الأفضل في المدن فقط
تحياتى لك وبالتوفيق

تسلم وماقصرت على المشاركة وننتظر باقي اراء الاخوان

والاورقيون شاشته اصفى من المونتانا ، وتحكم افضل بالشاشة من ناحية الزوم ، تقريب وتبعيد بالاصابع عكس المونتانا الي لازم بالزايد والناقص

[محمد ابن عيد]

..
حياك الله ي الغالي
انا معي نوفي 50 و الحمدلله مجملني في البر و المدن
و ميزته شاشته 5 انش و سرعه الاتصال في الاقمار الاصطناعيه
و الله ييسر امرك

[خالد الخطير]

..
حياك الله ي الغالي
انا معي نوفي 50 و الحمدلله مجملني في البر و المدن
و ميزته شاشته 5 انش و سرعه الاتصال في الاقمار الاصطناعيه
و الله ييسر امرك


بيض الله وجهك على مشاركتك ، وفعلاً ناس كثيره تمدحه هالنوع والنوع المطور منه نوفي 52 والجديد ب 52 انه اسرع من 50

وننتظر من اخواننا الي سبق لهم تجربة المونتانا والاورقيون و النوفي بانواعه انهم يعطوننا ارائهم الي هي محط لثقتنا فيهم

[خالد الخطير]

لقيت بالنت جهاز اسمه مونتيرا monterra

جهاز يدمج بين مونتانا و الاورقيون

الجهاز شكله بطل من مقاطع فيديو شفته فيها

بس الغريب ماشفته عند دار موجه

وهذا رابط له

http://www.al-megnas.com/vb/showthread.php?t=44448

[تميم2222]

نوفي.
يودي الغرض وعسا الله يرزقك

[خالد الخطير]

نوفي.
يودي الغرض وعسا الله يرزقك

تسلم اخوي ورايك احترمه ولعلني اعيد النظر بالنوفي

لان المونتانا والاورقيون صارت دقه قديمه

بالذات مع العملاق القادم

الي دمج كافة المزايا بين هالجهازين

بالاضافه لميزات جديدة

تسجيل فيديو

نظام اندرويد

كميرا ٨ ميقابكسل

بلوتوث + واي فاي

جهاز دمج بين المدن و البر

وهو مونتيرا

http://mirgarmin.com.ua/content_files/Garmin_Monterra_2.jpg

لكن مالقيته عند دار موجه !! وماعرف وش السبب ؟!

وعندنا ماتوقع ينزلونه لين يتم تصريف المونتانا و الاورقيون

لانه بالعربي هالجهاز دمج بين افضل خواصهم وزياده

مقطع يبين الفرق بين مونتيرا و مونتانا و اورقيون

http://youtu.be/aGvWjLZ200Q

[sameer_1798]

مواضيع ذات صلة عن المونتيرا http://www.mekshat.com/vb/showthread.php?t=583126

[خالد الخطير]

تسلم على المشاركة

ولكن مازال السؤال قائم !!

ليه ماينزلون هالجهاز عندنا ؟!

دايم حنا اخر من يفرح بأي جهاز ينزل حديث !!

المصيبة سألت عاملين بمحلين مختلفة ، وكلهم يقولون اخر مانزل المونتانا والاورقيون !!

ويقولون مافي شي بينزل قريب ولا صدر شي ابد ابد !!

وبالاخير اكتشف ان فيه جهاز وموجود برا ؟!

فيه تقصير بحقنا من عملية تأخير تنزيل موديلات ولا اعرف وش السبب ورا هالتاخير بتنزيله ؟!

[sameer_1798]

ياخوي السوق العالمي بين يديك اطلب منه وليه تنتظر الوكيل يجيبها ............ طبعاً ان كنت تعشق التجربه فانت بتكون الضحيه .... هههه

http://www.amazon.com/s/ref=nb_sb_noss?url=search-alias%3Delectronics&field-keywords=garmin%20Monterra

http://www.ebay.com/sch/i.html?_trksid=p5360.m570.l1313.TR1.TRC0.A0.H0.X+g armin+Monterra&_nkw=+garmin+Monterra&_sacat=0&_from=R40

وشوف تعليقات المستخدمين الاجانب عليه ...... تقييم سيء وبه مشاكل يحتاج مدة حتى يضبط في تحديثات سوفت ويره .

[خالد الخطير]

فعلاً السوق العالمي بين يديني دام ان الي ببلدي مايوفر لي ولا يخدمني !!

الكل يحب ويعشق التجربة ولكن !! ترتطم بجدار تخلف تجارنا وعدم استجابتهم لتطورات الي حولنا ويظطرون العالم للتجربة بالاسواق العالمية.

بالنسبة للتعليقات شفتها وقريتها ، وهم منشقين بين الي يمدح والي يسب

لكن الي يسب يسب بسبب السوفتوير (البرنامج) اما كجهاز كلهم يمدحون !!

ومنها البوصلة مركزين عليها بطلب تحديث جديد يحل مشكلتها

لانهم شعب دقيق ويحبون كل شي يكون متكامل والكمال لله سبحانه وتعالى

والسوفتوير امرها بسيط تحديثات متتالية وتنهيها !!

يعني الحين المونتانا يوم نزل كان ممتاز ؟!

كان كله عيوب لليل ، وصار له تحديثات لين تعبو ووصلو لهالمرحلة !!

الغريب الي يخليني اعيد التفكير هو عدم نزوله عندنا حتى لو بعيوبه !! و سعر المونتانا العالي ؟!

المفروض سعر المونتانا ينزل بسبب نزول جهاز جديد يحتل مكانه ويأخذ سعره !!

هناك معادلة تجار لتصريف جهاز بسعر عالي بينما هناك جهاز اخر موجود ؟!

تذكرت سالفة الجوال يوم ينزل عند العالم وعندنا فرحانين بالبيجر ههههههه :D

الي يقهرك يقولك افضل جهاز وهو نصاب وهناك اصلاً بالسوق جهاز افضل منه ولكن مايبي يجيبه لين يصرف اجهزته البدائية وبعدها يقول لك في دعايته

(نزل الاسطوره المونتيرا) الحق ولا ماتلحق !!

هههههه من جد سخرية تدعو للضحك

لكن ماعلينا ، هذا كله ماله دخل بموضوع الموضوع :)

[ابو عمر النوح]

مساك الله بالخير أخوي خالد

أنا جربت أجهزة النوفي و المونتانا و لكني أرجح النوفي على المونتانا و ذلك لأنها تأدي الغرض و تمتاز بسرعة المعالج و التصفح و ايضا وضوح الشاشة
و فيه موضوع لمشرفنا الغالي سمير ممكن يفيدك و هو بعنوان
تعلم استخدام اجهزة النوفي في البر

أما بالنسبة لجهاز المونتانا فهو قوي و مقاوم للماء و بطاريته تستمر 16 ساعة يعني أنه مفيد للمشي على الأقدام و يحفظ الأثر و ميزات كثيرة للبر و البحر

أيضا أسعار النوفي من 500 إلى 1200 أما المونتانا بحوالي 2200

و لك الخيار يالغالي

[خالد الخطير]

تسلم يابو عمر على النصيحة

ولكن اخذت اوريقون 650

وبعدها رجعته واخذت نوفي 3597lmt

لان الايباد ميني يكفي ويوفي عن النوفي بالمدن

وانا ابحث عن شي دقيق جداً بالبر ويرسم اثرك حتى لو كنت بترجع بليل او نهار

وبعد التجربة الفعلية مع تجربة سابقة لمونتانا مع شخص اعرفه وجربت جهازه

عرفت ان اوريقون جهاز ماهو صاحي ودقيق بالمتر

او بالاحرى افضل جهاز قارمن دقيق جداً وسريع جداً

وبعد تجربة عملية + نصيحة من مهندسين يستخدمون هالجهاز

رجعت اخذت الاوريقون 650

وبكذا انتهت مشكلة اختيار القارمن المناسب