انحر به اللي مايريد الثقيله.....................الحل:كيبل......حله:bad r2003

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي لعشاق الخفيفات



كلٍ وله رغبات بالغطو ياخوك=والكل مناته ياصحيبي جزيله
احدٍ يبي بابه عن الكل مصكوك=من شان يعايس لين يلقى دليله
وحدٍ يبي بابه على طول مفكوك=يبغاها من مرماع تصبح قتيله
ونا لغيزي ماغدا الباب ملكوك=انحر به اللي مايريد الثقيله
انحر به اللي مايبا اللت واللوك=اللي مراده بالمرامع عجيله
وش خافيٍ لكن للكل مدروك=نوبٍ ونوبٍ شيف جمعٍ يشيله
يطري بقلبه ماقعٍ مابه اشكوك=ماقع وساسه حرب حرب الرذيله



مع تحيات ابو ماجد

منتديات مكشات 0 خيمة الالغاز

[ابو ماجد 2]

الذين يشاهدون محتوى الموضوع الآن : 15 ( الأعضاء 1 والزوار 14) ‏ابو ماجد 2 (http://www.mekshat.com/vb/member.php?u=38293)*

ماهو معقول 14 زائر ومافيهم عضو
اظهروا وبانوا لو مرور استاحشت جالس لوحدي

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

محاولة للتحريك

عرش......شرع

[ذيب الفقارة]

وعليكم السلام ورحمة الله وبركاته

صح لسانك أخي الغالي فارسنا

أبو ماجد

لغز يحتاج له تفكير عميق من الهوامير

فما بالك بنا

هذا مانحله ألا بعد أسابيع

تحياتي

[ابو ماجد 2]

وعليكم السلام ورحمة الله وبركاته


سلمت يالغالي


وصح لسانك


محاولة للتحريك


عرش......شرع


هلا بك يابو علي
صبحك الله بالخير
سلمت وصح بدنك
لمحت لك انت والهوامير ابيه يتأجل مرمعه لو شوي
ولكن مالك لوى يالغالي
انتظر مرماعك القادم

[ابو ماجد 2]

وعليكم السلام ورحمة الله وبركاته



صح لسانك أخي الغالي فارسنا


أبو ماجد


لغز يحتاج له تفكير عميق من الهوامير


فما بالك بنا


هذا مانحله ألا بعد أسابيع



تحياتي


هلا بمختارنا
صبحك الله بالخير
والله اني صادق ظننته مصلع
ولكن الالغاز سبق وان قلت معيارها يصعب علي
خاصة بعد ماافختت رمعة ابو علي

[أبو صالح الخلاوي]

أنت تقول هذا للي يحبون الخفافي

وأنا إلى هلحين مالقيت له مقاضيب

وتسلم وصح لسانك

محاولة :- نهي وهين ؟

[ابو ماجد 2]

أنت تقول هذا للي يحبون الخفافي

وأنا إلى هلحين مالقيت له مقاضيب

وتسلم وصح لسانك

هلا بك يابو صالح
نبي نكتب عليك انتبه هامور تحت استعادة اللياقه
هههههههههههههههههههه
هلا بك يابو صالح وصبحك الله بالخير
لو هاللغز معروض زمان كان مامداك تسويله شيله الا انت ذابحه

[ذيب الفقارة]

طيب يا فارسنا الغالي

مايصير

سحر ....... حرس

تحياتي

[ابو ماجد 2]

طيب يا فارسنا الغالي


مايصير


سحر ....... حرس



تحياتي


طبت وطاب فالك
مالك لوى يالغالي

[ابو ماجد 2]

حصل خطأ المعذره

الخطأ حطيت بيت اضافي يوم برقت اثره ماهو يم درب

[ابوذيبان]

الله الله الله الله

صح قلبك وكلك غالينا . ابوماجد

كايف مطرب فن . تبارك الله

.

توقفت عند مشاهدة حصول الخطأ .

ننتظر توجيهكم الكريم

[ناصر العلي]

محاولة

زول...لوز

[نحيحيل الوادي]

صح لسانك ابا ماجد

اكيد فيه خطا
هذا الثقيل:):)

[ابو ماجد 2]

الله الله الله الله

صح قلبك وكلك غالينا . ابوماجد

كايف مطرب فن . تبارك الله

.

توقفت عند مشاهدة حصول الخطأ .

ننتظر توجيهكم الكريم


هلا بمنهل الابداع
صح بدنك يالغالي
الخطأ ليس باللغز الخطا كان ببيت ادرجته والحمدلله تماكنت الدعوى قبل تقرونه
وكنت في عجله وساسوقه الآن

[ابو ماجد 2]

محاولة


زول...لوز


خل ابتواسا واتفنقس
هههههههههههههههههههههه
مالك لوى يالغالي

[همس النسيم]

وعليكم السلام ورحمة الله وبركاته
صح لسانك يابو ماجد
على هاللغز الجميل
لاهنت ولا هان غاليك
وننتظر تصحيح الخطا

[ابو ماجد 2]

صح لسانك ابا ماجد

اكيد فيه خطا
هذا الثقيل:):)

هلا بك يابو عزام
صح بدنك واللغز ان شاء الله سليم
والخطا كما قلت في بيت اضفته

[همس النسيم]

الذين يشاهدون محتوى الموضوع الآن : 15 ( الأعضاء 1 والزوار 14) ‏ابو ماجد 2 (http://www.mekshat.com/vb/member.php?u=38293)*



ماهو معقول 14 زائر ومافيهم عضو

اظهروا وبانوا لو مرور استاحشت جالس لوحدي



ههههههه
كنت من ضمن الزوار لان ماقدرت أدخل بأسمي
كنت اشاهده عبر تويتر من حساب المكشات
وقلت إذا رجعت للجهاز رديت

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي لعشاق الخفيفات


كلٍ وله رغبات بالغطو ياخوك=والكل مناته ياصحيبي جزيله
احدٍ يبي بابه عن الكل مصكوك=من شان يعايس لين يلقى دليله
وحدٍ يبي بابه على طول مفكوك=يبغاها من مرماع تصبح قتيله
ونا لغيزي ماغدا الباب ملكوك=انحر به اللي مايريد الثقيله
انحر به اللي مايبا اللت واللوك=اللي مراده بالمرامع عجيله
وش خافيٍ لكن للكل مدروك=نوبٍ ونوبٍ شيف جمعٍ يشيله
يطري بقلبه ماقعٍ مابه اشكوك=ماقع وساسه حرب حرب الرذيله
يصبح لي حيٍ ياهل الغطو مملوك = الياعكسته ثم قدمت ذيله


مع تحيات ابو ماجد

منتديات مكشات 0 خيمة الالغاز

[همس النسيم]

خل ابتواسا واتفنقس

هههههههههههههههههههههه

مالك لوى يالغالي



ماشاء الله
الله يقويك صرت أنشط منه هو بلغزه يقول مقدر أتفنقس
الله يعطيك الصحة والعافية

[عطري]

و عليكم السلام و رحمة الله و بركاته



صح لسانك أبا ماجد ، ما شاء الله هذا الخفيف ، أجل ثقل العيار شوي.



مرماع ما بعد هضمته :



قرص ( النمل أو النحل )



جاري التدقيق،،،

[ابو ماجد 2]

ههههههه
كنت من ضمن الزوار لان ماقدرت أدخل بأسمي
كنت اشاهده عبر تويتر من حساب المكشات
وقلت إذا رجعت للجهاز رديت

هلا بك اختنا الكريمه
شرفتينا ولعل غالبية الربع عندهم نفس العذر بس الشايب يحب يتدلع
هههههههههههههههه

[ابو ماجد 2]

ماشاء الله
الله يقويك صرت أنشط منه هو بلغزه يقول مقدر أتفنقس
الله يعطيك الصحة والعافية

هههههههههههههه
وين انشط حنا المشي نتضوكع وابو علي يلعب جمباز

[ابو ماجد 2]

و عليكم السلام و رحمة الله و بركاته



صح لسانك أبا ماجد ، ما شاء الله هذا الخفيف ، أجل ثقل العيار شوي.



مرماع ما بعد هضمته :



قرص ( النمل أو النحل )



جاري التدقيق،،،


عطرنا الفواح
صح بدنك يالغالي
هالحين صارلي اكثر من 15 سنه مدمن الغاز وما زلت يصعب علي ضبط معيار الصعوبه
لغز اقول سهل ويطول
ولغز اقول صعب ينحل من اول مرماع
الرمعه مالك لوى
انتظر مرماعك القادم

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي لعشاق الخفيفات

ودي ازيد ايضا بيت قبل يتركنا عطري جمعه وسبت


كلٍ وله رغبات بالغطو ياخوك=والكل مناته ياصحيبي جزيله
احدٍ يبي بابه عن الكل مصكوك=من شان يعايس لين يلقى دليله
وحدٍ يبي بابه على طول مفكوك=يبغاها من مرماع تصبح قتيله
ونا لغيزي ماغدا الباب ملكوك=انحر به اللي مايريد الثقيله
انحر به اللي مايبا اللت واللوك=اللي مراده بالمرامع عجيله
وش خافيٍ لكن للكل مدروك=نوبٍ ونوبٍ شيف جمعٍ يشيله
نوبات لابس نوب من لبس متروك= رجال بالحالين ماوجس فشيله
يطري بقلبه ماقعٍ مابه اشكوك=ماقع وساسه حرب حرب الرذيله
يصبح لي حيٍ ياهل الغطو مملوك = الياعكسته ثم قدمت ذيله


مع تحيات ابو ماجد

منتديات مكشات 0 خيمة الالغاز

[عطري]

عطرنا الفواح
صح بدنك يالغالي
هالحين صارلي اكثر من 15 سنه مدمن الغاز وما زلت يصعب علي ضبط معيار الصعوبه
لغز اقول سهل ويطول
ولغز اقول صعب ينحل من اول مرماع
الرمعه مالك لوى
انتظر مرماعك القادم


كلامك صحيح يا أبا ماجد

نزلت لغز و قلت عنه لغيز ، كنت أظن أنه سهلاً ، و لكن إلى الآن لم يحل رغم التوضيح .
و كنت أظن أنك من تحله ، لأن آخر شطر أخذته من شيخ مشهور عندكم.

[ابو ماجد 2]

كلامك صحيح يا أبا ماجد

نزلت لغز و قلت عنه لغيز ، كنت أظن أنه سهلاً ، و لكن إلى الآن لم يحل رغم التوضيح .
و كنت أظن أنك من تحله ، لأن آخر شطر أخذته من شيخ مشهور عندكم.

هلا بك يالغالي
ولغزك صراحة وليس كلامي قدحا فيه
انت قلت من كلام الاولين وبالساحل الغربي
وهذا ماجعلني ارفع الراية البيضاء واقول ماله الا اهل الغربيه ذيب الفقاره او نجيجيل الوادي او مسير او ابو اسامه

[عطري]

هلا بك يالغالي
ولغزك صراحة وليس كلامي قدحا فيه
انت قلت من كلام الاولين وبالساحل الغربي
وهذا ماجعلني ارفع الراية البيضاء واقول ماله الا اهل الغربيه ذيب الفقاره او نجيجيل الوادي او مسير او ابو اسامه



أخونا الغالي أبو عدنان إذا سمع طاري البحر رفع الراية
و أنت إذا سمعت طاري السلاح و البحر ترفع الراية.

لكن أنت نهجك تنزل لغز محلي وتطعمه بأبيات توضح المطلوب ، و هذا ما صنعته في لغزي.
البيت الأخير يكفي لمعرفة الحل ( مع الأخذ في الاعتبار عيون اللغز في الأبيات الأولى)

[صقر السديرات]

صح لسانك ايها الفارس الهمام
دعوة
حسبة
دمت يخير ياوجه ابخير

[ابو ماجد 2]

أخونا الغالي أبو عدنان إذا سمع طاري البحر رفع الراية
و أنت إذا سمعت طاري السلاح و البحر ترفع الراية.

لكن أنت نهجك تنزل لغز محلي وتطعمه بأبيات توضح المطلوب ، و هذا ما صنعته في لغزي.
البيت الأخير يكفي لمعرفة الحل ( مع الأخذ في الاعتبار عيون اللغز في الأبيات الأولى)

صدقت حنا ياهل نجد مدري كيف اتانا هالاحساس ناتي بشيء محلي ونظن الكل يعرفه
لعل السبب تولد من كون غالبية الشعر موافق للهجتنا
لكن لي عوده للغزك مادمت وضعت عليه مؤشرات لعل الله يلهمنا رمعته

[badr2003]

صح لسانك يابو ماجد
محاولة في هذا اللغز الماتع
كيبل
لبيك
كلبي

[ناصر العلي]

محاولة يالغالي

ضرع.....عرض

والضرع نوب تشوفه مشمل ونوب تشوفه مكشوف

[ابو ماجد 2]

صح لسانك يابو ماجد
محاولة في هذا اللغز الماتع
كيبل
لبيك
كلبي

مبهر مبهر مبهر مبهر
انت ذكرتني ببرق القصيم اصبحت تتختل وتنقض على التي تراها عصيه
كفوووووووووووووووو كفوووووووووووووووووووووووو كفووووووووووو
تعم
كيبل
والكيبل احيانا تحت الارض واحيانا تشيله الجموع وهي الابراج
العكس لبيك وموقعها الميقات لحج او عمره
واذا عكستها وقدمت الراس اصبح كلبي
لله درك وصح لسانك ملايين

[ابو ماجد 2]

محاولة يالغالي


ضرع.....عرض


والضرع نوب تشوفه مشمل ونوب تشوفه مكشوف


خل ابتواسا وابتفنقس واتلذذ بالرد الذي قلما اقوله لك
ماااالك لوى
والحل يالغالي اتى به المبهر
لايراودني شك يادكتور انك ستحله ولكن من حسن حظ لغزنا انشغالك باللغز اللي انت طارحه مما جعلك تنشغل عن التعمق بلغيزنا

[badr2003]

مبهر مبهر مبهر مبهر
انت ذكرتني ببرق القصيم اصبحت تتختل وتنقض على التي تراها عصيه
كفوووووووووووووووو كفوووووووووووووووووووووووو كفووووووووووو
تعم
كيبل
والكيبل احيانا تحت الارض واحيانا تشيله الجموع وهي الابراج
العكس لبيك وموقعها الميقات لحج او عمره
واذا عكستها وقدمت الراس اصبح كلبي
لله درك وصح لسانك ملايين



كفوك الطيب يالغالي ,,وبرق القصيم بارع في حل الالغاز ولا يهونون الاعضاء الكرام كلهم قناصين ومبدعين ,,,دمتم بخير

[ابو ماجد 2]

كفوك الطيب يالغالي ,,وبرق القصيم بارع في حل الالغاز ولا يهونون الاعضاء الكرام كلهم قناصين ومبدعين ,,,دمتم بخير [/center]

هلا بك يالغالي
وهالخيمه بفضل الله يغيب فطاحله ببدع الالغاز ونقول يصعب تعويضه ثم بقدرة الله ياتينا مما لايقل عنهم شأن وكذلك الرماعين نفتقد من نرى تعويضه صعب
ثم يسوق لنا الله من لايقل عنه
الله يوفق الغايبين ويسمعنا عنهم مايسر والله يبارك بالموجودين فقد اعطوا الخيمه صخب يشار له بالبنان بشهادة من ليسوا اعضاء بخيمتنا

[ناصر العلي]

خل ابتواسا وابتفنقس واتلذذ بالرد الذي قلما اقوله لك
ماااالك لوى
والحل يالغالي اتى به المبهر
لايراودني شك يادكتور انك ستحله ولكن من حسن حظ لغزنا انشغالك باللغز اللي انت طارحه مما جعلك تنشغل عن التعمق بلغيزنا


سلمت يالغالي

وأنا يااخوك عقب مادخلت الصبح كلما جيت أبي أدخل مرة ثانية يايجيني إتصال وإلا يدخل عندي واحد

وعلى هالحال لين أنتهى الدوام

وكفو يابدر

ولله درك يالغالي

تحياتي

[ابو ماجد 2]

سلمت يالغالي

وأنا يااخوك عقب مادخلت الصبح كلما جيت أبي أدخل مرة ثانية يايجيني إتصال وإلا يدخل عندي واحد


وعلى هالحال لين أنتهى الدوام


وكفو يابدر


ولله درك يالغالي


تحياتي[/CENTER]



سلمت من الشر
وليتك تفضي ماهو عشان اللغز ولكن من شان نحظى بشوفتك لكن خيره بغيره
وربي يكون بعونك

[عطري]

صح لسانك أبا ماجد ، لغز رائع



أخطأت في كتابة الكابل فما ركب الباقي.



و



كفووووووووووووووو

ثم

كفوووووووووووووو

يالمبهر بدر



عاد عندك يومين لا يفوتك لغيزي.



نلتقي الأحد على خير بإذن الله،،،