الجيب دايم ينكبني

[فؤاد بن سعدون]

لسلام عليكم ورحمة الله وبركاته اخواني انا عندي مشكله في لاندكروزر 95 بخاخ ودايم ينكبني مع اهلي المشكله هي انه بعض اللاحيان مايشتغل تقول مقطوع بنزين لازم اشغل التناكي الثاني ويشتغل والحين مايشتغل نهائي لا بزر ولا بغيره لازم انتظر عليه نص ساعه ويشتغل وانتم خابرين الايام هذي صيف الله يرحمنا واخذا مايشتغل وانت معك اهل




ودمتم سالمين

[فارس شراز]

عليكم السلام.

هذا أعراض مرض طرمبة البنزين إذغ بردت رجعت أشتغلت والله أعلم.

راح يجيك وقت يقطع ولاعاد يشتغل أبد.

[فؤاد بن سعدون]

هل طرمبه التناكيين طرمبه واحده او ثنتين

[حمزةعبدالمطلب]

عليكم السلام.

هذا أعراض مرض طرمبة البنزين إذغ بردت رجعت أشتغلت والله أعلم.

راح يجيك وقت يقطع ولاعاد يشتغل أبد.

اذا شغلت التانكي الثاني يكون البنزين بارد من مشى السيارة والهواء فتشتغل
الطرمبة من برد البنزين
اذا طفي صب مويه باردة او خرقه مبلوله وشغل اذا اشتغل معناته طرمبة
اذا ماشتغل تاكد من القسام للتانكي

[وجعين]

وشلون ما يشتغل يعني يدق سلف ولا يشتغل اذا كان كذاعب بياله حقت الشاهي بنزين وفتح الفلتر وكبه بوسطه خله تمشي مع الماصوره وشغل بسرعه اذا اشتغل الموتر تراه مايجيه بنزين يعني طرنبه ماتدفع بنزين

[العطاوي a511]

جرب غير صفايه البنزين اول

[قايد ألريم]

طرمبة بانزين اكيد

[(هزاع)]

وعليكم السلام
مشكلة موترك من الاخير (طرنبة البنزين)
غير الطرنبه والصفايه وريح مخك وحرص على ان تشتري من الوكيل او موزع معتمد
موفق باذن الله

[فؤادسعدون]

غيرت الطرمبه ولا حد الان المشكلة موجوده

[Gm.454]

صراحه ذي صارت معي بالجمس اذا كان بارد يشتغل نقرة سلف بس مجرد ما امشي عليه مشوار واطفيه وارجع اشغله مايشتغل مرره لين مايبرد مره طفيته ومارضى يشتغل جاني واحد وقال خذ بريال بنزين وصبه بالتنك المهم صبيته بالتنك واشتغل وطلعت المشكلة من الطرمبه

[حمزةعبدالمطلب]

غيرت الطرمبه ولا حد الان المشكلة موجوده

تاكد من البليتين اللي بالديلكو او الكويل
طبعا البليتين الكتروني تاكد منه عند كهربائي جيد

[فؤادسعدون]

نبي نتأكد من الديلكو وان شالله تنتهي المشكلة

[فؤادسعدون]

الحمد الله تم حل المشكلة في هي ان في واحد من الأفياش لي في علبه الفيوزات ع وشك انه ينتهي وتم تغييره من الشركه ب ٧٤ ريال والحمد الله والشكر واخواني لي شاركونا في الموضوع ودمتم سالمين