رجه عند الفرمله على السرعات العالية

[Khaled-A]

السلآم وعليكم ورحمة الله وبركاته

معي اكورد ماشيه 47 الف وعندي رجه لما اكبس فرامل على سرعه فوق ال120

رحت للصناعية عند ميكاني تركي وقالي خرط هوبات واقمشه

الاقمشة فيها نص عمر تقريبا

ودخلت على المنتدى وقوقل

بعضهم يقول اخرط هوبات وبعضهم يقول مايحتاج تخرط بمجرد تركب اقمشة جديده القماش يخرط نفسه مع الهوب

علما ان ماعمري غيرت الاقمشة ولا خرطت الهوبات

[cadillac911]

لا اخرط وغير القماشات


Liverpool for ever

[ابو محمد 276]

خرط وتغيير قماشات افضل

[Khaled-A]

جزاكم الله خير على الردود

بس الى الأن مافهمت وش العله من الخرط مع ان الهوب يلمع نظيف والرجه غالبا بالهوبات الخلفية

الفني قلي امشي عليها مامنها خطر لان باقي ع الاقمشة نص عمر

مو معقول اخرط الهوب وهو يلمع مافيه سكراتش ولا شي

[ابوراكان تبوك]

ماعليك من اللمعه عليك من نعومة الهوب

الرجه هاذي في كل السيارات تقريباً بسبب الهوب

لو تخرط الهوب الحاله تضعف معك الفرامل فتره وبعدها ترجع طبيعي

عن نفسي ما ابلش فيها بمواتري لانها تروح وترجع لكنها تبلشك احياننا في السرعات العاليه وع اللفات خصوصاً تخلف التوازن لازم تنتبه لها

[ابوسند9]

وعليكم السلام
فيه شي اسمه فحمات امام وخلف اللي هي للفرامل
وفيه شي اسمه قمشات اللي هي للجلنط با الخلف والهوب الخلفي يتكون من فحمات ,,وقماش داخل الهوب>>> االقمشات اتركها ولا تغيرها ما لها دخل بالرجه لاهي ولا الفحمات الخلفيه.
المشكله عندك من الهوبات الاماميه فقط اخرطها وركب نفس الفحمات القديمه لو فيها ربع عمر,
اما كلامك بان الهوب يلمع ,ما لها دخل اللمعه ولو شكله زي المرايه ,المشكله ان الهوب يكون فيه تعرجات وما تبان بمجرد النظر اللى لما تضع يدك على الهوب وتدور الهوب بيدك راح تحس فيها وهذا اللي يسبب الرجه وخاصه اذا كنت مسرع ودعسة الفرامل بقوه

[bosalih]

اخي العزيز خرط الهوب يضعفه ويجعله رقيق قد يسبب الرجه وحرارة الفاحمات واذا كان الهوب ملمسه غير شديد التآكل نصيحه لا تخرط لان الفحمات تتشكل بحسب تعرجات الهوب

[فؤاد بن سعدون]

غير اقمشه وخرط هوبات

[Khaled-A]

اليوم فكيت جميع الكفرات وعملت ترصيص

وفحصت الهوبات

نظيفة جددا ومافيها اي خدوش يعني لو تمرر الاظفر على الهوب بتلاحظ مافيه الا خموش جدا جدا بسيطه بصنفره تروح

عاد العلم اني مضيع اسوي صنفره واركب الاقمشة ولا اخرط واركب اقمشه

[ذيب سايه]

سوي صنفره للهوب مادام انه جديد ، لاتخرطه نصيحه لانه ماينخرط الا اذا انعدم وصارت فيه تعرجات واضحه

[ابوسند9]

اليوم فكيت جميع الكفرات وعملت ترصيص

وفحصت الهوبات

نظيفة جددا ومافيها اي خدوش يعني لو تمرر الاظفر على الهوب بتلاحظ مافيه الا خموش جدا جدا بسيطه بصنفره تروح

عاد العلم اني مضيع اسوي صنفره واركب الاقمشة ولا اخرط واركب اقمشه
والله لو الهوب انعم من خد البنت
ما دام رجه مع الفرامل هذي خرط هوبات اماميه فقط ,,والقماش والفحمات الخلفيه يا مسلم ماله دخل بالراجه القماش للجلنط فقط والفحمات الخلفيه برضو ما تسبب رجه ولو بدون فحمات ,,
انت لا تخسر وتغير كل شي اخرط الهوبات الاما ميه فقط وركب الفحمات القديمه ..
والهوب الامامي لو هو متحفر ومتمخش ماله دخل بالرجه
المشكله اذا جاك زي المرايه لكن يكون فيه تعرج بسيط جدااا ما تكشفه اللى المخرطه اخرط ب 150 ريال وريح مخك

[عابد عبود]

اسمع كلام الرجال واخرط الهوبات وركب الفحمات القديمه