سيارتنا دايم تقطعنا وقت الامطار نرجو الحل لاهنتم

[صويب البرق]

السلام عليكم ورحمة الله وبركاته

اولا ماقول غير الله يقويكم ويوفقكم على مجهودكم ومساعدتكم للناس بإيجاد الحلول والله يكتب اجركم
الموضوع وسلامتكم
كلنا نحب المطر ونحب تتمشى بوقعه لكن انا وخويي سيارتنا جيب نيسان موديل 98 وكل ماطحنا بنقع مطر الموتر يطفي وبعد دقايق يشتغل المهم ان خويي متغربل منه وشحم له الديلكو والبواجي وفلتر الهواء وسد الفراغات بين الكفر والمكينه ولافيه فايده الله لايهينكم يمكن تعطوننا رأي يفكنا من القطعات ودمتكم بحفظ الله

[sgl2002]

موتري نفس موتركم ونفس المديل وكان يسوي نفس الشي ومبهذلني يقطع ويطفى لين سويت الطريقة اللي تحت والحين اطب الماء لين فوق الكبوت ماجاه شي


المهم بعطيك طريقة عشان بعدها تطمر الماء للكبوت ولاينتع ولاشي


لا جاء بالليل طف الانوار وخذ جركل ماء وشغل الموتر

وكب مويه على الديلكو وعلى اسلاك البواجي


ان طلع شرار او ومضات كهرب من اسلاك البواجي فلازم تغيرها وكالة لان حقت الوكالة تجي مقفله حتى من عند الديلكو بغراء


بعدها فك غطاء الديلكو تحصل به جلده طايحه ، حط سيليكون مكانها وطبق الغطاء وحط على أطرافه وليسه باصبعك عشان تضمن التقفيله


وبعدها رح طب بالماء لين ماتمل

[صويب البرق]

موتري نفس موتركم ونفس المديل وكان يسوي نفس الشي ومبهذلني يقطع ويطفى لين سويت الطريقة اللي تحت والحين اطب الماء لين فوق الكبوت ماجاه شي


المهم بعطيك طريقة عشان بعدها تطمر الماء للكبوت ولاينتع ولاشي


لا جاء بالليل طف الانوار وخذ جركل ماء وشغل الموتر

وكب مويه على الديلكو وعلى اسلاك البواجي


ان طلع شرار او ومضات كهرب من اسلاك البواجي فلازم تغيرها وكالة لان حقت الوكالة تجي مقفله حتى من عند الديلكو بغراء


بعدها فك غطاء الديلكو تحصل به جلده طايحه ، حط سيليكون مكانها وطبق الغطاء وحط على أطرافه وليسه باصبعك عشان تضمن التقفيله


وبعدها رح طب بالماء لين ماتمل

الله يجزاك بالخير ياخوي بالنسبه للي انت قلته فعلا كان اول يطفي ويشتغل بعد ساعه وبعد ماشحم الديلكو والبواجي يطفي وياخذ ابو خمس دقايق ويشتغل وابجرب طريقتك برش الماء وان شالله اعطيك وش يحصل

[ابوراكان تبوك]

عطاك العلم sgl