يامن شرا من حلاله عله

[نايف الشيباني]

السلام عليكم ورحمة الله وبركاته

انا شريت قامو شادو 1000
لغرض صيد الطيور وان حصل ضب طارف رميناه والرازق الله .

المهم
عيا ينوزن نيشانها تروح يمين اردها تنزل تحت اضبط المسافات ترتفع مره فوق
والمصيبه وبعد عناء جبت الهدف بنسبه 98٪ ويوم رميت مره ثانيه اختلف وزنها مادري وش العله
هل هي من نوعية الصتم ؟

وهل يصلح عليها دربيل وياليت تذكرون النوع والسعر ونوع القواعد؟

وهل هذا عيب مصنعي تراني جديد بالهوائيات ؟
ولاهنتم يالربع

[راعي الشلفاء]

السلام عليكم
خذه. من هل مهابول. قاعده ثابته
كل ماصارت البندق قويه كل ماصارت متعبه بلوزن او مستحيل توزن

[نايف الشيباني]

السلام عليكم
خذه. من هل مهابول. قاعده ثابته
كل ماصارت البندق قويه كل ماصارت متعبه بلوزن او مستحيل توزن

ههههههه

راعي الشلفاء تراك كرهتني بالمقروده :)

افزع لي وعلمني دبرتن فيها

[مقدام الشهري]

حتى الماقنو 350 ترفع الضغط الوزنية تتغير وسع صدرك يقلك الحاجه ام الاختراع لازم نشوف لنا حل
ولا الله يعين نشتري بنادق pcp لان ما فيها ارتداد

غير نوع الصتم اللي عندك لعل وعسى

[نايف الشيباني]

حتى الماقنو 350 ترفع الضغط الوزنية تتغير وسع صدرك يقلك الحاجه ام الاختراع لازم نشوف لنا حل
ولا الله يعين نشتري بنادق pcp لان ما فيها ارتداد

غير نوع الصتم اللي عندك لعل وعسى


بغيره يالشهري وبجرب وبيض الله وجهك

[بندقيه حساويه]

خذها مني وان شاء الله تلقى الحل اذا الصتم مايحشر في البندق يعني وسيع عليها تشكل بالرمي
واذا السبرنق ملتوي تشكل بالرمي
واذا الجلبه مشقوقه او فيها تنسيم تشكل بالرمي وانت شوف وش العله اللي فيها بالضبط وان شاء الله تاكل من صيدها

[نايف الشيباني]

خذها مني وان شاء الله تلقى الحل اذا الصتم مايحشر في البندق يعني وسيع عليها تشكل بالرمي
واذا السبرنق ملتوي تشكل بالرمي
واذا الجلبه مشقوقه او فيها تنسيم تشكل بالرمي وانت شوف وش العله اللي فيها بالضبط وان شاء الله تاكل من صيدها

الله يجزاك خير يالحساوي

وابشرك ضبطت مادري عشانه جديده ومع الرمي ضبطت والا ان الصتم بالبدايه ماكان مضبوط

[ذاكرة الغيم]

نصيحة ابتعد عن صتم قامو
كل طلقة تجي في ديرة
جرب نوع اسمه jsb
الاخضر راسه مستوي والاحمر راسه مدبب وكلها زينه ووقعها متقارب
وهو افضل ما في السوق بالاضافة للالماني القديم ابو علبه خضرا

[الاكسجين]

ما شاء الله

[راح الأمل]

مع احترامي لكل مشاركاتكم عليك بالديانا وقطع الديانه من طلعت الدنيا وعرفنا السكتون وهي المتصدره اما قامو وغيره ياخي احس شغل تجاري يعني مش،حالك

[مخاوي العريس]

هذي مشكلة تجي دايم بالفايرخ ,, وهي إن الجلدة بها تنسيم . ف ضغط الهواء ما يجي زي بعض
ف تصير مره ترمي فوق والطلقة الثانية تحت شوي وهي بنفس الوزنية

[خالد الخطير]

اخوي نايف الشيباني

شف هالرابط فيه موضوع عن الصتم ومدى اختلافه باختلاف نوعه

والرجال مستخدم هوائية وحدة على كل الصتم علشان يبين الفرق بينهم

http://www.mekshat.com/vb/showthread.php?t=587190

[خالد الخطير]

وانا عموما افضل نوع الصتم jsb

http://im14.gulfup.com/2012-05-20/1337505848542.jpg

وهذا

http://im39.gulfup.com/TWCN2.jpg

[نفل الفهود]

الجامو انا مجرب الجامو وقت طويل ..

وفيها مشكله مثل ما ذكرت الميزان ما يثبت على وزنته ..

والحل انك تجيب الشطرطون الابيض حق السباكه وتفك برغي الوزن وتلفه عليه .. وارجع ركب البرغي واوزن وان شاء الله انها ما تتغير

نفس الشطرطون هذا
http://img.montada.haraj.com.sa.s3-website-eu-west-1.amazonaws.com/imgdir-s3/5161a3a1b06a8.jpg

[محمد ابن عيد]

..
حياك الله ي الغالي
اولا طبيعي البنادق الهوائيه القويه مالها الا الناظور و بس
انا ماكد جربت الشادو و لا ادري ان كانت قويه او لا
اذا كانت قويه و يعني سرعته فوق 300
نصيحه ركب لها ناظور و بتشوف
لكن ان كانك ناوي ع ضبان انسى تجيبه خصوصا اذا كان مذير
و فشق الهوائيه يلعب بها الهواء اذا ابعدت
الخرازه هي دواء الضبان وبس
و الله ييسر امرك

[تساهيل1]

هذي مشكلة تجي دايم بالفايرخ ,, وهي إن الجلدة بها تنسيم . ف ضغط الهواء ما يجي زي بعض
ف تصير مره ترمي فوق والطلقة الثانية تحت شوي وهي بنفس الوزنية



طيب اذا الجلده تسبب خلل في اتجاه ااطلقه...

وين دور السبطانه والحلزونات في التوجيه....؟

نبي كلام منطقي و علمي اما السبرنقه والجلده ما اتوقع لها دخل في اتجهاه الطلقه


النيشان الخلفي ممكن له دخل في اختلاتف الوزنيه او التوجيه

اما سبرنقه وجلده ما اتوقع لها اي دخل...لانها فقط تكون مهمتها في سرعة المقذوف او الطلقه وقوته


وبالتوفيق

[SZSZ]

من اسوء شركات البنادق الهوائيه في العالم جوده مصنعيه انسى الصيني اطيب منه ب١٠٠٠ مره

[مايهاب نجد]

ابن مشيب حاول انك تازنها ع خيط وان ماشفت فيها طب بأول السوم بعها

[نايف الشيباني]

مشكورين يااخوان ع الردود
والساكتون هذي سيئة من ناحية العيار ، ماتثبت على وزنيه وحده

الظاهر انها على قولت اخوي مايهاب نجد من اول سومها بقرشها

اتمنى تفصلولي عن نوعية الدربيل وقواعده للشادو ١٠٠٠

[ابو مقعد511]

يالامير عليك بالديانا ٣٥ عز الله طرب ،،، اما الضب الديانا الماقنوم ٣٥٠ ان شاء الله تجيب راسه ،،،

[نايف الشيباني]

يالامير عليك بالديانا 35 عز الله طرب ،،، اما الضب الديانا الماقنوم 350 ان شاء الله تجيب راسه ،،،
يابو مقعد انا ماتنبهت للديانا الا عقب ماشريت ولافات الفوت ماينفع الصوت

[أبوحمد 505]

الديانا ماقنوم نفس المشكلة مالها وزنية ولو ركبت عليها دربيل بتكسرة

[فهد88]

شوف يالحبيب
بتكلملك عن طريقة وزن الفايروخ35
من واقع تجربه قديمه
يمكن تستفيد منه
ويمكن يكون طريقة الوزن بشكل عام
مو كل واحد يعرف يوزن
1-ركب المنشاف الامامي مظبوط
2-حرك المنشاف الخلفي يمين ويسار بيدك خفيف شوف فيه فضاوه
اولا وحرك قاعدة العيار بالكامل شوف تتحرك او لا
3-يختلف الوزن حسب الصيد يعني يختلف رمي الطائر في الارض او في شجره تكون فوقك يصير فيه اختلاف في الوزن<اهم شي تفهمه
4-جبلك كرتون كبر المركى اذا تبي رمي ارض حطه على الارض
اذا تبي رمي شجره ارفعه عن الارض بقدرمترين الى متر ونص
5-ارسم على الكرتون كامل علامة الزائد(عشان تفهم بس)
6-سم بالله وبعد عن الكرتون ثمان امتارواهم شي يكون مافيه هواء وقت الوزن واذا انحديت ناطح الهواء او خالفه
7- جب البندق والصتم واول ماتبدى فيه هو وزن اليمين واليسارهذا هو اهم من الاهم اهم شي
ضع النيشان على الخط المستقيم بالضبط ولايكون ميلان في البندق
لاتفرالوزن الابعد الرمي ثلاث مرات في كل مرحله وزن
اذا ضبط اليمين واليسار معك
رح لوزن فوق تحت
وعايرعلى نقطت التقاطع
ولاتفر الا بعد ثلاث مرات من الرمي اذا كان المرمى قريب لنقطه
اذا ضبط معك شوف الرقم اللي مقابل السهم على القرش واحفضه
ترى القرش يتحرك مع السحب وحركت السياره
100-وقت الصيد احسب حساب الهواء دايم جايك من يمين وانت معاير
يامن البندك بالكامل عن الطير شوي بس
واذا جايك من يسار العكس
مناطحك او مخالفك مايهم ذاك الاهميه
1001-اذا انت اللي وازن البندق ترى غيرك صعب يرمي فيها مثلك
الصتم مااذكر انه يأثر نهائي دامه يدخل بسلاسه
بشرط مايطيح او يدخل بصعوبه
وتجنب المذرب
وان شاء الله في العشر صتمات تبي تصيد تسع طيور
وفي المئه تسعين