حرارة الموتر ترتفع مع المشي ؟

[الباااحث]

بسم الله ..
كما هو مذكور في الاعلان عندي باترول سوبر سفاري 97 بخاخ انا مبدله مراوح كهرب بدل مروحه الكلتش واذا كان الموتر واقف والمكيف شغال مافيه حراره وداخل المدينه مافيه حراره وعلى الخط الى 110 مافيه مشكله لكن اذا عديت ال 110 تطلع الحراره وكل مامشيت اكثر تطلع اكثر يعني تقريبا مشي 150 ووصلت الحراره النص واذا هديت تنزل ؟

[sgl2002]

الرديتر مسدود

[عبقري91]

رديتر. هو الي الي يسبب الحراره بالخط ظ

[ابوعزآم]

سيخ الرديتر

[اسدهم]

شيك ع البلف الحرارة علا كم تخلي يفتح درجة كم
وبعدين شيك ع البلوف لعا دوركبير من واقع تجربة ويشرب بنزين فوق الطبيعي
بعدين شيك علا دائرة الريديتر كاملة لا تخلي شي
خراطيش
ليات
تسيخ
تركيب مو ية الخضرا جي ام سي وحلها ب موية صحة ام 4 ريال تكفي

[مطر وسم]

الوكاد انه الاديتر وسخان ومتسدد سو له تسييخ وان شاء الله يضبط معك صار معي نفس حالة سيارتك بجيب باثفندر 98 سيخت الاديتر وما شاء الله صار الموتر مايعرف الحراره مايتعدى الربع ابد لو بعز الحر مع المكيف


تحياتي لك

[العطاوي a511]

المراوح رحكتها وصار نفس موضوعك رجعت مروحه الوكاله صار بالخط يبرد بالوقوف يحتر البلا من المراوح ماتلحق تبرد ولافيه احد يوفر مراوح قويه بالخليج

[متقاعد مبكر]

ممكن يكون عندك الخراطيش تقفل مع المشي

[يالبى الهلا]

رجعة مروحة شد بلدة ويضبط ان شاء الله تعالى المراوح مافيها خير لان ماتلحق علي تبريد المكينه خاصة مراوح سوبارو وكماروا
ركب مراوح المانيي وانس الحرارة

[abo aryam]

السلام عليكم
مثل ماقالوا الشباب مراوح السوبارو اضعف من اللازم .لأن كل مكينة تحتاج لقوة سحب معينة حسب عدد السلندرات بعد ما تتأكد من اللديتر مهو متسدد والخراطيش ماتتسفط فالمشكلة من المراوح اكيد. تحياتي,,,

[الباااحث]

بيض الله وجوهكم على الردود والغالبيه منكم يقولون سيخ الرديتر وجاري العمل بهذه النصيحه وشكرا للجميـــــع

[صويب البرق]

ماأبغى اوسوسبك الحراره هذي بحد ذاتها خراب يصعب تفسيره وله عدة اسباب من كثر مابهذلتني ابقولك بعضها عندك الراديتر سوله تسييخ ويرجع لكن مايطول وبلف الحراره وراس الماكينه اذا به تنسيم بسيط يسخن الموتر مع الخط وطرمبة الماء مع السرعه يقل دفعها وتسبب حراره وكلتش المروحه اذا كان توماتيك يجيه ضغط ويفصل مع الرعه ومنظم الدعسه تكتم فيه ليات التبريد ويسخن بالموتر ومثل ماقالو الاخوان خراطيش الماء لكن نصيحه مني اذا موترك ماتعرض لحراره قبل مثل فقدان الماء من الراديتر ابدأ بتسييخ الراديتر واذا مافاد فك البلف وان شالله انها بسيطه والله يوفقك

[علي101]

معلومة:
المراوح ما لها دخل .
على سرعة 150 الهواء الداخل للاديتر والمكينة اقوى من اي مروحة .
والله يعين

[محب الهيف]

مشكلتك الله وعلم ان يبي له تسييخ

[ابوسند9]

المراوح رحكتها وصار نفس موضوعك رجعت مروحه الوكاله صار بالخط يبرد بالوقوف يحتر البلا من المراوح ماتلحق تبرد ولافيه احد يوفر مراوح قويه بالخليج
هذا الكلام ولا تتعب نفسك ولا تخسر رجع مراوحة شد البلد وجرب
المراوح الكهربائيه كل ما تسرع ترتفع الحراره ,,ولو تخليه شغال شهر وهو واقف ما عندك مشكله تنزل
ومروحة شد بلد العكس صحيح

[abo aryam]

معلومة:
المراوح ما لها دخل .
على سرعة 150 الهواء الداخل للاديتر والمكينة اقوى من اي مروحة .
والله يعين

السلام عليكم
ممكن تفيدنا عن مصدر هذه المعلومة مشكوراً.
حيث سبق لي ان جربت المشي بسيارتي بدون مروحة لعدم علمي بعطلها في بادئ الامر لم الحظ ازدياد الحرارة ولكن استمرت الحرارة في الارتفاع ولم تنفع معي نظرية الهواء اقوى من أي مروحة .اضطررت للتوقف.
السيارة كامري مراوح كهرب بلد تعطلت بسبب انقطاع الدائرة الكهربائية (فيوز)وعند ربط الدائرة رجع الوضع طبيعي
تم اضافة مقطع لايضاح ارتباط المراوح الكهربائية بعدد سلندرات المحرك , مراوح السوبارو مصممة لمحركات 4 سلندر
http://www.youtube.com/watch?v=z8_JT0ezqGw

[ابوريان 470]

شيك على الاديتر والخراطيش وغطى الاديتر قبل تغير المراوح

[علي101]

السلام عليكم
ممكن تفيدنا عن مصدر هذه المعلومة مشكوراً.
حيث سبق لي ان جربت المشي بسيارتي بدون مروحة لعدم علمي بعطلها في بادئ الامر لم الحظ ازدياد الحرارة ولكن استمرت الحرارة في الارتفاع ولم تنفع معي نظرية الهواء اقوى من أي مروحة .اضطررت للتوقف.
السيارة كامري مراوح كهرب بلد تعطلت بسبب انقطاع الدائرة الكهربائية (فيوز)وعند ربط الدائرة رجع الوضع طبيعي
تم اضافة مقطع لايضاح ارتباط المراوح الكهربائية بعدد سلندرات المحرك , مراوح السوبارو مصممة لمحركات 4 سلندر
http://www.youtube.com/watch?v=z8_JT0ezqGw

وعليكم السلام ورحمة الله وبركاته
والله يا صاحبي هذا كلام العقل ويحتمل الخطأ وهو اقرب للصواب بالنسبة لي
ومثال نظريتي كالتالي :
افتح الكبوت وتحسس قوة دفع المروحة -وهي في اقل درجاتها- واخرج يدك او راسك من الزجاج على سرعة 150 ؟ على هذا كتبت المعلومة السابقة.
والله يستر ويعين الجميع

[هاوي بلادي]

شيك ع البلف الحرارة

سيخ الرديتر

والماء اسي ديكو اخضر

وكذلك غطاء اخذ اصلي

وفالك التوفيق

[الناطل]

يارجال خذ العلم وعن تجربة

معي ماكسيما وسبحان الله نفس مشكلتك بالضبط

وغيرت الرديتر وزبط الموتر وراحت الحرارة ولي سنتين مية مية

طبعا رديتر الماكسيما صغير ولا ينفع معه التصييخ

وماادري عن رديتر الباترول

والمراوح لو خربانة السيارة بتسخن وهي واقفة

يعني مستحيل تكون مراوح

[الحميضاني]

اخوي جيب قريب لي نفس مشكلتك وعليه مراوح كهرب مع الخط ترتفع والسسبب الرديتر اوغيره وظبطت الامور وانصحك بالاردني

[eameh]

تاكد من غطا الاديتر ورقمه انه يكون له موب لسياره ثانيه لان الغطا فيه بلف مثل بلف الحراره والعماله ما تعرف كوعها من بوعها لا يكون مغير برقم ثاني ترا تصير كثير يقول توني شاريه جديد ويحقرونه وهو مصيبه لمن يختلف الارقام وما يكون مخصص لنوعيه سيارتك