تكفون تكفون يا أهل العقول الرشيدة خبروني عن النيسان الحوض 2014 توماتيك

[htham]

أخواني السلام عليكم ورحمة الله وبركاته أما بعد
ابي فزعتكم و مشورتكم عن النيسان الحوض 2014 توماتيك وما قبله مميزاته عيوبه سعره في السعودية و سعره بالخليج ومقارنته عندنا وعندهم وكذلك بالعادي والتايوتا الحوض

وان بغيت اشتريه من الخليج وش المطلوب من إجراءات حتى يكون ملبق و واقف عند البيت :)
ولكم مني جزيل الشكر و الثناء ... مقدماً
أخوكم هُذام
صورة1
http://img1.haraj.com.sa/userfiles30/2014-02-15/52ff4b19974c8.jpg

صور2
http://img1.haraj.com.sa/userfiles30/2013-07-24/51ef182034a99.jpg

صورة3

http://img1.haraj.com.sa/userfiles30/2014-04-08/53441dcc309da.jpg

صورة4
http://farm4.static.flickr.com/3065/2732629714_7a9ef9f56f_z.jpg?zz=1

صورة5

http://farm4.static.flickr.com/3161/2634545984_1323727e99.jpg

صورة 6

http://farm4.static.flickr.com/3217/3099866689_03725b9cfd_z.jpg?zz=1

صورة 7

http://farm3.static.flickr.com/2300/2427598924_4c3e35efdd.jpg

[سيد النشاما..]

والله يالحبيب ماعليش على الشطحة ولكن الجمس تراه أطيب
عزم واقتصادي وراحة وصوت طرب والطلب عليه أكثر من شاص الفتك عند الشرّاية
كان معي جمس والحين شاص بس أحتمال كبير ارجع للجمس لأنه أطيب الحقيقة

[htham]

والله يالحبيب ماعليش على الشطحة ولكن الجمس تراه أطيب
عزم واقتصادي وراحة وصوت طرب والطلب عليه أكثر من شاص الفتك عند الشرّاية
كان معي جمس والحين شاص بس أحتمال كبير ارجع للجمس لأنه أطيب الحقيقة

بركت اخي الحبيب سيد النشاما و بيض الله وجهك
والامريكي ما لي رغبة فيه خصوصا لا بغيت المكشات

[تساهيل1]

نيسان وتماتيك وش خليت

انا اقول اذا تبي شاص عليك بتويوتا

واذا تبي تماتيك عليك بالسييرا يجملك 8 سرندل

[htham]

راي حلو ومفيد جزاك الله خيراً

[zlzal]

أخواني السلام عليكم ورحمة الله وبركاته أما بعد
ابي فزعتكم و مشورتكم عن النيسان الحوض 2014 توماتيك وما قبله مميزاته عيوبه سعره في السعودية و سعره بالخليج ومقارنته عندنا وعندهم وكذلك بالعادي والتايوتا الحوض

وان بغيت اشتريه من الخليج وش المطلوب من إجراءات حتى يكون ملبق و واقف عند البيت :)
ولكم مني جزيل الشكر و الثناء ... مقدماً
أخوكم هُذام
يامرحبا
شوف يالغالي النيسان مايعلى عليه راحه وقوه وعزم
انا عندي خليجي 2013 قير عادي قزاز كهرب ثلاجه دفلوك ولا احلى منه
بالنسبه للخليجي ارخص واجد وتقدر تاخذه من هنا فيه معرض العرجاني بالخرج
شوف اسعاره في موقع حراج اسمه ابوحسين تعاملت معه رجال يخاف الله
وتقدر تدخله على ضمان العيسى 3 سنوات او 60 الف كيلو
الشي الثاني
اذا انت راعي بر ومقناص وجور خذ قير عادي
اما اذا انت راعي كشتات ومقناص خفيف خذ قير تماتيك
انشاء الله اني افدتك واي خدمه حاضر
تقبل تحياتي

[htham]

نيسان وتماتيك وش خليت

انا اقول اذا تبي شاص عليك بتويوتا

واذا تبي تماتيك عليك بالسييرا يجملك 8 سرندل

راي حلو وفايدة لكن لما سألت قالوا عنه قطع غياره نار
لكن كيف السيرا بالبر

[htham]

يامرحبا
شوف يالغالي النيسان مايعلى عليه راحه وقوه وعزم
انا عندي خليجي 2013 قير عادي قزاز كهرب ثلاجه دفلوك ولا احلى منه
بالنسبه للخليجي ارخص واجد وتقدر تاخذه من هنا فيه معرض العرجاني بالخرج
شوف اسعاره في موقع حراج اسمه ابوحسين تعاملت معه رجال يخاف الله
وتقدر تدخله على ضمان العيسى 3 سنوات او 60 الف كيلو
الشي الثاني
اذا انت راعي بر ومقناص وجور خذ قير عادي
اما اذا انت راعي كشتات ومقناص خفيف خذ قير تماتيك
انشاء الله اني افدتك واي خدمه حاضر
تقبل تحياتي

بركت أخي الحبيب وشكرا جزيلاً على هالمعلومة لكن سعره كم ؟

[zlzal]

بركت أخي الحبيب وشكرا جزيلاً على هالمعلومة لكن سعره كم ؟
http://haraj.com.sa/114204960/%D8%B4%D8%A7%D8%B5%D8%A7%D8%AA_%D9%86%D9%8A%D8%B3% D8%A7%D9%86_2014_%D8%AE%D9%84%D9%8A%D8%AC%D9%8A/
انا اخذته شهر 8 ميلادي 2013 بسعر 98500

[sgl2002]

ليت اللي يردون يتكلمون عن تجارب عشان الرجال يستفيد اكثر


بفيدك انا بقطع الغيار ترى الياباني كله واحد غالي



وانا بفيدك باستخدامي للشاص التويوتا

استخدمت انا اثنين ٢٠٠٩ وبعته وبعده ٢٠١٠

موتر منظر فقط

لكن قوة عاديه مايتميز عن غيره من الجيوب الباترول واللاندكروزر
راحه معدومه وتصير تكره الروحه للبر بسبته
سريع الانقلاب ورساوته صفرررر


هذي تجربتي له وانت لك الخيار

[htham]

http://haraj.com.sa/114204960/%D8%B4%D8%A7%D8%B5%D8%A7%D8%AA_%D9%86%D9%8A%D8%B3% D8%A7%D9%86_2014_%D8%AE%D9%84%D9%8A%D8%AC%D9%8A/
انا اخذته شهر 8 ميلادي 2013 بسعر 98500

جديد والا مستعمل ومن وين؟

[htham]

ليت اللي يردون يتكلمون عن تجارب عشان الرجال يستفيد اكثر


بفيدك انا بقطع الغيار ترى الياباني كله واحد غالي



وانا بفيدك باستخدامي للشاص التويوتا

استخدمت انا اثنين 2009 وبعته وبعده 2010

موتر منظر فقط

لكن قوة عاديه مايتميز عن غيره من الجيوب الباترول واللاندكروزر
راحه معدومه وتصير تكره الروحه للبر بسبته
سريع الانقلاب ورساوته صفرررر


هذي تجربتي له وانت لك الخيار

حلو استفدت بيض الله وجهك وحفظك من كل سوء والجميع

[بوعمير]

الشاص النيسان ماعليه كلام موتر كد ومد، والقير الاوتوماتيك مرغوب في قطر والامارت أكثر من القير العادي والعالم تكشت وطعس وأموره طيبه. أستخير والله يوفقك.

[zlzal]

جديد والا مستعمل ومن وين؟
انا ماخذه جديد من معرض العرحاني في الخرج
واذا تبي نصيحتي خذلك 2013 مايفرق عن 14

[راعي الرود]

سييرا اتش دي 2013 غمارة عند الجميح عليه عرض بـ86 الف اصفار
اتوقع هو الانسب دامك تبي قير تماتيك اما لو تبي عادي النيسان ممتاز .. التماتيك يضيع من عزم الموتر شوي بالمواتر اليابانيه و السييرا مكينته مهيب صاحيه و قير 6 سرعات تبترونك

[العاطفي M]

توكل على الله وخذه وانت مغمض موتر ماله منافس حالياً في سعره وجودته

بس انصحك خذ ياي لا تخاذ سست اريح لك تكشت وانت مستانس مو ترجع مكسر ظهرك

بالنسبة لقطع غياره اسعارها معقوله معي فتك حوض 2012 فاكه وكالة من العيسى ولا اشتكيت منه ولله الحمد

[htham]

توكل على الله وخذه وانت مغمض موتر ماله منافس حالياً في سعره وجودته

بس انصحك خذ ياي لا تخاذ سست اريح لك تكشت وانت مستانس مو ترجع مكسر ظهرك

بالنسبة لقطع غياره اسعارها معقوله معي فتك حوض 2012 فاكه وكالة من العيسى ولا اشتكيت منه ولله الحمد

مشكور اخي العاطفي وبيض الله وجهك على المشاركة

[عمرالتميمي]

الباترول موتر الصحراء الأول ومأحد ينكر هالشيى وانا اقولك احسنت الاختيار اماالتايوتا اذا انت تبي تخذ بدون دفلك لا يقربك سيارت تحميل ولايجملك خصوصا بالمناطق الرملية العلاق ولم طعبا هناك فرق بالقيمة لصالح النيسان
انا شريت واحد 12 اصفار بعته ماشي 40الف اكثر ممشاه مقانيص
ماشف بالموتر شي لكن فيه عيوب بسيطة ضيق الغمارة ضعف العازل الارضي طعبا للي معي دفلك بدون ثلاجة وشيش الهواء عالي السبب حناي الصندوق طالعه عن الغمارة .وللي معي قير عادي لكن التامتيك ممتاز وهو بالباترول من 2002
وترا الموتر خفيف بالحيل وينومسك

[ابو محمد 2222]

اذا بتاخذ تماتيك عليك بسييرا hd z71
يركبون 4 معك بلغماره مهو 2 مثل الشاص
مكينه حول ال400حصان
بس بيغيرون شكله 2015 كانك مهتم

[اسبيدر مان]

ليت الي جربو السياره يفيدونا الحقيقه من خلال بحثي عنه بالمواقع لقيت ناس يشتكون من غطيان تانكي البنزين وانها تهرب بنزين وهي مسكره وايضا ناس يشتكون من طرمبة البنزين التانكي الاحتياطي مو شغاله ولاتقدر تحول للتانكي الثاني ايضا ناس تشتكي من حره او رجه خفيفه على سرعة ١٢٠ و ١٠٠
والمشكله السياره ماعليه ضمان ويمكن فيه شح بالقطع بسبب عدم وجود وكيل في بعض مناطق المملكه

[htham]

الباترول موتر الصحراء الأول ومأحد ينكر هالشيى وانا اقولك احسنت الاختيار اماالتايوتا اذا انت تبي تخذ بدون دفلك لا يقربك سيارت تحميل ولايجملك خصوصا بالمناطق الرملية العلاق ولم طعبا هناك فرق بالقيمة لصالح النيسان
انا شريت واحد 12 اصفار بعته ماشي 40الف اكثر ممشاه مقانيص
ماشف بالموتر شي لكن فيه عيوب بسيطة ضيق الغمارة ضعف العازل الارضي طعبا للي معي دفلك بدون ثلاجة وشيش الهواء عالي السبب حناي الصندوق طالعه عن الغمارة .وللي معي قير عادي لكن التامتيك ممتاز وهو بالباترول من 2002
وترا الموتر خفيف بالحيل وينومسك

اخي الكريم عمر التميمي لك مني جزيل الشكر والثناء على المرور و المشاركة

[abahal]

موتر يستاهل انا طلعت فيه كثير مكاشيت وجرلنا السيرا والتايوتا كلهم غير مريحين واقل رساوه
الواحد يطلع البر يوسع صدره مو يكسر جسمه لاعادها من كشته

[سيد النشاما..]

بركت اخي الحبيب سيد النشاما و بيض الله وجهك
والامريكي ما لي رغبة فيه خصوصا لا بغيت المكشات

أنا دوجاني في خدان وعرة وراعي صيد يالغالي . كانها على المكاشيت سهلة الددسن أبو دفرنس واحد يقضي اللزوم

[htham]

اذا بتاخذ تماتيك عليك بسييرا hd z71
يركبون 4 معك بلغماره مهو 2 مثل الشاص
مكينه حول ال400حصان
بس بيغيرون شكله 2015 كانك مهتم

اخي الكريم أبو محمد لك مني جزيل الشكر والثناء على المرور و المشاركة
الأمريكي عمره قصير أن زبنت البر يبي مدارات و موارب

[htham]

ليت الي جربو السياره يفيدونا الحقيقه من خلال بحثي عنه بالمواقع لقيت ناس يشتكون من غطيان تانكي البنزين وانها تهرب بنزين وهي مسكره وايضا ناس يشتكون من طرمبة البنزين التانكي الاحتياطي مو شغاله ولاتقدر تحول للتانكي الثاني ايضا ناس تشتكي من حره او رجه خفيفه على سرعة 120 و 100
والمشكله السياره ماعليه ضمان ويمكن فيه شح بالقطع بسبب عدم وجود وكيل في بعض مناطق المملكه

اخي الكريم سبيد مان كنت بمعارض الرياض قبل يومين وركبت الموتر 2014 وشفته صحيح غطيان البزين مكشوفة يلزم لها مفاتيح عند التعبئة أما التهريب فهذي مشلكة وكذلك الطرمبه و الحره
لك مني جزيل الشكر والثناء على المرور و المشاركة

[htham]

موتر يستاهل انا طلعت فيه كثير مكاشيت وجرلنا السيرا والتايوتا كلهم غير مريحين واقل رساوه
الواحد يطلع البر يوسع صدره مو يكسر جسمه لاعادها من كشته

هههههه :D
اخي الكريم abahal لك مني جزيل الشكر والثناء على المرور و المشاركة

[zlzal]

ليت الي جربو السياره يفيدونا الحقيقه من خلال بحثي عنه بالمواقع لقيت ناس يشتكون من غطيان تانكي البنزين وانها تهرب بنزين وهي مسكره وايضا ناس يشتكون من طرمبة البنزين التانكي الاحتياطي مو شغاله ولاتقدر تحول للتانكي الثاني ايضا ناس تشتكي من حره او رجه خفيفه على سرعة 120 و 100
والمشكله السياره ماعليه ضمان ويمكن فيه شح بالقطع بسبب عدم وجود وكيل في بعض مناطق المملكه

الظاهر انك ماجربت السياره ولا شريتها كلام تردده من النت
بعدين من قالك ماعليها ضمان الضمان عليها لمده 3 سنوات على الخليجي ويضمنه العيسى في السعوديه لمده 3 سنوات

[sgl2002]

ليت الي جربو السياره يفيدونا الحقيقه من خلال بحثي عنه بالمواقع لقيت ناس يشتكون من غطيان تانكي البنزين وانها تهرب بنزين وهي مسكره وايضا ناس يشتكون من طرمبة البنزين التانكي الاحتياطي مو شغاله ولاتقدر تحول للتانكي الثاني ايضا ناس تشتكي من حره او رجه خفيفه على سرعة 120 و 100
والمشكله السياره ماعليه ضمان ويمكن فيه شح بالقطع بسبب عدم وجود وكيل في بعض مناطق المملكه

اخوي انا اشوف انتشاره بشكل عجيب خلال عامين فقط


بالنسبه للرجه كلامك صحيح بكل الباترولات لكن ترى الناس تزودها

الرجه تراها بسيطه لكن الناس يبون موتر زي الالماني ماتسمع له حس

ومعذور الباترول يوم يرج بسبب كبر دفرنسه الامامي


اما بالنسبه للتانكي الاحتياطي تراه فيوز بس اول ماتخاذه تحصله مفصول اللي موجود بالغماره


وتهريب البنزين انت تقصد تبخير وهذا طبيعي بسبب قوة الضغط داخل التانكي واي موتر وقت الصيف وقف عند تانكيه وشف التبخير


وبالاخير تراه موتر بدائي مافيه اي تقنيات
يعني لابد تضحي ببعض الشغلات على اساس السعر المنخفض

[اسبيدر مان]

الظاهر انك ماجربت السياره ولا شريتها كلام تردده من النت
بعدين من قالك ماعليها ضمان الضمان عليها لمده 3 سنوات على الخليجي ويضمنه العيسى في السعوديه لمده 3 سنوات

لا ياالغالي انا ماجربته مع ان عندي رغبة في اقتنائه لهذا السبب انا ابحث عنه لانه
موتر فيه اغلب احتياجاتي
دفرنسات اماميه وخلفيه ياي دبل وقير عادي صندوق كبير جميل مظهره ماعاد الخلفيه لك عليه شوي دفلك مكينه راس واحد بس ناقصه ونش ويكمل الزين
بنسبه للضمان حصلته في معارض القصيم ويقول راعي المعرض ماعليه ضمان وسعره 108 الف بسمك

[اسبيدر مان]

اخوي انا اشوف انتشاره بشكل عجيب خلال عامين فقط


بالنسبه للرجه كلامك صحيح بكل الباترولات لكن ترى الناس تزودها

الرجه تراها بسيطه لكن الناس يبون موتر زي الالماني ماتسمع له حس

ومعذور الباترول يوم يرج بسبب كبر دفرنسه الامامي


اما بالنسبه للتانكي الاحتياطي تراه فيوز بس اول ماتخاذه تحصله مفصول اللي موجود بالغماره


وتهريب البنزين انت تقصد تبخير وهذا طبيعي بسبب قوة الضغط داخل التانكي واي موتر وقت الصيف وقف عند تانكيه وشف التبخير


وبالاخير تراه موتر بدائي مافيه اي تقنيات
يعني لابد تضحي ببعض الشغلات على اساس السعر المنخفض

هذه المشكلات موجود في الرابطه حقت شاص النيسان بالمنتدى ولا ادري عن كلام الناس لكن لاحد اقاربي فتك 2009 سافرت عليه مرات ومرات ولا لحظت لا رجه ولا غيره

[zlzal]

لا ياالغالي انا ماجربته مع ان عندي رغبة في اقتنائه لهذا السبب انا ابحث عنه لانه
موتر فيه اغلب احتياجاتي
دفرنسات اماميه وخلفيه ياي دبل وقير عادي صندوق كبير جميل مظهره ماعاد الخلفيه لك عليه شوي دفلك مكينه راس واحد بس ناقصه ونش ويكمل الزين
بنسبه للضمان حصلته في معارض القصيم ويقول راعي المعرض ماعليه ضمان وسعره 108 الف بسمك

هلا بك يالغالي

غريبه يقولكك ماعليه ضمان هذا يعني ان الموتر فيه شي او انه ماهو خليجي انحش منه
شوف اي موتر خليجي يدخل للضمان غصب عن الوكاله
انا موتري خليجي ودخلته الضمان عن طريق التلفون فقط طلبو علي رقم الشاص واسم المالك والمعرض وراسلو الشركه الام وبعد يومين ردوا علي بأنها دخلت ضمان 3سنوات او60 الف كيلو
نقطه اخيره انت من اي منطقه كانك في الرياض ترا المعارض مليانه او الخرج لان موتري من الخرج ماخذه كانك معزم والله لايفوتك خل عنك السييرا عله وموتر كبير والنيسان كد ومد وراحه
تحيييياتي لك والله يوفقك

[المسنلم]

نصيحه ثم نصيحه ثم نصيحه 00لاتقرب الشاص التيوتا والله تكره نفسك من قساوه فيه ومناقز والرساوه تحت الصفر وعزمه بالرمل سيء وكلامي من واقع تجربه لشاص 2014 كشتنا عليه يومين عفنا الكشته وقعدت بعدها اسبوع متكسر 0000

[مسير عليكم]

والله ياخوي الموتر انا ماسقته بس انا من عشاق نيسان وشهادتي فيه مجروحه
اذا للحين متردد منت شاري ادخل قوقل وشف العيوب اول شي اذا راضي بالعيوب استخر وتوكل
ومافيه موتر خالي من العيوب وكلن علي هواه يكبرها ويصغرها وكلن وتفكيره وعقليته وبعضهم يدافع عن شركه كنها حقت ابوه ويهاجم شركه كنهم سارقين حلاله
اخيرا الله يكتب لك الي فيه خير الموتر فيه مواصفات حلوه للكشاته ومحبين الشيصان واغلبهم مايحبونه لانه نيسان وشف معارض الخرج سعرها طيب وارخص من الخليج لسيارات الخليجيه لانها تطلع بدون ضمان وكميات واكيد بيكون لهم سعر طيب وثاني شي قبل لا تاخذ الموتر شف الباب وتاكد انه خليجي وغير الخليجي لا تاخذ
انا ساكن بالخرج ان بغيت شي من المعارض ارسلي خاص
(ترا مابي سعي مجرد خدمه اخويه ):D

[الكدن1]

تجربتي في الشاص النيسان فتك ياي
*راحة ورساوة
*بالنسبة للياباني فهو الاقوى بين فئته
*متانة وتماسك وقد جربت من موديل 2000 حتى 2012 لكن قبل تغييرالمكينة لم يعجبني ضعف مكينة ومطب
العيوب في الشاص الفتك
* تبخير البنزين مع حرارة الصيف في التانكي الاحتياطي فقط
* صوت الهواء في عارضة الصندوق وقيل ان الطريقة لاخفاء الصوت
( تلبيس العارضة)
* يحتاج تغيير الياي الخلفي الى ياي استرالي وسط وخاصة اذا كان حملك على الصندوق اكثر من 300 ك
اما ضيق الغمارة فاليابان كله ضيق بعكس الامريكي (اقصد سيارات البيك اب)

[htham]

نصيحه ثم نصيحه ثم نصيحه 00لاتقرب الشاص التيوتا والله تكره نفسك من قساوه فيه ومناقز والرساوه تحت الصفر وعزمه بالرمل سيء وكلامي من واقع تجربه لشاص 2014 كشتنا عليه يومين عفنا الكشته وقعدت بعدها اسبوع متكسر 0000

اخي الكريم المسنلم شاكر ومقدر مرورك ومشاركتك
الشاص التايوتا شكل ويناقز ويحمل لكن صندوفه صغير بعكس النيسان أوسع

[htham]

والله ياخوي الموتر انا ماسقته بس انا من عشاق نيسان وشهادتي فيه مجروحه
اذا للحين متردد منت شاري ادخل قوقل وشف العيوب اول شي اذا راضي بالعيوب استخر وتوكل
ومافيه موتر خالي من العيوب وكلن علي هواه يكبرها ويصغرها وكلن وتفكيره وعقليته وبعضهم يدافع عن شركه كنها حقت ابوه ويهاجم شركه كنهم سارقين حلاله
اخيرا الله يكتب لك الي فيه خير الموتر فيه مواصفات حلوه للكشاته ومحبين الشيصان واغلبهم مايحبونه لانه نيسان وشف معارض الخرج سعرها طيب وارخص من الخليج لسيارات الخليجيه لانها تطلع بدون ضمان وكميات واكيد بيكون لهم سعر طيب وثاني شي قبل لا تاخذ الموتر شف الباب وتاكد انه خليجي وغير الخليجي لا تاخذ
انا ساكن بالخرج ان بغيت شي من المعارض ارسلي خاص
(ترا مابي سعي مجرد خدمه اخويه ):D

اخي الكريم مسير عليكم لتيتك تشرفنا وتسير علينا تنشرف وعرضك الخدمة هذا يدل على طيبك والله
فلك مني جزيل الشكر والثناء

[htham]

تجربتي في الشاص النيسان فتك ياي
*راحة ورساوة
*بالنسبة للياباني فهو الاقوى بين فئته
*متانة وتماسك وقد جربت من موديل 2000 حتى 2012 لكن قبل تغييرالمكينة لم يعجبني ضعف مكينة ومطب
العيوب في الشاص الفتك
* تبخير البنزين مع حرارة الصيف في التانكي الاحتياطي فقط
* صوت الهواء في عارضة الصندوق وقيل ان الطريقة لاخفاء الصوت
( تلبيس العارضة)
* يحتاج تغيير الياي الخلفي الى ياي استرالي وسط وخاصة اذا كان حملك على الصندوق اكثر من 300 ك
اما ضيق الغمارة فاليابان كله ضيق بعكس الامريكي (اقصد سيارات البيك اب)

أخي الكريم الكدن1 انا جربت الشاص التايوتا عندي انه أضيق من النيسان
شاكر ومقدر مرورك و المشاركة

ا

[GX8v]

انا داخل مزاجي من قبل لا ينزلون نوع الشاص وش عاد يوم نزلوه بشكله البطل
ولي شهرين احاول احصل شاص فتك استاندر دفلك بدون ثلاجه ابيه بقساط ميسره ولا حصلت
يقولون الراجحي برياض اقساطهم زينه ونيه انشالله بطق واحد حليبي والله يرزقني ويرزقك بقرب وقت

[htham]

انا داخل مزاجي من قبل لا ينزلون نوع الشاص وش عاد يوم نزلوه بشكله البطل
ولي شهرين احاول احصل شاص فتك استاندر دفلك بدون ثلاجه ابيه بقساط ميسره ولا حصلت
يقولون الراجحي برياض اقساطهم زينه ونيه انشالله بطق واحد حليبي والله يرزقني ويرزقك بقرب وقت

آمين أخوي gx8v وابشر بخير ومشكور على المشاركة

[مقلع الرمث]

انا ماجربته الا قليل ولا يحكم على تجربتي

لكن ابقولك عن اخوان اثنين

واحد معه سييرا 2012 والثاني شاص 2012

راعي السييرا يجرب النيسان واجد وعلى كلامه يقول اريح من السييرا لانه ياي خلفي

السياره طبعا مخصصه للبر والتحميل الخفيف لانه ياي اما اذا بتحمل واجد عليك

بالياي الاسترالي بالتوفيق وبالاخير انت واستخارتك

[htham]

انا ماجربته الا قليل ولا يحكم على تجربتي

لكن ابقولك عن اخوان اثنين

واحد معه سييرا 2012 والثاني شاص 2012

راعي السييرا يجرب النيسان واجد وعلى كلامه يقول اريح من السييرا لانه ياي خلفي

السياره طبعا مخصصه للبر والتحميل الخفيف لانه ياي اما اذا بتحمل واجد عليك

بالياي الاسترالي بالتوفيق وبالاخير انت واستخارتك

فايدة
بركت اينما كنت أخي الكريم مقلع الرمث
ومشكور على المشاركة

[اسبيدر مان]

لكن هل قطع الغيار متوفر عند الموزعين مثل اول

[htham]

لكن هل قطع الغيار متوفر عند الموزعين مثل اول

لعل الوكيل الجديد يوفر
اسبيدر مان شاكر ومقدر على المرور والمشاركة

[htham]

اخواني السلام عليكم ورحمة الله وبركاته اللي يعرف سعر حوض النيسان توماتيك 2014 بخيرنا مشكور مقدماً

[htham]

خطا مطبعي
يخبرنا مشكور

[rangejaguar]

ما شاء الله