عندي مشكله بسيطه فالباترول

[ذيب سايه]

السلام عليكم



عندي باترول 2008 ربع ، يوم امشي عليه فالخط ممتاز ماشاء الله ولاعليه كلام لكن اذا جيت اوقف فالاشاره مثلاً او عند اي لفه اهدي السرعه اسمع صوت ونّه من قدام ، وصوت الونه مايطلع الا اذا كنت مسرع او ماشي كثير بعدين هديت او جيت اوقف السياره ، الصوت نشبني وزاد في مره من المرات كنت طالع لضلع طويل وشغلت الدبل الخفيف ومسافة الطلوع حول 45 دقيقه ، الزبده بعد ماطلعت ومشيت زاد صوت الونّه وقعد عشر دقايق وراح ..

انا شكّيت فالركب قلت ابي أشحمها وان اثرها مالها مشاحم . والدفرنسات الحمد لله مافيها تهريبات .!!


اللي عنده خبره يفيدني وش ذا الصوت وايش اسبابه .

[كهرووب]

هذي المشكله من الرمان حق الهوبات الاماميه

[محب الهيف]

يفيدونك الاخوان ان شاء الله

[ابوسند9]

وعليكم السلام
طيب اخوي الونه جرب اذا طلعت تفضي السياره وتدعس بنزين من شان تتاكد ان الصوت من المكينه ام لا, اي من مثلا رمان الدينمو او دودة الدركسون او احد الشدادات
ورمان الركب لكي تتاكد منها ارفع الكفر وامسك الفكر يد فوق ويد اسفل وهز الكفر للداخل والخارج ,,واذا فيه فضاوه شدها

[اسدهم]

انت كذا ؟؟؟؟؟؟؟؟؟؟؟؟

[ذيب سايه]

الله يعطيكم العافيه ،


الصوت انا متأكد انه مو فالمكينه ولا فالدفرنس ، الصوت انا شاك انه يطلع من عند الكفرات ، لكن كيف اعرف اذا انه رمان هوب او رمان الركبه ،؟؟؟

[ذيب سايه]

اللي عنده علم يجاوبني الله لايهينكم ، وانا ارجح ان سبب الصوت هو الرمان لكن ابي من يعلمني طريقته .