وش الحل مع رجة البالون !

[kasdar]

السلام عليكم

اخواني موتري فيه رجه بسيطه ولا تكاد تحسبها فتك 2005

لاكن اليوم ركبت بوالين مع جنوط 16 تجاري
والجنوط خذيتها باكياسها
والبالون نص عمر

لاكن المشكله صراحه محد يتحمله

طول الوقت الوقت امشي 70
اذا مشيت 80 يرج رج ماهو صاحي ليما انزل الى 50 تقريبن وتروح

وش الحل لني افكر اشيل البالون

[مجالس الرجال]

الحل طال عمرك اذا مالك حاجة بالبالون فطع شوري فكهن لانهن غثاء وهن على جنوط اصليه كيف عاد لو على تجاري سبق رصصت بالون على جنط هلل تجاري طلب ترصيص 1380 غرام بعمري مامرت علي مثل هاللون واذا لك حاجة فيه مثل حصيان ووعر فركب بالون جديد وجنط اصلي وترصيص ارضي وعلى الزفلت خل الهواء على 35 وفيها
ولا تنسى شيك على الرمان ومساعد الدركسون وجلد عمود البنهارد والاذرعة

[kasdar]

البالون والله استخسر عليه الجديد
وكم شهر ويتمسح
والجنوط نار الله الموقده اذا التجاري 1400

وبطنه ملاحظت عليه اي شي الا مسامير التوازن

[المستزيل]

رصص عند العضيب ترصيص ارضي راح تروح الرجه

[محب الهيف]

احذفهم لا وزيدك من الشعر بيت
يخرب عليك دوده الدركسون

[kasdar]

رصص عند العضيب ترصيص ارضي راح تروح الرجه
المشكله وانا اخوك اني بحائل وماعندنا فرع له

والموتر رصصته كمبيوتر ولا استفدت اي شي
ونفس المحل الي رصصته عنده قالي حتى الترصيص الأرضي ماراح تستفيد منه


احذفهم لا وزيدك من الشعر بيت
يخرب عليك دوده الدركسون

هذا الي خايف منه والله

[المستزيل]

كان مالك لزوم به خله يولي ،، هو صحيح يعطي منظر لكن يظر اكثر

فالاصلح جنب وانا اخوك

[MSAN]

اضغطه هواء حول ال60 وتروح الرجة


بالتوفيق

[ابو خــــالد]

يالغالي
اللي قالك أرضي ماينفع ماعنده سالفه
انا مجرب 3 أنواع من البالون وعلى موتري حالياً بالون
بختصار البالون ماينفع له الا ترصيص أرضي
والكمبيوتر جربته ماينفع

[ابوسند7716]

وعليكم السلام ...
تجربتي مع البالون ترصيص ارضي وهواء نتروجين والسيارة حوض فتك والجنوط تجاريه .
ملاحظه /الجنوط التجاري يجي معه طقم صواميل هذي لاتركبها ولاتقربك ابدا تقطم عليك الصواميل وكذلك هي أحد اسباب الرجه
اتمنى اني افدتك
وشكرا

[مجالس الرجال]

بالنسبة للهواء فالكفر له طاقة محددة يتحمله اخونا اللي اقترح تعبئته 60 مخطي مثلا بالون ماكسس اقصى ضغط يتحمله 45 وهذا مكتوب على الكفر
وحنى الحمولة مكتوبة على الكفر فالدعوى مهب اجتهادات

[عابر الموج]

البالون على الجنط التجاري يرج على جنط الوكالة مايرج حتى لو كنت ماترصصة من واقع تجربة ولاتاخذ بالون المنقوش علية شكل نخله خايس مرة خذا البالون النوع الي مايجي عليه نقشة نخلة بالتوفيق

[وجعين]

عن تجربه وخبره سنين بكفر البالون البالون اذا انتصف عمره او فوق النص بشوي يبدى يرج وحله تفك الكفرات وتشوتهن شوت وتركب جدد ولا ترى يبي يتفكك موترك منهن اكثر الناس يقضي على كفراته بوقت قياس يحط الهو 15 اوعشرين ويروح عليهن مشاوير طويله وهذا الي يخليهن ينسحلن غير ارتفاع حرارتهن وهذا سبب يخلي مكونات الكفر تحترق لو بدى لك من الخارج انه نص عمر

[ابو ساره العنقري]

والله اني مثلك انعل قلبي منهن

بحايل مالقيت سنع وجنوطي تجاريه