المساعد الشخصي الرقمي

مشاهدة النسخة كاملة : الانفرتر وما ادراك عن ؟


علمتني الايام
05/05/2014, 10:01 PM
يا اخواني الي يعرف اي معلومه عن المحول 800 W لايبخل عليه عشان قررت اشتريه

وسؤال الاهم هل اقدر اشغل المحول الانفرتر 6 ساعات متواصله ع البطاريه والسياره مطفيه ولا لازم تكون شغاله وهل لو اشترية بطرية خارجيه وشحنتها في البيت ورحت فيها الاستراحه وشغلت عليها 10 لمبات بتكمل 6 ساعات متواصله وهل المحل 800 اط يشغل دنمو ماء ربع حصان

بنتظار مشاركة الطيبين
الصيادالمليح
05/05/2014, 11:11 PM
على حسب الاجهزة اللي بتشغلها فهناك اجهزة ٢٠ واط و ٣٠ واط و ١٠٠ واط فلو جمعتها لابد تكون اقل جهد من جهد المحول وكل ما زادت الاجهزة زاد التحميل على الجهاز و استهلك كهرباء اكثر من البطارية و الافضل انك تشغل السيارة من فترة لاخرى عشان لا تفضى البطارية ولو تركب بطارية اضافية يكون افضل حتى لا تتاثر البطارية الاساسية
عبدالرحمن.1
05/05/2014, 11:16 PM
لكل جهاز قدرة كهربائية اجمعها وشف كم المجموع ﻻزم يكون اقل من 800واط
علمتني الايام
06/05/2014, 07:19 PM
تسلمون ع التوضيح ولكن انا بشتري بطاريه خارجيه وشحنها في البيت وبشغل عليها 600واط وحجم البطاريه 100 أمبير

كم ساعه البطاريه بتشتغل تكمل 6 ساعات والا اقل ضروري اعرف
علمتني الايام
07/05/2014, 01:39 PM
بنتظار ردودكم كم ساعه تشتغل البطاريه والسياره مو شغاله اذا كان مجموع ما استهلك 500 واط
مجالس الرجال
07/05/2014, 06:28 PM
اعطيك تجربتي
بطارية ٢٠٠ امبير
تشغيل هيتر ١٣٠٠ وات
المدة لم تتجاوز ٢٥ دقيقة
وعلى ذلك قس وقارن
علمتني الايام
07/05/2014, 07:36 PM
فهمت من كلامك ان البطاريه ماراح تطول معي بيخلص شحنها ع طول
الصيادالمليح
07/05/2014, 07:45 PM
الافضل انك تسوي تجربة عملية
وتشغل جميع الاجهزة اللي تحتاجها
لان مدة التشغيل تعتمد على عدد الاجهزة و الجهد المستخدم
علمتني الايام
09/05/2014, 11:54 AM
انا استهلاكي 400 واط لمدة 5 ساعات وسوالي هل البطريه اذا شحنتها تكمل 5 ساعات ولا ماتكمل
sameer_1798
10/05/2014, 01:40 AM
البطارية 100 امبير تشغلك 400 واط لمدة 3 ساعات .... هذا لو كان الجهد اللي تستخدمه نفس جهد البطاريه يعني 12 فولت ,,, لكن لو بالمحول راح يستهلك اكثر على حسب كفائته يعني يمكن حول 2 ساعتين وتنتهي البطاريه .
لذلك انت يبي لك بطاريتين 100 امبير عشان تشغل 400 واط لمدة 5ساعات
وتوصل البطاريتين على التوازي (الموجب بالموجب والسالب بالسالب)

أو تخليك على بطارية 100 امبير وتخلي السيارة شغاله على طول .
اسدهم
10/05/2014, 02:19 AM
من جد بيعطيك 800
ياخي الماطور مكتوب علية 2500 ولا يعطيك 1000 اذاهو نشيط بعد اتوقع يعطي اقل لايهمك الكتابة يالله تشوف بعينك انة يعطي 800
الله يوفك يالغلا