إستشارة ياجماعه بخصوص الباترول الحوض

[آبوعزآم]

السلام عليكم ورحمة الله وبركاته ..

يا أخوان ناوي على موتر باترول حوض الجديد .. لكن ايش رايكم التوماتيك او العادي .
مع ان استخدامي استخدام للبر بالغالب .

وايش الفروقات .. والسلبيات والايجابيات

الله يوفقكم

[ABO AZZAM 123]

نصيحة لك وانا اخوك إذا للبر فلا تبتعد عن القير العايدي بس أهم أهم أهم شي يكون فيه ( دوفلوك ) لأنه بينفعك بعد الله عز وجل في كثير من المحلات وخذ نصيحة مجرب << مجرب للشاص طبعا :)

والأخوان بيفيدونك

[آبوعزآم]

الله يجزاك خير ويبارك فيك .. اكيد راح استفيد من نصيحة المجرب ..

لكن ياغالي تراي اتكلم عن باترول الحوض .. مو التويوتا ..
مادري انت تقصد التويوتا او معي على نفس الخط
وشكرا لك

[راعي الرود]

دامك تبيه للبر لابد تضحي بالراحه وتاخذ لك قير عادي
اما اذا استخدامك بالمدينه والبر وهو موترك الوحيد تداوم عليه وساكن بالرياض مثلاً لا تعدى القير تماتيك اشتر الراحه

[إبريلي]

خذ قير عادي أفضل وأجمد للبر والشعبان والتغاريز

[ABO AZZAM 123]

كلامي يالغالي عن التويوتا والنيسان الحوض

ربي يسعدك وييسر أمرك

[خبايا انسان]

قير عادي ارغب عند البيع ،، والموتر شاص نيسان كذلك ارغب للاقتناء وللاستخدام البري

[أبو خوذة]

كلهن زينات
بالنسبة لي عندي العايدي مامثله لاني متعود عليه ومرتاح
وواحد من العيال معه تبترونك وعنده مامثله ولا قبله ولا بعده ومرتاح
الاكيييد انت وش ترغب

[محمد 2002]

دامك ناويه للبر فنصيحة خذ عادي لأن التماتيك ما بيفرق واجد في الراحة والقير العادي يتحمل الكرف أكثر من التماتيك

[اسبيدر مان]

غريب شاص النيسان
اكثر سيارة تنشرى وتنباع على طول وتلقى الممثى ماتعدى العشرين الف وعليها تجهيزات بحول العشرة الاف ريال

انا اهوجس ابواحد لكن الحقيقه الوضع مايطمن

[ابونبيل]

على حسب اذا انت من الي ينطرب باعيدي خذه اما التماتيك القير تبترونك يعني مريح ديره وبالنفود افضل بالتبديل سلس وسريع

[AL-OTAIBI]

اذا كان عندك موتر رديف للديره خذ العادي واذا هو بيكون موترك الرئيسي خذ توماتيك.
انا معاي التماتيك و الحمدلله ماشي تمام بس خل بالك من المواظبه على تغيير زيت القير

[zlzal]

خذ لك عادي
انا عندي ٢٠١٣ قيرعادي مافيه ازين منه

[sgl2002]

دامه للبر لاتاخذ الا عادي


التماتيك لازم تواظب ع الزيت وتحافظ عليه من الجور وخصوصا وانت محمل

[sgl2002]

غريب شاص النيسان
اكثر سيارة تنشرى وتنباع على طول وتلقى الممثى ماتعدى العشرين الف وعليها تجهيزات بحول العشرة الاف ريال

انا اهوجس ابواحد لكن الحقيقه الوضع مايطمن

لانه رخيص ويشرونه هبقه للبر وللمقناص ولا خلص منه باعه


وطبيعي تحصل ممشاها قليل لان توها نازله 2012


زي الشاص التويوتا بعد ام رقيبه ياكثره بالمعارض

[ابوسند9]

وعليكم السلام
انصحك بالاوتو ,نشيط, ومريح, والمكينه مريحه موزي القير العادي المكينه شاحطه بسبب كبر الكوارين .
ونا معي اوتو صالون وشايف نجوم النهار وبعد سنه ان شاء الله بيكمل نص مليون كيلو ,, ولا قد سمعت قير فتك اوتو موظب وانا سائل بنفسي المهندس يوسف الخضير ويقول قير جبار واصبر من العادي ولا قد سبق اني وضبته , ومع احد الزملاء الان 2006 ما شي 490 الف ما فك فيه مسمار,فقط غير الزيت كل 180 الف وتوكل على الله , والمراقي اللي يرقها القير العادي صدقوني ان الاوتو يمشي وراه اشبك الثقيل واجلده جلد لو تمشي فوق ال100 وانا هذا استخدمي له من سنين.
ولو جينا للواقع اعرف القير العادي زين اذا بتجلده جلد راح يجلدك بكارونه وبنيون وصفرة قير ,ومكينه شاحطه شحط,
لذا يا جماعه انا اقول اذا المستخدم راعي تر هيم ومراقي طعوس طويله وبيركب فلتر وهيدرز يا خذ قير عادي ,
واذا المستخدم عكس ذالك انصح المستخدم بالاوتو وبقوه وخاصه اللي في مدينه زحمة زي الرياض لان القير العادي والله شهر وتزهق من قيادته ,
ويمكن تتذكرون لما نزل الفتك موديل 2002 كان القير العادي المستعمل اغلى من الاوتو لكن مع الوقت ,القير الاوتو اغلى وبكثير , ومع الوقت تتذكرون وراح يكون الطلب على الاوتو اكثر

[قايد ألريم]

قير عايدي افضل لك

[الفهيد بدر]

موتر ماشاء الله عليه طيب ومريح ولا تتعداه اذا تبيه للبر فقط خذ عادي اما اذا بتستخدمه بالديرة خذ تماتيك